ທ່ານຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມອໍາລາຂອງ ເອກອັກຄະລາຊະທູດ ແຫ່ງ ລາຊະອານາຈັກ ແອັດສະປາຍ ປະຈໍາ ສປປ ລາວ
10/07/2026
ໃນຕອນເຊົ້າຂອງວັນທີ 10 ກໍລະກົດ 2026, ທີ່ ກະຊວງການຕ່າງປະເທດ, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ ທ່ານ ເຟລິບເປ ເດ ລາ ໂມເຣນາ ກາຊາໂດ (Felipe De La Morena Casado), ເອກອັກຄະລາຊະທູດ ວິສາມັນ ຜູ້ມີອຳນາດເຕັມ ແຫ່ງ ລາຊະອານາຈັກ ແອັດສະປາຍ ປະຈຳ ສປປ ລາວ ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ລາຊະອານາຈັກໄທ.
ອ່ານເພີ່ມ
ທ່ານ ຮອງລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມປຶກສາຫາລື ອາຊຽນ-ສ.ເກົາຫຼີ ຄັ້ງທີ 30 ທີ່ ເຊອູນ, ສ.ເກົາຫຼີ
07/07/2026
ໃນວັນທີ 7 ກໍລະກົດ 2026, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ນໍາພາຄະນະຜູ້ແທນລາວ ເຂົ້າຮ່ວມກອງປະຊຸມປຶກສາຫາລື ອາຊຽນ-ສ.ເກົາຫຼີ ຄັ້ງທີ 30 ເຊິ່ງຈັດຂຶ້ນທີ່ ເຊອູນ, ສ.ເກົາຫຼີ. ກອງປະຊຸມຄັ້ງນີ້ ຈັດຂຶ້ນ ພາຍໃຕ້ການເປັນປະທານ ຮ່ວມຂອງ ໄທ ໃນນາມປະເທດປະສານງານການພົວພັນອາຊຽນ-ສ.ເກົາຫຼີ ແລະ ສ. ເກົາຫຼີ, ໂດຍການເຂົ້າຮ່ວມຂອງ ບັນດາຫົວໜ້າເຈົ້າໜ້າທີ່ອາວຸໂສອາຊຽນ, ຜູ້ຕາງໜ້າ ແລະ ຮອງເລຂາທິການໃຫຍ່ອາຊຽນ ຜູ້ຮັບຜິດຊອບວຽກງານ ປະຊາຄົມການເມືອງ-ຄວາມໝັ້ນຄົງອາຊຽນ.
ອ່ານເພີ່ມ
ກອງປະຊຸມກະກຽມຄັ້ງທີ 2 ສໍາລັບກອງປະຊຸມທົບທວນ ສົນທິສັນຍາວ່າດ້ວຍການເກືອດຫ້າມລູກລະເບີດຫວ່ານ ຮອບວຽນ ທີ່ 3
06/07/2026
ກອງປະຊຸມກຽມຄັ້ງທີ 2 ສໍາລັບກອງປະຊຸມທົບທວນ ສົນທິສັນຍາວ່າດ້ວຍການເກືອດຫ້າມລະເບີດລະເບີດລູກຫວ່ານ (CCM) ຮອບວຽນທີ 3 ໄດ້ຈັດຂຶ້ນ ວັນທີ 1 ກໍລະກົດ 2026 ທີ່ ເຊີແນວ, ປະເທດສະວິດເຊີແລນ, ພາຍໃຕ້ການເປັນປະທານຂອງ ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ໂດຍມີປະເທດລັດພາຄີ, ປະເທດລົງນາມ, ປະເທດສັງເກດການ, ອົງການຈັດຕັ້ງສາກົນ ແລະ ອົງການຈັດຕັ້ງທາງສັງຄົມເຂົ້າຮ່ວມ ເພື່ອສືບຕໍ່ກະກຽມເອກະສານຜົນຂອງກອງປະຊຸມສຳລັບກອງປະຊຸມທົບທວນ ທີ່ຈະຈັດຂຶ້ນໃນວັນທີ 14-18 ກັນຍາ 2026 ທີ່ນະຄອນວຽງຈັນ, ສປປ ລາວ.
