ນະຄອນຫຼວງວຽງຈັນ

ສະຫາຍ ບຸນຍັງ ວໍລະຈິດ,

ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ຄຳທັກທາຍຖານສະຫາຍ ມາຍັງ ສະຫາຍ ແລະ ໂດຍຜ່ານສະຫາຍໄປຍັງພັກ, ລັດຖະບານ ແລະ ປະຊາຊົນລາວທີ່ເປັນມິດຕະພາບ.

ຕະຫຼອດໄລຍະ 42 ປີ ທີ່ຜ່ານມາ, ໂດຍພາຍໃຕ້ການຊີ້ນຳນຳພາ ອັນຖືກຕ້ອງຂອງພັກປະຊາຊົນ ປະຕິວັດລາວ, ລັດຖະບານ ແລະ ປະຊາຊົນລາວ ໄດ້ບັນລຸຜົນສຳເລັດອັນໃຫຍ່ຫຼວງ ໃນພາລະກິດປົກປັກຮັກສາອຸດົມການສັງຄົມນິຍົມ ແລະ ສ້າງແລະບູລະນະ ລະບອບປະຊາທິປະໄຕປະຊາຊົນ ໃຫ້ແໜ້ນແຟ້ນຂຶ້ນກວ່າເກົ່າ ແລະ ປັບປຸງຊີວິດການເປັນຢູ່ຂອງປະຊາຊົນ.

ຂ້າພະເຈົ້າ ເຊື່ອໝັ້ນວ່າ ສາຍພົວພັນ ມະດຕະພາບ ແລະ ການຮ່ວມມື ອັນເປັນມູນເຊື້ອ ລະຫວ່າງ ສອງພັກ ແລະ ສອງປະເທດ ພວກຂ້າພະເຈົ້າ ຊຶ່ງບັນດາອະດີດຜູ້ນຳໄດ້ ປູກສ້າງ ແລະ ເພີ່ມພູນຄູນສ້າງມາ ຈະສືບຕໍ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ໂດຍຄວາມເອົາໃຈໃສ່ ແລະ ຄວາມພະຍາຍາມການຮ່ວມ ແລະ ຂໍອວຍພອນໄຊຢ່າງສຸດອົກສຸດໃຈ ໃຫ້ ສະຫາຍ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດອັນຍິ່ງກວ່າເກົ່າ ໃນພາລະໜ້າທີ່ຮັບຜິດຊອບ ຂອງສະຫາຍ ເພື່ອນຳພາປະເທດຊາດໃຫ້ມີຄວາມຈະເລີນຮຸ່ງເຮືອງ.

ກິມ ເຈິງ ອຸນ

ປະທານຂອງ ພັກແຮງງານເກົາຫຼີ

ປະທານ ຂອງ ຄະນະກຳມາທິການກິດຈະການແຫ່ງລັດ

ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ

ວັນທີ 2 ທັນວາ, ປີ ຈຸດເຊ 106 (2017)

ນະຄອນຫຼວງພຽງຢາງ

--------------------------------------------------------------------------

ນະຄອນຫຼວງວຽງຈັນ

          ສະຫາຍ ທອງລຸນ ສີສຸລິດ

          ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ມາຍັງ ສະຫາຍ ແລະ ໂດຍຜ່ານສະຫາຍ ໄປຍັງ ລັດຖະບານ ແລະ ປະຊາຊົນລາວ ທີ່ເປັນເພື່ອນມິດ.

ຂ້າພະເຈົ້າ ມີຄວາມດີອົກດີໃຈ ທີ່ເຫັນວ່າໂດຍພາຍໃຕ້ການຊີ້ນຳນຳພາ ຂອງພັກປະຊາຊົນ ປະຕິວັດລາວ, ລັດຖະບານ ແລະ ປະຊາຊົນ ໄດ້ບັນລຸຜົນສຳເລັດອັນໃຫຍ່ຫຼວງ ໃນພາລະກິດສ້າງລະບອບປະຊາທິປະໄຕປະຊາຊົນ ໃຫ້ແໜ້ນແຟ້ນຂຶ້ນກວ່າເກົ່າ ແລະ ປະຕິບັດ ແຜນພັດທະນາເສດຖະກິດ-ສັງຄົມ ໄລຍະ 5 ປີ ຄັ້ງທີ 8.

ໃນໂອກາດນີ້, ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອ ລະຫວ່າງ ສອງປະເທດ ພວກຂ້າພະເຈົ້າ ຈະສືບຕໍ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ໃຫ້ສອດຄ່ອງກັບຄວາມປາດຖະໜາຂອງ ປະຊາຊົນສອງຊາດ ແລະ ຂໍອວຍພອນໄຊຢ່າງອສຸດອົກສຸດໃຈ ໃຫ້ ສະຫາຍ ຈົ່ງມີສຸຂະພາບເຂັ້ມແຂງ,​ ມີຄວາມຜາສຸກ ແລະ ປະສົບຜົນສຳເລັດອັນຍິ່ງໃຫຍ່ກວ່າເກົ່າ ໃນພາລະໜ້າທີ່ຂອງສະຫາຍ.

ປາກ ບົງ ຈູ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ

ວັນທີ 2 ທັນວາ, ປີ ຈຸດເຊ 106 (2017)

ນະຄອນຫຼວງພຽງຢາງ

--------------------------------------------------------------------------

ນະຄອນຫຼວງວຽງຈັນ

ສະຫາຍ ສະເຫຼີມໄຊ ກົມມະສິດ,

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ມາຍັງ ສະຫາຍ.

ຂ້າພະເຈົ້າ ມີຄວາມດີອົກດີໃຈທີ່ເຫັນວ່າ ສາຍພົວພັນການຕ່າງປະເທດຂອງພວກສະຫາຍໄດ້ຮັບການເສີມຂະຫຍາຍ.

ໃນໂອກາດນີ້, ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອ ແລະ ປະຫວັດສາດອັນຍາວນານ ລະຫວ່າງ ສອງປະເທດພວກເຮົາ ຈະສືບຕໍ່ໄດ້ຮັບການເສີມຂະຫຍາຍໂດຍຄວາມພະຍາຍາມການຮ່ວມຂອງພວກເຮົາ ແລະ ຂໍອວຍພອນໄຊຢ່າງສຸດອົກສຸດໃຈ ໃຫ້ ສະຫາຍ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດອັນຍິ່ງກວ່າເກົ່າ ໃນພາລະໜ້າທີ່ຂອງສະຫາຍ.

ຣິ ຢອງ ໂຮ

 ລັດຖະມົນຕີກະຊວງການຕ່າງປະເທດ

 ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ

 ວັນທີ 2 ທັນວາ, ປີ ຈຸດເຊ 106 (2017)