ຖະແຫຼງການຂອງໂຄສົກກະຊວງການຕ່າງປະເທດ ແຫ່ງ ສປປ ລາວ ຕໍ່ກັບເຫດການໂຈມຕີເຮືອນພັກ ຂອງຫົວໜ້າສໍານັກງານ ແຫ່ງ ສະຫະນະຄອນ ເອເມຣັດ ອາຣັບ ທີ່ປະເທດ ຊູດັງ (ວັນທີ 23 ຕຸລາ 2024)
25/07/2025
ສປປ ລາວ ໄດ້ຮັບຊາບຂ່າວການໂຈມຕີເຮືອນພັກ ຂອງຫົວໜ້າສໍານັກງານ ແຫ່ງ ສະຫະນະຄອນ ເອເມຣັດ ອາຣັບ ທີ່ປະເທດ ຊູດັງ ໃນວັນທີ 30 ກັນຍາ 2024, ຊຶ່ງໄດ້ສ້າງຄວາມເສຍຫາຍຢ່າງຫຼວງຫຼາຍ.
ສະນັ້ນ, ສປປ ລາວ ຈຶ່ງກ່າວປະນາມຕໍ່ເຫດການດັ່ງກ່າວ, ຊຶ່ງເປັນການລະເມີດກົດໝາຍສາກົນ ໂດຍສະເພາະ ສົນທິສັນຍາກຸງວຽນ ວ່າດ້ວຍການພົວພັນການທູດ ປີ 1961 ທີ່ໄດ້ລະບຸວ່າ ສໍານັກງານຕາງໜ້າການທູດ ແລະ ເຮືອນພັກນັກການທູດຕ່າງປະເທດ ຈະຕ້ອງໄດ້ຮັບການປົກປ້ອງ ແລະ ເຄົາລົບ.