ອ່ານເພີ່ມ
ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ເຂົ້າຮ່ວມກອງປະຊຸມປຶກສາຫາລືອາຊຽນ
01/07/2026
ໃນວັນທີ 30 ມິຖຸນາ 2026, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ໄດ້ເຂົ້າຮ່ວມກອງປະຊຸມປຶກສາຫາລືອາຊຽນ (ASEAN Consultative Meeting), ຊຶ່ງໄດ້ຈັດຂຶ້ນ ທີ່ ສະຖານເອກອັກຄະລັດຖະທູດ ເເຫ່ງ ມາເລເຊຍ ປະຈໍາ ສປປ ລາວ ໂດຍການປະທານຮ່ວມຂອງ ທ່ານ Edi Irawan, ເອກອັກຄະລັດຖະທູດ ເເຫ່ງ ມາເລເຊຍ ປະຈໍາ ສປປ ລາວ. ເຂົ້າຮ່ວມໃນກອງປະຊຸມຄັ້ງນີ້ ມີເອກອັກຄະລັດຖະທູດ, ອຸປະທູດ ແລະ ຜູ້ຕາງຫນ້າຈາກ ບັນດາສະຖານເອກອັກຄະລັດຖະທູດຂອງປະເທດສະມາຊິກອາຊຽນ ປະຈຳ ສປປ ລາວ.
ອ່ານເພີ່ມ
ທ່ານ ຮອງລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມປຶກສາຫາລື ອາຊຽນ-ຍີ່ປຸ່ນ ຄັ້ງທີ 41ທີ່ ສິງກະໂປ
28/06/2026
ໃນວັນທີ 26 ມິຖຸນາ 2026, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ນໍາພາຄະນະຜູ້ແທນລາວ ເຂົ້າຮ່ວມກອງປະຊຸມປຶກສາຫາລືອາຊຽນ-ຍີ່ປຸ່ນ ຄັ້ງທີ 41 ເຊິ່ງຈັດຂຶ້ນໃນວັນທີ 26 ມິຖຸນາ 2026 ທີ່ ສິງກະໂປ. ກອງປະຊຸມຄັ້ງນີ້ ຈັດຂຶ້ນພາຍໃຕ້ການເປັນປະທານຮ່ວມຂອງ ສິງກະໂປ ໃນນາມປະເທດປະສານງານການພົວພັນອາຊຽນ-ຍີ່ປຸ່ນ ແລະ ຍີ່ປຸ່ນ, ໂດຍການເຂົ້າຮ່ວມຂອງບັນດາຫົວໜ້າເຈົ້າໜ້າທີ່ອາວຸໂສອາຊຽນ, ຜູ້ຕາງໜ້າ ແລະ ຮອງເລຂາທິການໃຫຍ່ອາຊຽນ ຜູ້ຮັບຜິດຊອບວຽກງານປະຊາຄົມການເມືອງ-ຄວາມໝັ້ນຄົງອາຊຽນ.
ອ່ານເພີ່ມ
ຮອງລັດຖະມົນຕີກະຊວງການຕ່າງປະເທດ ເຂົ້າຮ່ວມໄວ້ອາໄລ ແກ່ດວງວິນຍານຂອງ ອະດີດປະທານາທິບໍດີ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ
25/06/2026
ໃນຕອນບ່າຍຂອງວັນທີ 25 ມິຖຸນາ 2026, ທີ່ ສະຖານເອກອັກຄະລັດຖະທູດ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ ປະຈໍາ ສປປ ລາວ, ທ່ານ ໄມທອງ ທຳມະວົງສາ, ຮອງລັດຖະມົນຕີການກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ເຂົ້າຮ່ວມໄວ້ອາໄລ ແກ່ດວງວິນຍານຂອງ ພະນະທ່ານ ຟຣານຊິດໂກ ກູເຕີແລັດ, ອະດີດປະທານາທິບໍດີ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ ທີ່ໄດ້ເຖິງແກ່ມໍລະນະກຳ ໃນວັນທີ 21 ມິຖຸນາ 2026 ທີ່ຜ່ານມາ ແລະ ໄດ້ຕາງໜ້າໃຫ້ ລັດຖະບານ ແຫ່ງ ສປປ ລາວ ເຊັນປື້ມໄວ້ອາໄລ
ອ່ານເພີ່ມ
ພິທີເປີດຫຼັກໝາຍຊາຍແດນແບບພິເສດ ເພື່ອເປັນສັນຍາລັກ ແຫ່ງການສະເຫຼີມສະຫຼອງການສ້າງຕັ້ງສາຍພົວພັນການທູດ ລາວ-ໄທ ຄົບຮອບ 75 ປີ (19 ທັນວາ 1950 – 19 ທັນວາ 2025)
24/06/2026
ໃນວັນທີ 24 ມິຖຸນາ 2026, ສາທາລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກໄທ ໄດ້ຮ່ວມກັນຈັດພິທີເປີດຫຼັກໝາຍຊາຍແດນແບບພິເສດ (ຫຼັກໝາຍຊາຍແດນ ເລກທີ 3-18), ຊຶ່ງຕັ້ງຢູ່ບໍລິເວນດ່ານສາກົນນໍ້າເງິນ-ຫ້ວຍໂກນ, ເບື້ອງລາວຂຶ້ນກັບເມືອງເງິນ, ແຂວງໄຊຍະບູລີ ແລະ ເບື້ອງໄທຂຶ້ນກັບອໍາເພີສະເຫຼີມພະກຽດ, ຈັງຫວັດນ່ານເພື່ອເປັນສັນຍາລັກ ແຫ່ງການສະເຫຼີມສະຫຼອງການສ້າງຕັ້ງສາຍພົວພັນການທູດ ລາວ-ໄທ ຄົບຮອບ 75 ປີ (19 ທັນວາ 1950 – 19 ທັນວາ 2025).
