ແຈ້ງ​ການ​ກະຊວງການຕ່າງປະເທດ

ຕອບ​ສະ​ໜອງ​ຕາມ​ຄຳ​ເຊີນ​ຂອງ ສະ​ຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ, ສະ​ຫາຍ ຫວໍ ວັນ ເຖືອງ, ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ສັງ​ຄົມ​ນິ​ຍົມ ຫວຽດ​ນາມ ພ້ອມດ້ວຍຄະ​ນະຜູ້​ແທນ​ຂັ້ນ​ສູງ ຈະ​ເດີນ​ທາງ​ມາ​ຢ້ຽມ​ຢາມ ຢ່າງເປັນທາງການ ​ສາ​ທາ​ລະ​ນະ​ລັດ ​ປະ​ຊາ​ທິ​ປະ​ໄຕ ​ປະ​ຊາ​ຊົນລາວ ແຕ່​ວັນ​ທີ 10-11 ເມສາ 2023 ເພື່ອເພີ່ມທະວີ ແລະ ເສີມ​ຂະ​ຫຍາຍ​ສາຍ​ພົວ​ພັນ​ມິດ​ຕະ​ພາບອັນຍິ່ງໃຫຍ່, ຄວາມ​ສາ​ມັກ​ຄີ​ພິ​ເສດ ແລະ ການ​ຮ່ວມ​ມື​ຮອບ​ດ້ານ ​ລະ​ຫວ່າງ​ສອງ​ປະ​ເທດ ລາວ ແລະ ຫວຽດ​ນາມ.

ຊີວະປະຫວັດ ຂອງ ພະນະທ່ານ ຫວໍ ວັນ ເຖືອງ,

ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ.

ຊື່ເຕັມ: ຫວໍ ວັນ ເຖືອງ

ເພດ: ຊາຍ

ວັນ ເດືອນ ປີເກີດ: 13 ທັນວາ 1970

ບ້ານເກີດ: ຕາແສງ ອານເຟືອກ , ເມືອງ ແມ້ງທິ , ແຂວງວິ້ງລອງ

ຊົນເຜົ່າ: ກິງ

ວັນ ເດືອນ ປີ ເຂົ້າພັກສຳຮອງ: 18 ພະຈິກ 1993

ວັນ ເດືອນ ປີ ເຂົ້າພັກສົມບູນ: 18 ພະຈິກ 1994

ລະດັບການສຶກສາ:

- ການສຶກສາລະດັບສາມັນ: 12/12

- ປະລິນຍາຕີ ສາຂາປັດຊະຍາ

- ປະລິນຍາໂທ ສາຂາວິທະຍາສາດ ສັງຄົມ ແລະ ມະນຸດສາດ

- ລະດັບທິດສະດີການເມືອງ: ຂັ້ນສູງ

- ພາສາຕ່າງປະເທດ: ພາສາ ອັງກິດ

ຕຳແໜ່ງ:

- ກໍາມະການສໍາຮອງ ສູນກາງພັກ ຊຸດທີ X;

- ກໍາມະການສູນກາງພັກ ຊຸດທີ XI, XII ແລະ XII;

- ເລຂາທິການສູນກາງພັກ ຊຸດທີ XII ແລະ XIII;

- ກໍາມະການກົມການເມືອງສູນກາງພັກ ຊຸດທີ XII ແລະ XIII;

- ຮອງສະພານິຕິບັນຍັດ ຊຸດ XII, XIV ແລະ XV.

