ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ເອກອັກຄະລັດຖະທູດລາວ ປະຈໍາ ຣາຊະອານາຈັກໄທ ເຂົ້າຮ່ວມບຸນປະຈຳປີຂອງຊາວລາວຄັ່ງ

Bkk BounKhang

ໃນວັນທີ 11 ມີນາ ທີ່ຜ່ານມານີ້, ທ່ານ ຫລີ ບຸນຄໍ້າ, ເອກອັກຄະລັດຖະທູດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ຣາຊະອານາຈັກໄທ ແລະ ຄະນະ ໄດ້ເຂົ້າຮ່ວມບຸນໂຮມແຮງປະຈຳປີຊາວລາວຄັ່ງສໍາພັນ ເທື່ອທີ່ 4 ຈັດຂຶ້ນທີ່ບ້ານກຸດຈອກ, ອຳເພີໜອງມະໂມງ, ຈັງຫວັດໄຊນາດ, ຣາຊະອານາຈັກໄທ; ຄະນະທ່ານທູດ ໄດ້ຮັບການຕ້ອນຮັບຢ່າງອົບອຸ່ນຈາກ ທ່ານ ນິມິດ ວັນໄຊຕະນະວົງ, ຜູ້ວ່າຣາຊການຈັງຫວັດໄຊນາດ, ທ່ານ ນາງ ສິລິລັກ ເມາະພິໄຊ, ນາຍອຳເພີໜອງມະໂມງ, ທັງເປັນນາຍົກເຫລົ່າກາຊາດ; ອໍານາດການປົກຄອງເມືອງ, ບ້ານ, ຕະຫລອດຮອດພໍ່ແມ່ປະຊາຊົນຄົນໄທເຊື້ອສາຍລາວຄັ່ງໃນທ້ອງຖິ່ນດັ່ງກ່າວ ແລະ ມາຈາກ 13 ຈັງຫວັດຕ່າງໆຂອງປະເທດໄທ ປະມານພັນກວ່າຄົນ.

 

ໂອກາດມີຄວາມເຫັນຕໍ່ພິທີຄັ້ງນີ້; ທ່ານເອກອັກຄະລັດຖະທູດ ຫລີ ບຸນຄໍ້າ ໄດ້ຕີລາຄາສູງການພົວພັນລາວ-ໄທ ໃນໄລຍະໃໝ່, ຍ້ອງຍໍຊົມເຊີຍພີ່ນ້ອງເຊື້ອສາຍລາວຄັ່ງ ທີ່ມີຄວາມຮັກຫອມປຸ້ມລຸມສາມັກຄີປອງດອງເປັນຜຶກແຜ່ນ ແລະ ປົກປັກຮັກສາຮີດຄອງປະເພນີອັນເກົ່າແກ່ດັ້ງເດີມຂອງບັນພະບຸລຸດຂອງຕົນ, ຮຽກຮ້ອງໃຫ້ພ້ອມກັນສືບຕໍ່ຮັກສາ ແລະ ຜັນຂະຫຍາຍໄປສູ່ລຸ້ນລູກລຸ້ນຫລານ; ພ້ອມທັງເຊີນຊວນໃຫ້ໄປຢ້ຽມຢາມ ສປປ ລາວ ໃນເວລາອັນສະດວກເໝາະສົມ.

ໃນບຸນໂຮມແຮງລາວຄັ່ງເທື່ອນີ້ ຍັງມີພີ່ນ້ອງຄົນໄທເຊື້ອສາຍລາວວຽງ, ໄທພວນ ແລະ ລາວຊົ້ງ ຈາກຈັງຫວັດໃກ້ຄຽງເຂົ້າຮ່ວມສະແດງສິລະປະພື້ນເມືອງຢ່າງມ່ວນຊື່ນ. ບຸນໂຮມແຮງ ເປັນປະເພນີທີ່ຄົນໄທເຊື້ອສາຍລາວຄັ່ງ ຈັດຂຶ້ນທຸກໆປີ ເພື່ອເຕົ້າໂຮມຄວາມສາມັກຄີກິນເຂົ້າແລງຮ່ວມກັນ ເຊິ່ງເຂົາເຈົ້າຖືວ່າເປັນປະເພນີທີ່ໄດ້ສຶບຕໍ່ມາຈາກປູ່ຍ່າຕາຍາຍ ແລະ ຄວນອະນຸລັກຮັກສາເອົາໄວ້ຕະຫລອດໄປ.

 

ອີງຕາມຂໍ້ມູນຂອງຈັງຫວັດໄຊນາດ, ສະເພາະບ້ານກຸດຈອກ ມີຄົນໄທເຊື້ອສາຍລາວຄັ່ງ (ເຂົາເຈົ້າເຊື່ອວ່າໄປຈາກແຂວງຫລວງພະບາງ ແລະ ໄຊຍະບູລີ) ອາໄສຢູ່ປະມານ 200 ຫລັງຄາເຮືອນ, ປະກອບອາຊີບຕົ້ນຕໍຄືຜະລິດກະສິກໍາ-ເຮັດນາ, ແມ່ຍິງຍັງມີຄວາມຊໍານານໃນການຕໍ່າສິ້ນຕີນຈົກ ມີລວດລາຍສະເພາະທີ່ສວຍງາມ.

 

ກ່ອນໜ້ານີ້ຄື ວັນທີ 5 ມີນາ, ທ່ານ ຫລີ ບຸນຄ້ຳ ພ້ອມດ້ວຍຄະນະ ກໍໄດ້ເຂົ້າຮ່ວມໃນງານບຸນທອດຜ້າປ່າສາມະຄີ ສອງຊາດ ໄທ-ລາວ ຈັດຂຶ້ນທີ່ວັດວັງຕຸມ, ຈັງຫວັດນະຄອນນາຍຍົກ ເຊິ່ງໃນງານດັ່ງກ່າວ ທ່ານທູດ ແລະ ຄະນະ ໄດ້ຮັບການຮັບອັນອົບອຸ່ນ ຈາກຜູ້ວ່າຣາຊາການຈັງຫວັດນາຄອນນາຍົກ; ອຳນາດການປົກຄອງ ແລະ ພໍ່ແມ່ປະຊາຊົນໃນເຂດດັ່ງກ່າວ. ພຣະອາຈານ ບຸນມາ, ຮອງປະທານພຸດທະສາດສະໜາສຳພັນລາວ ແລະ ຄະນະ ມາຈາກນະຄອນຫລວງວຽງຈັນ ສປປ ລາວ ເຮົາ ກໍໄດ້ໃຫ້ກຽດ ເຂົ້າຮ່ວມໃນງານທອດຜ້າປ່າສາມັກຄີ ແລະ ຜູກສຳພັນສອງແຜ່ນດິນ ລາວ-ໄທ ໃນຄັ້ງນີ້ດ້ວຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
118264
ມື້ນີ້37
ມື້ວານ95
ອາທິດນີ້10
ເດືອນນີ້2590
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710