ໃນວັນທີ  26 ຕຸລາ   2024,  ສະຖານກົງສຸນໃຫ່ຍ ສປປລາວ ທີ່ ນະຄອນດານັງ  ໄດ້ຈັດກອງປະຊຸມໃຫຍ່ຄັ້ງທີ IV ຂອງໜ່ວຍພັກຂອງຕົນຂຶ້ນ  ຊຶ່ງເປັນປະທານດຳເນີນກອງປະຊຸມໂດຍສະຫາຍ ສຸພັນ ຫາດາວເຮືອງ, ເລຂາໜ່ວຍພັກ ສະຖານກົງສຸນໃຫ່ຍ ແຫ່ງ ສປປລາວ ປະຈຳ ນະຄອນດານັງ, ໃຫ້ກຽດເຂົ້າຮ່ວມໂດຍ ສະຫາຍ ນາງ ຄຳເພົາ ເອີນທະວັນ, ເລຂາຄະນະພັກຮາກຖານສະຖານເອກອັກຄະລັດຖະທູດ ສປປລາວ ປະຈຳ ສສ ຫວຽດນາມ ມີເລຂາໜ່ວຍພັກສະຖານກົງສຸນໃຫ່ຍ ສປປລາວ ທີ ນະຄອນ ໂຮ່ຈິມິນ , ມີຄະນະໜ່ວຍພັກ, ຮອງເລຂາໜ່ວຍພັກ ພ້ອມດ້ວຍ ສະມາຊິກພັກສົມບູນ ແລະ ສຳຮອງ ແລະ ແຂກຖືກເຊີນເຂົ້າຮ່ວມ.

 ສະຫາຍ ສຸພັນ ຫາດາວເຮືອງ  ໄດ້ມີຄໍາເຫັນກ່າວເປີດກອງປະຊຸມ ພ້ອມທັງຜ່ານບົດລາຍງານການເມືອງທັງສອງພາກ ຊຶ່ງໄດ້ຍົກໃຫ້ເຫັນດ້ານດີທີ່ພົ້ນເດັ່ນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການເຄື່ອນໄຫວຈັດຕັ້ງປະຕິບັດໜ້າທີ່ວຽກງານຮອບດ້ານໃນໄລຍະຜ່ານມາ ກໍ່ຄືການນຳພາ-ຊີ້ນຳ ໃນການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ III ຕໍ່ກອງປະຊຸມໃຫ່ຍຄັ້ງທີ IV.  ໜ່ວຍພັກສະຖານກົງສຸນໃຫ່ຍ ໄດ້ເອົາໃຈໃສ່ສຶກສາອົບຮົມການເມືອງນຳພາແນວຄິດຕໍ່ຖັນແຖວພະນັກງານ-ສະມາຊິກພັກ ໃຫ້ຮັບຮູ້ເຂົ້າໃຈ, ເຊື່ອມຊຶມກຳແໜ້ນບັນດາຫຼັກການຂອງພັກ, ໂດຍສະເພາະ ກົງຈັກການຈັດຕັ້ງ ແລະ ວຽກງານວິຊາສະເພາະ ໄດ້ຮັບການປັບປຸງກໍ່ສ້າງຢ່າງເປັນລະບົບ ແລະ ຕໍ່ເນື່ອງ ການ ປັບປຸງກໍ່ສ້າງພັກທາງດ້ານການເມືອງ-ແນວຄິດ; ເຂັ້ມແຂງທາງດ້ານການຈັດຕັ້ງ, ມີແບບແຜນວິທີນຳພາ ໄດ້ຮັບການປັບປຸງມີຄຸນນະພາບສູງຂຶ້ນ ໂດຍສະເພາະ ກໍ່ສ້າງສະມາຊິກພັກ ກໍ່ຄື ການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ໄດ້ຄາດໝາຍທີ່ວາງໄວ້.ສະມາຊິກພັກ, ພະນັກງານ ລັດຖະກອນ ມີຄຸນທາດການເມືອງໜັກແໜ້ນ, ມີຄຸນສົມບັດສີນທຳປະຕິວັດ, ມີແນວຄິດອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກ ມີອຸດົມການສັງຄົມນິຍົມ, ມີຄວາມຮູ້ຄວາມສາມາດ ເພື່ອສ້າງໜ່ວຍພັກສະຖານກົງສຸນໃຫ່ຍເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ ຕາມ 5 ຫຼັກການ 3 ທິດນໍາຂອງພັກທີ່ວາງອອກ , ແກ້ໄຂດ້ານຄົງຄ້າງ ແລະ ປະກົດການຫຍໍ້ທໍ້ຕ່າງໆ, ພ້ອມທັງ ໄດ້ເອົາໃຈໃສ່ຊີ້ນໍາວຽກງານວິຊາສະເພາະ-ການຍົກລະດັບຄວາມຮູ້ຄວາມສາມາດ ເປັນໜ້າທີ່ໃຈກາງຂອງສະຖານກົງສຸນໃຫ່ຍ  ໃນການກໍ່ສ້າງພະນັກງານ-ສະມາຊິກພັກ ເພື່ອປະກອບໃຫ້ການຈັດຕັ້ງປະຕິບັດວຽກງານການຕ່າງປະເທດ ໃຫ້ມີຄຸນນະພາບສູງ  ກົງຈັກການຈັດຕັ້ງຂອງສະຖານກົງສຸນໃຫ່ຍໃຫ້ກະທັດຮັດ ປະສິດທິພາບ ແລະ ເຂັ້ມແຂງ ໜັກແໜ້ນ ເປັນເສນາທິການໃຫ້ຄະນະພັກ ຄະນະນຳ ຮັບປະກັນຄວາມຖືກຕ້ອງໂປ່ງໃສຊັດເຈນແລະ ທັນເວລາ ຕອບສະໜອງຄວາມຮຽກຮ້ອງອັນຈຳເປັນຂອງວຽກງານດ້ວຍແຜນງານ-ໂຄງການ ແລະ ບັນດາກິດຈະກຳທີ່ວາງອອກ, ໄປພ້ອມໆກັນນັ້ນ, ກໍ່ໄດ້ຈັດຕັ້ງສະຫຼຸບຖອດຖອນບົດຮຽນທາງດ້ານວິຊາສະເພາະໃນແຕ່ລະເດືອນເປັນປົກກະຕິ ເຮັດໃຫ້ຄຸນະພາບຂອງພະນັກງານ, ສະມາຊິກພັກສູງຂຶ້ນ, ຊຶ່ງປັດຈຸບັນທົ່ວໜ່ວຍພັກມີ 03 ຈຸພັກນັກສຶກສາຂຶ້ນກັບໜ່ວຍພັກ, ຜ່ານການຊີ້ນໍາ-ນຳພາ ສາມາດຄັດເລືອກໄດ້ສະມາຊິກພັກແຂງ 68 ສະຫາຍ ແລະ ໄດ້ຮັບການຢັ້ງຢືນເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 3 ປີຊ້ອນຕິດຕໍ່ກັນ. ນອກຈາກນັ້ນ, ກໍ່ໄດ້ຍົກໃຫ້ເຫັນແບບແຜນການນຳພາທາງດ້ານວິຊາສະເພາະຂອງສະຖານກົງສຸນໃຫ່ຍໃນໄລຍະ 5 ປີຜ່ານມາ  ແລະ ນຳພາແຜນພັດທະນາຂະແໜງການຂົງເຂດທີ່ຕົນຮັບຜິດຊອບ ຕິດພັນກັບການຈັດຕັ້ງປະຕິບັດໜ້າທີ່ວິຊາສະເພາະຂອງສະຖານກົງສຸນໃຫ່ຍ. ພ້ອມນີ້, ກໍ່ຍັງໄດ້ຜ່ານທິດທາງແຜນການ 5 ປີຕໍ່ໜ້າ. 

ໂອກາດນີ້, ສະຫາຍ ຄຳເພົາ ເອີນທະວັນ, ເລຂາຄະນະພັກຮາກຖານສະຖານເອກອັກຄະລັດຖະທູດ ສປປລາວ ປະຈຳ ສສ ຫວຽດນາມ ໄດ້ມີຄຳເຫັນໂອ້ລົມ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສາມາດຍາດໄດ້ຜ່ານມາ, ພ້ອມທັງໄດ້ເນັ້ນໜັກຫຼາຍບັນຫາສຳຄັນ ເປັນຕົ້ນແມ່ນຄະນະພັກໃຫ່ມຈົ່ງພ້ອມກັນເອົາໃຈໃສ່ຍົກສູງພາລະບົດບາດ,ໜ້າທີ່ການເມືອງ, ຄວາມຮັບຜິດຊອບຂອງຕົນ, ແກ້ໄຂບັນຫາຂໍ້ຄົງຄ້າງ, ສືບຕໍ່ຊີ້ນຳ-ນຳພາພະນັກງານສະມາຊິກພັັັັັັັັັັັັັັັັັັກ-ນັກຮຽນນັກສຶກສາໃຫ້ມີຄວາມພັດທະນາໃຫ້ໄດ້ປະລິມານ ແລະ ຄຸນນະພາບຍິ່ງຂຶ້ນ. ນອກນີ້,ສະຫາຍຍັງໄດ້ຮຽກຮ້ອງໃຫ້ພ້ອມກັນປັບປຸງແບບແຜນວິທີເຮັດວຽກ ປະຕິບັດຫຼັກການລວມສູນປະຊາທິປະໄຕ ແບ່ງຄວາມຮັບຜິດຊອບບຸກຄົນ, ມີສະຕິຕື່ນຕົວປະຕິບັດກົດໝາຍຂອງລັດ, ລະບຽບວິໄນຂອງພັກ ຢ່າງເຂັ້ມງວດ ເປັນເຈົ້າການຈັດຕັ້ງຜັນຂະຫຍາຍທິດທາງແຜນການຄາດໝາຍສູ້ຊົນວຽກງານການນຳພາ ກໍ່ຄືວຽກງານວິຊາສະເພາະຂອງສະຖານກົງສຸນໃຫ່ຍໃຫ້ປະກົດຜົນເປັນຈິງ.