ຖະແຫລງການຂອງລັດຖະບານ ແຫ່ງ ສປປ ລາວ ນະຄອນຫລວງວຽງຈັນ, 23 ພະຈິກ 2024
23/11/2024
ລັດຖະບານ ແຫ່ງ ສປປ ລາວ ສະແດງຄວາມເສຍໃຈຢ່າງສຸດຊຶ້ງຕໍ່ການເສຍຊິວິດຂອງນັກທ່ອງທ່ຽວຕ່າງປະເທດ ຢູ່ເມືອງວັງວຽງ, ແຂວງວຽງຈັນ ແລະ ຂໍສະແດງຄວາມເຫັນອົກເຫັນໃຈ ແລະ ເສົ້າສະລົດໃຈຢ່າງຈິງໃຈຕໍ່ຄອບຄົວຂອງນັກທ່ອງທ່ຽວທີ່ເສຍຊີວິດດັ່ງກ່າວ.
ລັດຖະບານ ແຫ່ງ ສປປ ລາວ ໄດ້ດໍາເນີນການສືບສວນ-ສອບສວນ ເພື່ອຊອກຫາສາເຫດ ແລະ ນໍາເອົາຜູ້ກະທໍາຜິດມາລົງໂທດຕາມລະບຽບກົດຫມາຍ.
ລັດຖະບານ ແຫ່ງ ສປປ ລາວ ຂໍຢືນຢັນວ່າ ເວລາໃດກໍໃຫ້ຄວາມສຳຄັນ ແລະ ເອົາໃຈໃສ່ຕໍ່ຄວາມປອດໄພຂອງນັກທ່ອງທ່ຽວ ທັງພາຍໃນ ແລະຕ່າງປະເທດ.
