ນະຄອນຫຼວງວຽງຈັນ, ວັນທີ 5 ມິຖຸນາ 2017

ພະນະທ່ານ,

ເນື່ອງໃນໂອກາດທີ່ ພະນະທ່ານ ຖືກແຕ່ງຕັ້ງໃຫ້ດຳລົງຕຳແໜ່ງເປັນ ລັດຖະມົນຕີກະຊວງການຕ່າງປະເທດ ແລະ ການຮ່ວມມື ແຫ່ງ ຣາຊະອານາຈັກ ມາຣົົກ, ຂ້າພະ​ເຈົ້າ ມີ​ຄວາມ​ປິ​ຕິ​ຍິນ​ດີ​ສົ່ງ​ຄຳ​ຊົມ​ເຊີຍ​ອັນ​ອົບອຸ່ນ ມາ​ຍັງພະນະ​​ທ່ານ.

          ຂ້າພະເຈົ້າ ມີຄວາມປິຕິຍິນດີທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກ ມາຣົກ ໄດ້ຮັບການຮັດແໜ້ນ ແລະ ພັດທະນາຢ່າງຕໍ່ເນື່ອງຕະຫຼອດໄລຍະ 20 ປີ ແຫ່ງ ສາຍພົວພັນການທູດ. ​ຂ້າພະເຈົ້້າຫວັງ​ວ່າ ຈະ​ໄດ້​​ເຮັດ​ວຽກຮ່ວມກັບ​ພະນະທ່ານ​ຢ່າງໃກ້ຊິດ​​ເພື່ອ​ສືບຕໍ່ເສີມສ້າງສາຍ​ພົວພັນ ແລະ ການຮ່ວມມື​ອັນດີລະຫວ່າງສອງປະເທດ ກໍຄື ສອງກະຊວງການຕ່າງປະເທດ ເພື່ອ​ຜົນ​ປະ​ໂຫຍ​ດຮ່ວມ​ກັນ​ຂອງປະຊາຊົນສອງ​ຊາດ​ພວກ​ເຮົາ.

         ຂ້າພະ​ເຈົ້າ ຂໍ​ຖື​ໂອກາດ​ນີ້ ອວຍ​ພອນ​ໄຊ​ອັນ​ປະ​ເສີ​ດ ມາ​ຍັງ​ພະນະ​ທ່ານ ຈົ່ງມີ​ພະ​ລາ​ນາ​ໄມ​ສົມບູນ, ມີ​ຄວາມສຸກ ​     ແລະ ​ປະສົບ​ຜົນ​ສຳ​ເລັດ​ໃນການ​ປະ​ຕິ​ບັດ​ໜ້າທີ່ອັນ​ມີ​ກຽດ ຂອງ​ພະນະ​ທ່ານ.

ດ​້ວຍ​ຄວາມ​ນັບ​ຖື​ຢ່າງ​ສູງ.

                                                                             ສະເຫຼີມໄຊ ກົມມະສິດ

ພະນະທ່ານ ນາເຊີ ບູຣິຕາ

]ລັດຖະມົນຕີການຕ່າງປະເທດ ແລະ ການຮ່ວມມືສາກົນ

ແຫ່ງ ຣາຊະອານາຈັກ ມາຣົກ

ຣາບັດ