11/12/2025
ເຖິງ: ສະຫາຍ ທອງລຸນ ສີສຸລິດ,
ເລຂາທິການໃຫຍ່ ຄະນະບໍລິຫານງານ ສູນກາງພັກປະຊາຊົນປະຕິວັດລາວ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ
ທີ່ ນະຄອນຫຼວງວຽງຈັນ
ສະຫາຍທີ່ນັບຖື,
ຂ້າພະເຈົ້າ, ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕປະຊາຊົນລາວ ຄົບຮອບ 50 ປີ, ຂໍສົ່ງຄໍາອວຍພອນໄຊອັນປະເສີດ ແລະ ຄວາມຢື້ຢາມຖາມຂ່າວອັນອົບອຸ່ນ ມາຍັງສະຫາຍ ແລະ ຜ່ານສະຫາຍ ໄປຍັງ ພັກ ປະຊາຊົນ ປະຕິວັດລາວ, ລັດຖະບານ ແລະ ປະຊາຊົນລາວ.
ຕະຫຼອດໄລຍະ 50 ປີທີ່ຜ່ານມາແຫ່ງການສະຖາປະນາ, ພາຍໃຕ້ການການຊີ້ນຳ-ນຳພາຂອງພັກປະຊາຊົນປະຕິວັດລາວ, ປະຊາຊົນລາວໄດ້ບັນລຸຜົນສຳເລັດອັນດີເດັ່ນ ໃນການສູ້ຊົນເພື່ອປົກປັກຮັກສາ ໝາກຜົນແຫ່ງການປະຕິວັດສັງຄົມນິຍົມ, ເພິ່ມທະວີລະບອບປະຊາທິປະໄຕປະຊາຊົນ ແລະ ສ້າງສາພັດທະນາປະເທດຊາດ.
ຂ້າພະເຈົ້າ ຂໍສະແດງຄວາມເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງພັກ ແລະ ສອງປະເທດພວກເຮົາ ຈະສືບຕໍ່ໄດ້ຮັບການເສີມຂະຫຍາຍ ໃຫ້ຍິ່ງໆຂຶ້ນ ອີງຕາມນໍ້າໃຈຕົກລົງກັນທີ່ໄດ້ຮັບການບັນລຸໃນການພົບປະສຸດຍອດພວກເຮົາ ຢູ່ນະຄອນຫຼວງພຽງຢາງ ແລະ ຂໍອວຍພອນໃຫ້ສະຫາຍ ຈົ່ງມີພະລະນາໄມສົມບູນ ແລະ ປະສົບຜົນສຳເລັດອັນໃຫຍ່ຫຼວງໃນໜ້າທີ່ວຽກງານອັນມີຄວາມຮັບຜິດຊອບ.
ນະຄອນຫຼວງພຽງຢາງ, ວັນທີ 2 ທັນວາ 2025
ກິມ ເຈິງ ອຸນ
ເລຂາທິການໃຫຍ່ ພັກແຮງງານເກົາຫຼີ
ປະທານກິດຈະການແຫ່ງລັດ ແຫ່ງ
ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ
----------------------------------------------------------------------------------------------------------------------------------------
ເຖິງ: ສະຫາຍ ສອນໄຊ ສີພັນດອນ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ
ຂ້າພະເຈົ້າ, ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ຂໍສົ່ງຄໍາອວຍພອນໄຊອັນປະເສີດ ມາຍັງສະຫາຍ ແລະ ຜ່ານສະຫາຍ ໄປຍັງ ລັດຖະບານ ແລະ ປະຊາຊົນລາວ.
ຂ້າພະເຈົ້າ, ຂໍສະແດງຄວາມຍິນດີທີ່ພາຍໃຕ້ການການຊີ້ນຳ-ນຳພາອັນຖືກຕ້ອງຂອງພັກປະຊາຊົນປະຕິວັດລາວ, ລັດຖະບານ ແລະ ປະຊາຊົນລາວ ໄດ້ປະສົບຜົນສຳເລັດອັນໃຫຍ່ຫຼວງ ໃນທຸກຂະແໜງການຂອງເສດຖະກິດ-ສັງຄົມ ໂດຍຍຶດໝັ້ນອຸດົມການສັງຄົມນິຍົມ ໃນຕະຫຼອດໄລຍະ50 ປີທີ່ຜ່ານມາ.
ຂ້າພະເຈົ້າ, ຂໍຖືໂອກາດນີ້, ສະແດງຄວາມເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອ ລະຫວ່າງ ສປປເກົາຫຼີ ແລະ ສປປລາວ ຈະສືບຕໍ່ເສີມຂະຫຍາຍໃຫ້ສອດຄ່ອງກັບ ນໍ້າໃຈຕົກລົງກັນທີ່ໄດ້ຮັບການບັນລຸ ໃນການພົບປະສຸດຍອດທີ່ເປັນທາງດ້ານປະຫວັດສາດ ລະຫວ່າງສອງປະເທດພວກເຮົາ ແລະ ຂໍອວຍພອນໃຫ້ສະຫາຍຈົ່ງປະສົບຜົນສຳເລັດອັນໃຫຍ່ຫຼວງກວ່າເກົ່າໃນການສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ.
ນະຄອນຫຼວງພຽງຢາງ, ວັນທີ 2 ທັນວາ 2025
ປາກ ແທ ຊົງ
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ
----------------------------------------------------------------------------------------------------------------------------------------
ເຖິງ: ສະຫາຍ ທອງສະຫວັນ ພົມວິຫານ,
ລັດຖະມົນຕີ ກະຊວງການຕ່າງປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ
ຂ້າພະເຈົ້າ, ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ຂໍສົ່ງຄໍາອວຍພອນໄຊອັນປະເສີດ ແລະ ຄວາມຢື້ຢາມຖາມຂ່າວອັນອົບອຸ່ນ ມາຍັງສະຫາຍ.
ຂ້າພະເຈົ້າ, ຂໍຖືໂອກາດນີ້, ສະແດງຄວາມເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອ ແລະ ປະຫວັດສາດອັນຍາວນານ ລະຫວ່າງ ສປປເກົາຫຼີ ແລະ ສປປລາວ ຈະສືບຕໍ່ເສີມຂະຫຍາຍ ໃຫ້ສອດຄ່ອງກັບເຈດຕະນາອັນສູງສົງຂອງທ່ານຜູ້ນຳສູງສຸດສອງປະເທດພວກເຮົາ ແລະ ຂໍອວຍພອນໄຊມາຍັງສະຫາຍ ຈົ່ງບັນລຸຜົນສຳເລັດອັນໃຫຍ່ຫຼວງກວ່າເກົ່າໃນການປະຕິບັດໜ້າທີ່ວຽກງານຂອງສະຫາຍ ເພື່ອພັດທະນາ ການພົວພັນຕ່າງປະເທດຂອງປະເທດຊາດ.
ນະຄອນຫຼວງພຽງຢາງ, ວັນທີ 2 ທັນວາ 2025
ຊອຍ ເຊີນ ຮີ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ
