ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ໜ່ວຍພັກ ກົມເອີຣົບ-ອາເມລິກາ ສຳເລັດກອງປະຊຸມໃຫຍ່ ຄັ້ງທີ IV

 

20200604 AAD1

20200604 AAD2

20200604 AAD3

 

ກອງປະຊຸມໃຫຍ່ ຄັ້ງທີ IVຂອງໜ່ວຍພັກ ກົມເອີຣົບ-ອາເມລິກາ, ກະຊວງການຕ່າງປະເທດ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 4 ມິຖຸນາ 2020 ທີ່ ກະຊວງການຕ່າງປະເທດ, ໂດຍການໃຫ້ກຽດເຂົ້າຮ່ວມ​​ເປັນປະທານຂອງ ສະຫາຍ ສະເຫຼີມໄຊ ກົມມະສິດ, ກໍາມະການສູນກາງພັກ, ເລຂາຄະນະບໍລິຫານງານພັກກະຊວງການຕ່າງປະເທດ, ມີສະຫາຍເລຂາໜ່ວຍພັກ, ຮອງເລຂາ, ສະມາຊິກພັກສົມບູນ, ສະມາຊິກພັກສຳຮອງ, ສາມອົງການຈັດຕັ້ງມະຫາຊົນ ຂອງ ກົມເອີຣົບ-ອາເມລິກາ ແລະ ແຂກຖືກເຊີນ ຈາກບັນດາໜ່ວຍພັກອ້ອມຂ້າງກະຊວງການຕ່າງປະເທດ ເຂົ້າຮ່ວມລວມທັງໝົດ 36 ສະຫາຍ.

ໃນກອງປະຊຸມ, ສະຫາຍ ພົມມາ ຄຳມະນີຈັນ, ເລຂາຄະນະໜ່ວຍພັກ ກົມເອີຣົບ-ອາເມລິກາ ໄດ້ຜ່ານບົດລາຍງານການເມືອງ ແລະ ບົດສຳຫຼວດການຊີ້ນຳ-ນຳພາ ຂອງຄະນະໜ່ວຍພັກຊຸດເກົ່າໃນໄລຍະ 5 ປີຜ່ານມາ, ເຊິ່ງໄດ້ສັງເກດຕີລາຄາຜົນສຳເລັດ, ຂໍ້ສະດວກ, ຂໍ້ຫຍຸ້ງຍາກ ແລະ ບາງບົດຮຽນທີ່ຖອດຖອນໄດ້ ໃນການຊີ້ນຳນຳພາຂອງຄະນະໜ່ວຍພັກ ແລະ ຜົນສຳເລັດທີ່ໜ່ວຍພັກກົມທີ່ຍາດມາໄດ້ໃນໄລຍະຜ່ານມາ. ພ້ອມດຽວກັນນີ້, ກໍໄດ້ກຳນົດທິດທາງແຜນການ ລວມ ແລະ ໜ້າທີ່ຈຸດສຸມ ສຳລັບປີ 2020-2025 ເພື່ອສືບຕໍ່ຜັນຂະຫຍາຍການຈັດຕັ້ງປະຕິບັດຜົນກອງປະຊຸມວຽກງານການຕ່າງປະເທດ ຄັ້ງທີ 13 ແລະ 14 ທີ່ຜ່ານມາ ໃຫ້ປະກົດຜົນເປັນຈິງຍິ່ງໆຂຶ້ນ.

ໜ່ວຍພັກ ກົມເອີຣົບ-ອາເມລິກາ ມີສະມາຊິກພັກທັງໝົດ 32 ສະຫາຍ, ຍິງ 10 ສະຫາຍ, ສະມາຊິກສົມບູນ 27 ສະຫາຍ, ຍິງ 08 ສະຫາຍ; ສໍາຮອງ 05 ສະຫາຍ, ຍິງ 02 ສະຫາຍ ກວມເອົາ 68,08% ຂອງຈໍານວນພະນັກງານທັງໝົດຂອງກົມ   ຈໍານວນ 47 ຄົນ ແລະ ມີສະມາຊິກພັກພະນັກງານບໍານານ 01 ສະຫາຍ. ອາຍຸກະສຽນຂອງບັນດາສະມາຊິກພັກສູງສຸດແມ່ນ 63 ປີ, ຕໍ່າສຸດ 28 ປີ. ໃນໄລຍະ 5 ປີ ຜ່ານມາ, ໜ່ວຍພັກ ສາມາດຍາດໄດ້ຜົນງານທີ່ພົ້ນເດັ່ນຫຼາຍດ້ານ, ເປັນຕົ້ນແມ່ນການກໍ່ສ້າງ ແລະ ຂະຫຍາຍພັກໄດ້ດຳເນີນຢ່າງຕໍ່ເນື່ອງ ໂດຍຍຶດຖືເອົາຄຸນະພາບເປັນຫລັກ ແລະ ຕິດພັນກັບຂະບວນການເຄື່ອນໄຫວຂອງອົງການຈັດຕັ້ງມະຫາຊົນ,. ນັບແຕ່ກອງປະຊຸມໃຫຍ່ຄັ້ງທີIIIຂອງໜ່ວຍພັກກົມເອີຣົບແລະອາເມຣິກາ, ໜ່ວຍພັກຂອງກົມສາມາດກໍ່ສ້າງມະຫາຊົນກ້າວໜ້າເຂົ້າເປັນສະມາຊິກພັກສົມບູນໄດ້12ສະຫາຍ, ຍິງ 03ສະຫາຍ; ສໍາຮອງໄດ້ 18ສະຫາຍ, ເປັນຍິງ 05ສະຫາຍ ແລະ ປະຈຸບັນກໍາລັງຕິດຕາມກໍ່ສ້າງມະຫາຊົນກ້າວໜ້າອີກຈໍານວນ 07 ສະຫາຍ, ເປັນຍິງ 05ສະຫາຍ.

ສໍາລັບທິດທາງແຜນການຈຸດສູມຂອງໜ່ວຍພັກ ກົມເອີຣົບ-ອາເມລິກາ ໃນຕໍ່ໜ້າ ແມ່ນຈະໄດ້ສຸມໃສ່ວຽກງານກໍ່ສ້າງພັກ-ພະນັກງານ, ຂະຫຍາຍພັກຢ່າງມີຈຸດສຸມ ແລະ ມີຄຸນນະພາບ, ເອົາໃຈໃສ່ສຶກສາອົບຮົມທາງດ້ານການເມືອງແນວຄິດ ໃຫ້ແກ່ສະມາຊິພັກ-ພະນັກງານ ປະຕິບັດແນວທາງນະໂຍບາຍຂອງພັກ-ລັດ ໃນໄລຍະປົກປັກຮັກສາ ແລະ ສ້າງສາພັດທະນາປະເທດຊາດ, ມີຄວາມອຸ່ນອຽນທຸ່ນທ່ຽງສູງ, ອົດທົນບຸກບືນແລະເສຍສະຫຼະຫຼາຍຂຶ້ນຕື່ມ, ຍົກສູງຄຸນນະພາບໃນການເປັນເສນາທິການ ໃຫ້ຄະນະພັກ, ຄະນະນໍາກະຊວງ, ເພີ່ມທະວີຄວາມເອົາໃຈໃສ່ຍົກສູງບົດບາດຂອງ 3 ອົງການຈັດຕັ້ງມະຫາຊົນ ເພື່ອກໍ່ສ້າງ ແລະ ນໍາພາມະຫາຊົນ ໂດຍສະເພາະການສ້າງພະນັກງານຮຸ່ນໜຸ່ມ ໃຫ້ມີຄຸນທາດການເມືອງ, ມີຄຸນສົມບັດສິນທຳປະຕິວັດແລະເພີ່ມທະວີຄວາມເອົາໃຈໃສ່ຕໍ່ການຂົນຂວາຍຜູ້ທີ່ກ້າວໜ້າເຂົ້າເປັນສະມາຊິກພັກ​​ໂດຍຖືເອົາຄຸນນະພາເປັນຫຼັກ ແນ່ໃສ່ສ້າງໃຫ້ເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ.

ໃນໂອກາດດັ່ງກ່າວ, ຜູ້ແທນກອງປະຊຸມ ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ຈຳນວນ 3 ສະຫາຍ ແລະ ໃນກອງປະຊຸມຄັ້ງປະຖົມມະເລີກ ຂອງຄະນະໜ່ວຍພັກຊຸດໃໝ່ ໄດ້ເປັນເອກະພາບເລືອກເອົາ ສະຫາຍ ບຸນທະວີ ວິລະວົງ ເປັນເລຂາໜ່ວຍພັກ; ສະຫາຍ ໄມບົວ ໄຊຍະວົງ ເປັນຮອງເລຂາ; ສະຫາຍ ນາງ ບຸນພາດີ ອິນສີຊຽງໃໝ່ ເປັນກໍາມະການ, ທັງເປັນປະທານກວດກາ ໜ່ວຍພັກ ກົມເອີຣົບ-ອາເມລິກາ.

