ໃນຕອນ​ເຊົ້າ ຂອງ​ວັນ​ທີ  12 ມີນາ 2019, ​ທີ່ ສະ​ຖານ​ທູດ​ ເຢຍລະມັນປະຈຳ ສປປ ລາວ ທີ່ ນະຄອນຫຼວງວຽງຈັນ, ​ທ່ານໂພໄຊ ໄຂຄຳພິທູນ, ຫົວໜ້າຫ້ອງການ​ກະ​ຊວງ​ການ​ຕ່າງ​ປະ​ເທດ ແຫ່ງ ສ​ປ​ປ ລາວ, ໄດ້​​ເຂົ້າຮ່ວມພິທີເຊັນ​ປື້ມ​ໄຫວ້​ອາ​ໄລ​​ ແດ່ດວງວິນຍານຂອງ ທ່ານ Dr. Klaus Kinkel, ອະດີດລັດຖະມົນຕີຕ່າງປະເທດ ແຫ່ງ ສາທາລະນະລັດ ສະຫະພັນ ເຢຍລະມັນ (1992-1998) ທີ່ໄດ້ເຖິງແກ່ມໍລະນະກຳ ໃນວັນທີ 04 ມີນາ 2019.

ເນື້ອໃນຂອງສານໄຫວ້ອາໄລມີດັ່ງນີ້:

ພວກຂ້າພະເຈົ້າ ມີຄວາມເສົ້າໂສກເປັນຢ່າງຍິ່ງ ທີ່ໄດ້ຮັບຊາບຂ່າວການເຖິງແກ່ມໍລະນະກຳຂອງ ທ່ານ Dr. Klaus Kinkel, ອະດີດລັດຖະມົນຕີຕ່າງປະເທດ ແຫ່ງ ສາທາລະນະລັດ ສະຫະພັນ ເຢຍລະມັນ, ໃນວັນທີ 04 ມີນາ 2019.

ໃນນາມລັດຖະບານ ແລະ ປະຊາຊົນ ແຫ່ງ ສປປ ລາວ, ພວກຂ້າພະເຈົ້າ ຂໍແບ່ງເບົາຄວາມທຸກໂສກ ແລະ ສະແດງຄວາມເສົ້າສະຫຼົດໃຈຢ່າງສຸດຊື້ງ ມາຍັງລັດຖະບານ ແລະ ປະຊາຊົນເຢຍລະມັນ ກໍຄືຄອບຄົວຂອງ ທ່ານອະດີດລັດຖະມົນຕີຕ່າງປະເທດ.

ເອກອັກຄະລັດຖະທູດ ໂພໄຊ ໄຂຄຳພິທູນ

ຫົວໜ້າຫ້ອງການກະຊວງການຕ່າງປະເທດ