ແຈ້ງການຂອງກະຊວງການຕ່າງປະເທດ
ໂດຍຕອບສະໜອງຕາມຄໍາເຊື້ອເຊີນ ຂອງ ທ່ານ ສະເຫຼີມໄຊ ກົມມະສິດ, ຮອງນາຍົກ ລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ດຣ. ວິວຽນ ບາລາຄຣິສນານ (Dr. Vivian BALAKRISHNAN), ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ສິງກະໂປ ພ້ອມດ້ວຍຄະນະ ຈະເດີນທາງມາຢ້ຽມຢາມທາງການ ຢູ່ ສາທາລະນະລັດ ປະຊາທິປະໄຕ ປະຊາຊົນລາວ ໃນລະຫວ່າງວັນທີ 26-29 ມັງກອນ 2024, ເພື່ອເພີ່ມທະວີຮັດແໜ້ນສາຍພົວພັນມິດຕະພາບ ແລະ ການຮ່ວມມືທີ່ດີ ໃນທ່າມກາງການສະເຫຼີມສະຫຼອງການສ້າງຕັ້ງສາຍພົວພັນການທູດ ລະຫວ່າງສອງປະເທດ ລາວ-ສິງກະໂປ ຄົບຮອບ 50 ປີ.
ນະຄອນຫຼວງວຽງຈັນ, ວັນທີ 24 ມັງກອນ 2024
-----------------------------------------------
ຊີວະປະຫວັດຫຍໍ້
- ປະຫວັດສະເພາະ
- ຊື່ ແລະ ນາມສະກຸນ: ທ່ານ ດຣ. ວິວຽນ ບາລາຄຣິສນັນ (Dr. Vivian BALAKRISHNAN)
- ຕຳແໜ່ງ: ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ສິງກະໂປ.
- ພັກການເມືອງ: - ສະມາຊິກພັກກິດປະຊາຊົນ (People’s Action Party)
- ສະມາຊິກລັດຖະສະພາ
- ອາຍຸ: 63 ປີ
- ສະຖານະພາບ: ແຕ່ງງານ
- ພັນລະຍາ: Joy Balakrishnan
- ມີລູກຮ່ວມກັນ: 4 ຄົນ, ຍິງ 01 ຄົນ ແລະ ຊາຍ 3 ຄົນ
- ລະດັບການສຶກສາ
- 1980: ຄົ້ນຄວ້າຂະແໜງການຢາ ທີ່ ມະຫາວິທະຍາໄລແຫ່ງຊາດ ສິງກະໂປ ພາຍຫຼັງທີ່ໄດ້ຮັບທຶນຈາກລັດຖະບານສິງກະໂປ ຫລື The President’s Scholarship (ທຶນການສຶກສາລະດັບປະລິນຍາຕີ ທີ່ມອບໃຫ້ແກ່ນັກສຶກສາພອນສະຫວັນ ທຸກໆປີ).
- 1981-1985: ເປັນປະທານສະມາຄົມນັກສຶກສາ ທິ່ ມະຫາວິທະຍາໄລແຫ່ງຊາດ ສິງກະໂປ.
- 1997: ພາຍຫລັງຈົບການສຶກສາລົງເລິກ ກ່ຽວກັບພະຍາດຕາ, ທ່ານ ໄດ້ຖືກແຕ່ງຕັ້ງເປັນ ຮອງສາດສະດາຈານ ທີ່ ມະຫາວິທະຍາໄລແຫ່ງຊາດ ສິງກະໂປ ແລະ ຮອງຜູ້ອຳນວຍການ ສູນຄົ້ນຄວ້າວິໄຈດ້ານການປິ່ນປົວຕາແຫ່ງຊາດ ສິງກະໂປ. ທ່ານ ໄດ້ນຳພາການເຮັດທົດລອງຄົ້ນຄວ້າ ທາງດ້ານການແພດ ຫລາຍຄັ້ງໃນການຄວບຄຸມການຂະຫຍາຍຕົວຂອງ ການເກີດສາຍຕາສັ້ນໃນເດັກ.
- ປະສົບການວຽກງານ
- 2015-ປະຈຸບັນ: ລັດຖະມົນຕີກະຊວງການຕ່າງປະເທດ.
- 2011-2015: ລັດຖະມົນຕີກະຊວງສິ່ງແວດລ້ອມ ແລະ ຊັບພະຍາກອນນໍ້າ.
- 2006-2008: ລັດຖະມົນຕີກະຊວງຖະແຫຼງຂ່າວ, ຄົມມະນາຄົມ ແລະ ສິລະປະ ຜູ້ທີສອງ.
- 2005-2011: ລັດຖະມົນຕີກະຊວງຊຸມຊົນ, ໄວໜຸ່ມ ແລະ ກິລາ.
- 2005-2006: ລັດຖະມົນຕີກະຊວງການຄ້າ ແລະ ອຸດສາຫະກຳ ຜູ້ທີສອງ.
- 2004-2005: ລັດຖະມົນຕີອາວຸໂສແຫ່ງລັດ, ກະຊວງການຄ້າ ແລະ ອຸດສາຫະກຳ ແລະ ທັງເປັນລັດຖະມົນຕີວ່າການກະຊວງພັດທະນາຊຸມຊົນ ແລະ ກິລາ.
- 2003-2004: ລັດຖະມົນຕີແຫ່ງລັດ, ກະຊວງການຄ້າ ແລະ ອຸດສາຫະກຳ.
- 2002-2004: ລັດຖະມົນຕີແຫ່ງລັດ, ກະຊວງພັດທະນາແຫ່ງຊາດ.
- 1999-2000: ເຈົ້້່າໜ້າທີ່ ປະຈໍາ ໜ່ວຍງານສະໜັບສະໜູນ ໂຮງຮຽນເລກ 2 ຂອງກອງທັບສິງກະໂປ.