ວັນທີ 15 ທັນວາ 2023 ທີ່ ກະຊວງການຕ່າງປະເທດ ໄດ້ຈັດພິທີມອບ-ຮັບ ການຊ່ວຍເຫຼືອຈາກລັດຖະບານ ມາເລເຊຍ ສໍາລັບການເປັນປະທານອາຊຽນ ຂອງ ສປປ ລາວ ໃນປີ 2024. ຕາງໜ້າລັດຖະບານ ສປປ ລາວ ໃນການຮັບເອົາການຊ່ວຍເຫຼືອຄັ້ງນີ້ ແມ່ນ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ,  ຮອງຫົວໜ້າອະນຸກຳມະການກອງເລຂາ ເພື່ອກະກຽມ ແລະ ດຳເນີນການເປັນປະທານອາຊຽນຂອງ ສປປ ລາວ ໃນປີ 2024 ແລະ ຕາງໜ້າລັດຖະບານ ມາເລເຊຍ ໃນການມອບການຊ່ວຍເຫຼືອ ແມ່ນ ທ່ານ ແອດີ ເອຍວານ ບິນ ມາຮມຸດ, ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ມາເລເຊຍ ປະຈຳ ສປປ ລາວ ແລະ ໃຫ້ກຽດເຂົ້າຮ່ວມເປັນສັກຂີພິຍານໃນພິທີຄັ້ງນີ້ ມີບັນດາຄະນະກົມທີ່ກ່ຽວຂ້ອງ.                     

ການຊ່ວຍເຫລືອດັ່ງກ່າວແມ່ນມີ ຄອມພີວເຕີ້ໂນດບຸກ ຈໍານວນ 30 ເຄື່ອງ, ມູນຄ່າທັງໝົດ 61,650 ໂດລາສະຫາລັດ. ໃນໂອກາດນີ້, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ຮອງຫົວໜ້າອະນຸກຳມະການກອງເລຂາ ໄດ້ຕາງໜ້າລັດຖະບານ ແຫ່ງ ສປປ ລາວ ສະແດງຄວາມຂອບໃຈ ແລະ ຕີລາຄາສູງຕໍ່ການຮ່ວມມື ແລະ ການຊ່ວຍເຫຼືອຂອງລັດຖະບານ ກໍຄື ປະຊາຊົນມາເລເຊຍ ໃນການສະໜັບສະໜູນ ສປປ ລາວ ໃນຂອບວຽກອາຊຽນ ໂດຍສະເພາະການກະກຽມເປັນປະທານອາຊຽນຂອງ ສປປ ລາວ ໃນປີ 2024.        

ພ້ອມດຽວກັນນີ້, ທ່ານ ແອດີ ເອຍວານ ບິນ ມາຮມຸດ, ເອກອັກຄະລັດຖະທູດ ມາເລເຊຍ ປະຈຳ ສປປ ລາວ ໄດ້ເນັ້ນຍໍ້າເຖິງຄວາມສໍາຄັນຂອງການພົວພັນ ແລະ ການຮ່ວມມື ສປປ ລາວ-ມາເລເຊຍ ແລະ ຢືນຢັນຈະສືບຕໍ່ເຮັດວຽກຮ່ວມກັບຝ່າຍລາວ ເພື່ອກະກຽມການເປັນປະທານອາຊຽນຂອງ ສປປ ລາວ ໃນປີ 2024 ແລະ ສືບຕໍ່ສົ່ງເສີມ         ສາຍພົວພັນມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານ.      

ວັນທີ 15 ທັນວາ 2023 ທີ່ ກະຊວງການຕ່າງປະເທດ ໄດ້ຈັດພິທີມອບ-ຮັບ ການຊ່ວຍເຫຼືອຈາກລັດຖະບານ ມາເລເຊຍ ສໍາລັບການເປັນປະທານອາຊຽນ ຂອງ ສປປ ລາວ ໃນປີ 2024. ຕາງໜ້າລັດຖະບານ ສປປ ລາວ ໃນການຮັບເອົາການຊ່ວຍເຫຼືອຄັ້ງນີ້ ແມ່ນ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ,  ຮອງຫົວໜ້າອະນຸກຳມະການກອງເລຂາ ເພື່ອກະກຽມ ແລະ ດຳເນີນການເປັນປະທານອາຊຽນຂອງ ສປປ ລາວ ໃນປີ 2024 ແລະ ຕາງໜ້າລັດຖະບານ ມາເລເຊຍ ໃນການມອບການຊ່ວຍເຫຼືອ ແມ່ນ ທ່ານ ແອດີ ເອຍວານ ບິນ ມາຮມຸດ, ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ມາເລເຊຍ ປະຈຳ ສປປ ລາວ ແລະ ໃຫ້ກຽດເຂົ້າຮ່ວມເປັນສັກຂີພິຍານໃນພິທີຄັ້ງນີ້ ມີບັນດາຄະນະກົມທີ່ກ່ຽວຂ້ອງ.                     

ການຊ່ວຍເຫລືອດັ່ງກ່າວແມ່ນມີ ຄອມພີວເຕີ້ໂນດບຸກ ຈໍານວນ 30 ເຄື່ອງ, ມູນຄ່າທັງໝົດ 61,650 ໂດລາສະຫາລັດ. ໃນໂອກາດນີ້, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ຮອງຫົວໜ້າອະນຸກຳມະການກອງເລຂາ ໄດ້ຕາງໜ້າລັດຖະບານ ແຫ່ງ ສປປ ລາວ ສະແດງຄວາມຂອບໃຈ ແລະ ຕີລາຄາສູງຕໍ່ການຮ່ວມມື ແລະ ການຊ່ວຍເຫຼືອຂອງລັດຖະບານ ກໍຄື ປະຊາຊົນມາເລເຊຍ ໃນການສະໜັບສະໜູນ ສປປ ລາວ ໃນຂອບວຽກອາຊຽນ ໂດຍສະເພາະການກະກຽມເປັນປະທານອາຊຽນຂອງ ສປປ ລາວ ໃນປີ 2024.        

ພ້ອມດຽວກັນນີ້, ທ່ານ ແອດີ ເອຍວານ ບິນ ມາຮມຸດ, ເອກອັກຄະລັດຖະທູດ ມາເລເຊຍ ປະຈຳ ສປປ ລາວ ໄດ້ເນັ້ນຍໍ້າເຖິງຄວາມສໍາຄັນຂອງການພົວພັນ ແລະ ການຮ່ວມມື ສປປ ລາວ-ມາເລເຊຍ ແລະ ຢືນຢັນຈະສືບຕໍ່ເຮັດວຽກຮ່ວມກັບຝ່າຍລາວ ເພື່ອກະກຽມການເປັນປະທານອາຊຽນຂອງ ສປປ ລາວ ໃນປີ 2024 ແລະ ສືບຕໍ່ສົ່ງເສີມ         ສາຍພົວພັນມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານ.