ພະ​ນະ​ທ່ານ,

ຂ້າພະເຈົ້າ ຂໍສະແດງຄວາມຂອບໃຈຢ່າງຈິງໃຈ ຕໍ່ຄໍາຊົມເຊີຍອັນອົບອຸ່ນຂອງພະ​ນະ​ທ່ານ ເນື່ອງໃນໂອກາດທີ່ຂ້າພະເຈົ້າ ໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ຂໍຖືໂອກາດນີ້ອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ປະສົບຄວາມສຳເລັດທຸກປະການ ໃນໜ້າທີ່ອັນສູງສົ່ງຂອງຕົນ ແລະ ອວຍພອນໃຫ້ປະຊາຊົນເກຣັກ ຈົ່ງສືບຕໍ່ມີຄວາມຈະເລີນຮຸ່ງເຮືອງ.

                                                                                           ດ້ວຍຄວາມນັບຖືຢ່າງສູງ,

                                          ທອງລຸນ ສີສຸລິດ

​ພະນະທ່ານ ນາງ ແຄັດເທີຣິນາ ຊາເຄລາໂຣປາວໂລ

ປະທານາທິບໍດີ ແຫ່ງ ສາ​ທາ​ລະ​ນະ​ລັດ​ ເກຣັ​ກ

ທີ່ ເອ​ເທນ

---------------------------------------------------------------------------------------------------

ພະ​ນະ​ທ່ານ,

ຂ້າ​ພະ​ເ​ຈົ້າ ​ຂໍ​ສະ​ແດງ​ຄວາມ​ຂອບ​ໃຈຢ່າງ​ຈິງ​ໃຈ ມາ​ຍັງພະ​ນະ​ທ່ານ ສຳ​ລັບ​ສານຊົມເຊີຍຂອງ​ພະ​ນະ​ທ່ານ ເນື່ອງ​ໃນ​ໂອ​ກາດ​ທີ່ຂ້າ​ພະ​ເຈົ້າ ໄດ້ຮັບການເລືອກຕັ້ງໃຫ້​ດຳ​ລົງ​ຕຳ​ແໜ່ງ​ເປັນ ນາ​ຍົກ​ລັດ​ຖະ​ມົນ​ຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າ​ພະ​ເຈົ້າ ກໍ່​ຂໍຖືໂອກາດນີ້​ ອວຍ​ພອນ​ໃຫ້​ພະ​ນະ​ທ່ານ​ ຈົ່ງ​ມີ​ສຸຂະພາບເຂັ້ມແຂງ, ພະ​ລາ​ນາ​ໄມ​ສົມ​ບູນ ແລະ ປະສົບຜົນສໍາເລັດທຸກປະການ ໃນໜ້າທີ່ຮັບຜິດຊອບອັນສູງສົ່ງຂອງຕົນ ກໍ່ຄື ປະ​ຊາ​ຊົນ​ເກຣັກທຸກ​ຖ້ວນ​ໜ້າ ຈົ່ງ​ມີ​ແຕ່​ຄວາມ​ຜາສຸກ ແລະ ຈະເລີນຮຸ່ງເຮືອງຍິ່ງໆຂື້ນ.

                                                                             ດ້ວຍ​ຄວາມ​ນັບ​ຖື​ຢ່າງ​ສູງ,

                                                                                 ພັນຄໍາ ວິພາວັນ

ພະນະທ່ານ ເຄຍຣິອາໂກສ ມິດໂຊທາກິສ

ນາຍົກລັດຖະມົນຕີ ແຫ່ງ ສາທາລະນະ​ລັດ​ ເກຣັ​ກ

ທີ່ ເອ​ເທນ