ກອງປະຊຸມຄັ້ງນີ້ ຍັງ​​ໄດ້ຮັບຟັງການໂອ້ລົມຂອງ ສະຫາຍ ສະເຫຼີມໄຊ ກົມມະສິດ, ກຳມະການສູນກາງພັກ, ເລຂາຄະນະບໍລິຫານງານພັກກະຊວງການຕ່າງປະເທດ, ເຊິ່ງ​​ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານຂອງໜ່ວຍພັກ​​ກົມເອີຣົບ-ອາເມລິກາ, ກະຊວງການຕ່າງປະເທດ ໃນໄລຍະຜ່ານມາ ແລະ ໄດ້ໃຫ້ທິດຊີ້ນຳ ໃຫ້ໜ່ວຍພັກສືບຕໍ່ເສີມຂະຫຍາຍມູນເຊື້ອຂອງຕົນ, ສືບຕໍ່ເຊີດຊູບົດບາດການນຳພາໃຫ້ສູງຂຶ້ນຕື່ມ, ໃຫ້ຖືວຽກງານກໍ່ສ້າງພັກ-ພະນັກງານ ເປັນບຸລິມະສິດຕົ້ນຕໍ, ເພີ່ມທະວີສຶກສາອົບຮົມດ້ານການເມືອງ-ແນວຄິດ ຕໍ່ສະມາຊິກພັກ-ພະນັກງານ ກົມເອີຣົບ-ອາເມລິກາ, ເພີ່ມທະວີຄວາມສາມັກຄີພາຍໃນໜ່ວຍພັກ ກໍ່ຄື ພາຍໃນກົມຂອງຕົນ, ຍົກສູງແບບວິທີເຮັດວຽກຕາມຫຼັກການລວມສູນປະຊາທິປະໄຕ, ກໍ່ສ້າງຂະຫຍາຍສະມາຊິກພັກໃຫ້ໄດ້ຄຸນນະພາບ, ການກໍ່ສ້າງບໍາລຸງພະນັກງານດ້ານພາສາຕ່າງປະເທດ ຄຽງຄູ່ກັບຄວາມຮູ້ດ້ານວິຊາສະເພາະ, ສືບຕໍ່ຊີ້້ນຳ-ນຳພາຢ່າງໃກ້ຊິດຕໍ່ 3 ອົງການຈັດຕັ້ງມະຫາຊົນ, ເພີ່ມທະວີວຽກງານກວດກາໃຫ້ເຂັ້ມແຂງ ແລະ ຍົກສູງປະສິດທິພາບ ປະສິດທິຜົນ ໃນການປະຕິບັດໜ້າທີ່ວິຊາສະເພາະໃນດ້ານຕ່າງໆ, ສູ້ຊົນຜ່ານຜ່າຄວາມຫຍຸ້ງຍາກແລະຢ່າງຕັ້ງໜ້າ. ຄຽງຄູ່ກັນນັ້ນ,​ ກໍ່ໃຫ້ສືບຕໍ່ແກ້ໄຂຈຸດອອ່ອນ ແລະ ເສີມຂະຫຍາຍຈຸດດີ ໂດຍຊອກຫາມາດຕະການ ແລະ ວິທີແກ້ໄຂສິ່ງດັ່ງກ່າວ ໃຫ້ທັນກັບສະພາບການຕົວຈິງ ເພື່ອສາມາດຍາດໄດ້ຜົນສຳເລັດອັນໃໝ່ໃຫຍ່ຫຼວງກວ່າເກົ່າ ແລະ ສ້າງໜ່ວຍພັກຂອງຕົນ ໃຫ້ກາຍເປັນໜ່ວຍພັກແຂງ ປອດໄສ ເຂັ້ມແຂງ ໜັກແໜ້ນ ໃນຕໍ່ໜ້າ.

ກອງປະຊຸມດັ່ງກ່າວ ໄດ້ດຳເນີນໄປດ້ວຍບັນຍາກາດອັນຟົດຟື້ນ ແລະ ໄດ້ຮັບຜົນສໍາເລັດຢ່າງຈົບງາມ.

a
ແຈ້ງການ

*ສປປ ລາວ ສະໜັບສະໜູນຂໍ້ລິເລິ່ມ ກ່ຽວກັບ ຄວາມໝັ້ນຄົງທາງດ້ານຂໍ້ມູນຂ່າວສານສາກົນ (Global Initiative on Data Security).

*ຖະແຫຼງການຂອງກະຊວງການຕ່າງປະເທດ ກ່ຽວກັບ ສປປ ລາວ ສະແດງຄວາມຊົມເຊີຍ ແລະ ສະໜັບສະໜູນ ສປ ຈີນ ຕໍ່່ການຮັບຮອງເອົາກົດໝາຍ ວ່າດ້ວຍ ການຮັກສາຄວາມຫມັ້ນຄົງແຫ່ງ ຊາດຂອງເຂດປົກຄອງພິເສດຮົງກົງ.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ວັນທີ 01 ມິຖຸນາ 2020

*ສືບຕໍ່ປະຕິບັດບັນດາມາດຕະການຜ້ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ COVID-19 ໃນໄລຍະແຕ່ວວັນທີ 02-30 ມິຖຸນາ 2020

*ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ຮ່າງກົດໝາຍ ວ່າດ້ວຍ ການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍຕ່າງໆ ຂອງເຂດປົກຄອງພິເສດຮົງກົງ ເພື່ອຮັກສາຄວາມໝັ້ນຄົງແຫ່ງຊາດ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

ຄຳແນະນຳສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 (COVID-19)

* ປະກາດໂຄສະນາ ກ່ຽວກັບ ການຄັດເລືອກບຸກຄົນ ຫຼື ອົການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

* ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
235540
ມື້ນີ້37
ມື້ວານ113
ອາທິດນີ້122
ເດືອນນີ້3609
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710