ອ່ານເພີ່ມ
ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ເປັນປະທານຮ່ວມ ກອງປະຊຸມປຶກສາຫາລືອາຊຽນ-ການາດາ ຄັ້ງທີ 23
24/06/2026
ໃນວັນທີ 23-24 ມິຖຸນາ 2026, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ໄດ້ເປັນປະທານຮ່ວມກອງປະຊຸມປຶກສາຫາລືອາຊຽນ-ການາດາ ຄັ້ງທີ 23 ຮ່ວມກັບ ທ່ານ Weldon Epp, ຜູ້ຊ່ວຍຮອງລັດຖະມົນຕີ ຮັບຜິດຊອບວຽກງານອິນໂດ-ປາຊີຟິກ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ການາດາ ທີ່ ກອງເລຂາອາຊຽນ, ຈາກາກຕາ, ອິນໂດເນເຊຍ ໂດຍມີບັນດາຫົວໜ້າເຈົ້າໜ້າທີ່ອາວຸໂສ ແລະ ຄະນະຜູ້ແທນຂອງປະເທດສະມາຊິກອາຊຽນ, ການາດາ ແລະ ຮອງເລຂາທິການໃຫຍ່ອາຊຽນ ຜູ້ຮັບຜິດຊອບວຽກງານປະຊາຄົມການເມືອງ-ຄວາມໝັ້ນຄົງອາຊຽນ ເຂົ້າຮ່ວມ.
ອ່ານເພີ່ມ
ລາວ-ຍີ່ປຸ່ນ ລົງນາມເອກະສານແລກປ່ຽນ ໂຄງການສະໜອງທຶນການສຶກສາໃນການພັດທະນາຊັບພະນາກອນມະນຸດ ໃຫ້ແກ່ ສປປ ລາວ ມູນຄ່າ 378 ລ້ານເຢນ
22/06/2026
ໃນຕອນບ່າຍຂອງວັນທີ 22 ມິຖຸນາ 2026 ທີ່ ກະຊວງການຕ່າງປະເທດ, ໄດ້ມີພິທີລົງນາມເອກະສານແລກປ່ຽນ ໂຄງການສະໜອງທຶນການສຶກສາໃນການພັດທະນາຊັບພະນາກອນມະນຸດ ຈາກ ລັດຖະບານຍີ່ປຸ່ນ ໃຫ້ແກ່ ສປປ ລາວ (The Project for Human Resource Development Scholarship) ມູນຄ່າ 378 ລ້ານ ເຢນ (ປະມານ 2.3 ລ້ານໂດລາສະຫະລັດ) ຊຶ່ງ ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ ຕາງໜ້າລັດຖະບານ ແຫ່ງ ສປປ ລາວ ແລະ ທ່ານ ໂຄອິຊຸມິ ຊຶໂຕະມຸ (Mr. KOIZUMI Tsutomu), ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ຕາງໜ້າລັດຖະບານຍີ່ປຸ່ນ ເປັນຜູ້ລົງນາມ, ໂດຍມີພາກສ່ວນກຽວຂ້ອງຂອງສອງຝ່າຍ ລາວ ແລະ ຍີ່ປຸ່ນ ເຂົ້າຮ່ວມເປັນສັກຂີພິຍານ.
ອ່ານເພີ່ມ
