ບໍລິສັດ SPD ການຄ້ານຳເຂົ້າ-ສົ່ງອອກ ຜູ້ດຽວ ສະໜັບສະໜູນ ໝີກ່ອງ ໃຫ້ລັດຖະບານ ເພື່ອຮັບໃຊ້ການເປັນເຈົ້າພາບ ກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ກອງປະຊຸມສຸດຍອດອື່ນໆທີ່ ກ່ຽວຂ້ອງ.
20/09/2024
ໃນວັນທີ 19 ກັນຍາ 2024, ທີ່ ກະຊວງການຕ່າງປະເທດ, ໄດ້ມີພິທີມອບ-ຮັບ ໝີ່ກ່ອງ ຈຳນວນ 139 ແກັດ ໃຫ້ລັດຖະບານລາວ ເພື່ອຮັບໃຊ້ກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ກອງປະຊຸມສຸດຍອດອື່ນໆທີ່ກ່ຽວຂ້ອງຈາກ ບໍລິສັດ SPD ການຄ້ານຳເຂົ້າ-ສົ່ງອອກ ຜູ້ດຽວ, ໂດຍຕາງໜ້າໃຫ້ລັດຖະບານ ສປປ ລາວ ແມ່ນ ທ່ານ ໂພໄຊ ໄຂຄຳພິທູນ, ຮອງລັດຖະມົນຕີກະຊວງການຕ່າງປະເທດ ແລະ ທ່ານ ນາງ ສີເພັດດາ ພຸດທະວົງ, ຜູ້ອໍານວຍການ ບໍລິສັດ SPD ການຄ້ານຳເຂົ້າ-ສົ່ງອອກ ຜູ້ດຽວ ໄດ້ຕາງໜ້າບໍລິສັດມອບໝີ່ກ່ອງດັ່ງກ່າວ.
ໝີ່ກ່ອງທີ່ໄດ້ຮັບການຊ່ວຍເຫຼືອດັ່ງກ່າວ ແມ່ນຈະນຳເອົາໄປມອບໃຫ້ບັນດາພະນັກງານຮັບໃຊ້ຂອງແຕ່ລະອະນຸກຳມະການ ເພື່ອຮັບໃຊ້ກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ກອງປະຊຸມສຸດຍອດອື່ນໆທີ່ກ່ຽວຂ້ອງ ຊຶ່ງຈະຈະຈັດຂຶ້ນໃນວັນທີ 6-11 ຕຸລາ 2024 ທີ່ ຫໍປະຊຸມແຫ່ງຊາດ, ນະຄອນຫຼວງວຽງຈັນ.
 |
 |
 |
