ນະ​ຄອນຫຼວງວຽງ​ຈັນ, ວັນ​ທີ 21 ພຶດສະພາ 2017

ພະນະທ່ານ,

ຂ້າພະ​​ເຈົ້າ ມີຄວາມປີຕີຍີນດີສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ເນື່ອງໃນໂອກາດທີ່ ພະນະທ່ານ ໄດ້ຮັບການເລືອກຕັ້ງໃຫ້ດຳລົງຕຳແໜ່ງເປັນ ປະທານາທິບໍດີ ແຫ່ງ ສາທາລະນະລັດ ປະຊາທິປະໄຕ ແຫ່ງ ຕີມໍ-ເລສເຕ.

ຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາອັນປີຊາສາມາດ ແລະ ປະສົບການສູງ ຂອງ ພະນະທ່ານ, ປະເທດ ຕີມໍ-ເລສເຕ ຈະໄດ້ຮັບການພັດທະນາໃຫ້ຈະເລີນກ້າວໜ້າ ແລະ ວັດທະນາຖາວອນຍິ່ງຂື້ນ, ຂ້າພະເຈົ້າຫວັງວ່າ ຈະໄດ້ຮ່ວມເຮັດວຽກກັບ ພະນະທ່ານ ຢ່າງໃກ້ຊິດ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ລາວ ແລະ ຕີມໍ-ເລສເຕ ໃຫ້ຂະຫຍາຍຕົວ ແລະ ແໜ້ນແຟ້ນ​ຂຶ້ນ ໃນ​ຊຸມ​ປີ​ຕໍ່​ໜ້າ.

ຂ້າພະເຈົ້າ ຂໍ​ອວຍພອນ​ໄຊ​ ພະນະທ່ານ ຈົ່ງ​ມີພາລະ​ນາ​ໄມ​ສົມບູນ, ມີຄວາມຜາສຸກ ແລະ ປະສົບ​ຜົນສຳ​ເລັດໃຫຍ່ຫລວງກວ່າເກົ່າ ໃນໜ້າທີ່ອັນສູງສົ່ງຂອງ ພະນະທ່ານ.                                                

(ເຊັນ)

                                ​                                      ບຸນຍັງ ວໍລະຈິດ

                                                                      ປະທານປະເທດ ແຫ່ງ ສປປ ລາວ

ພະນະທ່ານ ແຟຣນສິດໂກ ກູ່ເຕິເລສ

ປະທານາທິບໍດີ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ

ນະຄອນຫວງດີລີ