ປະສົບການເຮັດວຽກ:

ປີ 1993-2004: ເຂົ້າຮັບຫຼາຍຕຳແໜ່ງ ຢູ່ ສູນກາງຊາວໜຸ່ມ ນະຄອນໂຮ່ຈິມິນ ຄື: ເປັນສະມາຊິກ; ຮອງຫົວໜ້າກົມ , ຫົວໜ້າກົມ; ກຳມະການຄະນະບໍລິຫານງານ, ສະມາຊິກຂອງຄະນະປະຈຳ, ຮອງເລຂາທິການ, ຈາກນັ້ນ ເປັນເລຂາທິການຄະນະບໍລິຫານງານ ສູນກາງຊາວໜຸ່ມ ນະຄອນ  ໂຮ່ ຈິ ມິນ;  ເປັນຮອງປະທານ, ຕໍ່ມາ ເປັນປະທານສະມາຄົມນັກສຶກສາ ນະຄອນ ໂຮ່ ຈິ ມິນ; ປະທານສະມາຄົມຊາວໜຸ່ມ ນະຄອນ ໂຮ່ ຈິ ມິນ; ກໍາມະການຄະນະບໍລິຫານງານ, ກໍາມະການຄະນະປະຈໍາສູນກາງຊາວໜຸ່ມ ກອມມູນິດ ໂຮ່ຈິມິນ; ກຳມະການຄະນະພັກ ນະຄອນ ໂຮ່ ຈິ ມິນ  (ແຕ່ເດືອນ ຕຸລາ 2003).

ເດືອນ ພະຈິກ 2004 - ເດືອນ ຕຸລາ 2006: ກຳມະການຄະນະພັກ ນະຄອນ ໂຮ່ຈິມິນ  ແລະ ເລຂາພັກເມືອງ 12.

ເດືອນ ເມສາ 2006: ກໍາມະການສໍາຮອງ ສູນກາງພັກ ຊຸດທີ X;

ເດືອນ ຕຸລາ 2006:  ເລຂາຄະນະປະຈໍາ, ເລຂາຄະນະບໍລິຫານງານ ສູນກາງຊາວໜຸ່ມ ກອມມູນິດ ໂຮ່ຈີມິນ ( ແຕ່ ເດືອນ ມັງກອນ ປີ 2007 ) , ປະທານ ສະມາຄົມຊາວຫນຸ່ມ ຫວຽດນາມ, ປະທານຄະນະກໍາມະທິການຊາວໜຸ່ມ ຫວຽດນາມ ສາກົນ, ຮອງປະທານ ສະພາແຫ່ງຊາດ ຊຸດທີ XII.

ເດືອນ ມັງກອນ 2011 - ເດືອນ ເມສາ 2014: ກໍາມະການສູນກາງພັກ ຊຸດທີ XI, ເລຂາພັກແຂວງ ກວາງ ຫງາຍ ( ນັບແຕ່ ເດືອນ 8/2011 ).

ເດືອນ ເມສາ 2014 - ເດືອນ ມັງກອນ 2016: ຮອງເລຂາ ຄະນະພັກ ນະຄອນ ໂຮ່ຈີມິນ.

ເດືອນ ມັງກອນ 2016: ກໍາມະການ ສູນກາງພັກ ຊຸດທີ XII; ໄດ້ຮັບການເລືອກຕັ້ງຈາກ ກຳມະການ ສູນກາງພັກ ຂຶ້ນເປັນ ກົມການເມືອງ; ໄດ້ຮັບການແຕ່ງຕັ້ງ ໂດຍ ກົມການເມືອງ ໃຫ້ເປັນ ຄະນະເລຂາທິການສູນກາງພັກ.

ເດືອນ ກຸມພາ 2016 - ເດືອນ ມັງກອນ 2021: ກໍາມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະ ໂຄສະນາ ແລະ ອົບຮົມສູນກາງພັກ.

ເດືອນ ມັງກອນ 2021: ກໍາມະການກົມການເມືອງສູນກາງພັກ, ສະມາຊິກຖາວອນ ຄະນະເລຂາທິການສູນກາງພັກ (ເດືອນ ກຸມພາ 2021 ) .

ເດືອນ ມີນາ 2023: ກໍາມະການກົມການເມືອງສູນກາງພັກ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ.