ທ່ານ ຮອງລັດຖະມົນຕີ ກະຊວງການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບ ຂອງຜູ້ອໍານວຍການ ອົງການ ສປຊ ດ້ານເຄຫາສະຖານ ປະຈຳ ພາກພື້ນອາຊີ-ປາຊີຟິກ
19/03/2026
ໃນວັນທີ 18 ມີນາ 2026, ທີ່ ກະຊວງການຕ່າງປະເທດ, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີ ກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ນາງ ກາຊຸໂກະ ອີຊິກາກິ, ຜູ້ອໍານວຍການ ອົງການ ສປຊ ດ້ານເຄຫາສະຖານ ປະຈຳ ພາກພື້ນອາຊີ-ປາຊີຟິກ.
ອ່ານເພີ່ມ
ຄະນະນໍາກະຊວງການຕ່າງປະເທດ ເຂົ້າຮ່ວມເຊັນປຶ້ມໄວ້ອາໄລ ຕໍ່ການເສຍຊີວິດຂອງ ຮອງປະທານາທິບໍດີ ຜູ້ທີ 6 ແຫ່ງ ສາທາລະນະລັດ ອິນໂດເນເຊຍ
04/03/2026
ໃນຕອນບ່າຍຂອງວັນທີ 4 ມີນາ 2026, ທີ່ ສະຖານເອກອັກຄະລັດຖະທູດ ແຫ່ງ ສາທາລະນະລັດ ອິນໂດເນເຊຍ ປະຈໍາ ສປປ ລາວ, ທ່ານ ໄມທອງ ທໍາມະວົງສາ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະ ເຂົ້າຮ່ວມເຊັນປຶ້ມໄວ້ອາໄລ ຕໍ່ການເສຍຊີວິດຂອງ ພະນະທ່ານ ຕຣີ ສຸຕຣີດໂນ, ຮອງປະທານາທິບໍດີ ຜູ້ທີ 6 ແຫ່ງ ສາທາລະນະລັດ ອິນໂດເນເຊຍ ໃນວັນທີ 2 ມີນາ 2026 ທີ່ຜ່ານມາ, ໂດຍການຕ້ອນຮັບຂອງ ທ່ານ Achmad Dahlan, ອຸປະທູດຊົ່ວຄາວ ແຫ່ງ ສາທາລະນະລັດ ອິນໂດເນເຊຍ ປະຈໍາ ສປປ ລາວ.
ອ່ານເພີ່ມ
ກອງປະຊຸມປະກອບຄໍາເຫັນ ຮ່າງຂໍ້ຕົກລົງ ວ່າດ້ວຍການແຕ່ງຕັ້ງ ແລະ ຮຽກກັບສະມາຊິກສຳນັກງານຜູ້ຕາງໜ້າ ແລະ ເຜີຍແຜ່ຄຳແນະນຳ ກ່ຽວກັບການປະເມີນເລື່ອນຊັ້ນນັກການທູດ ແລະ ທຽບຊັ້ນນັກການທູດ
25/02/2026
ໃນຕອນບ່າຍຂອງ ວັນທີ 25 ກຸມພາ 2026, ທີ່ ກະຊວງການຕ່າງປະເທດ, ກົມຈັດຕັ້ງ, ກະຊວງການຕ່າງປະເທດ ໄດ້ຈັດກອງປະຊຸມປະກອບຄໍາເຫັນໃສ່ ຮ່າງຂໍ້ຕົກລົງ ວ່າດ້ວຍການແຕ່ງຕັ້ງ ແລະ ຮຽກກັບສະມາຊິກສຳນັກງານຜູ້ຕາງໜ້າ ແລະ ເຜີຍແຜ່ຄຳແນະນຳ ກ່ຽວກັບການປະເມີນເລື່ອນຊັ້ນນັກການທູດ ແລະ ທຽບຊັ້ນນັກການທູດ ໂດຍການໃຫ້ກຽດເປັນປະທານຂອງ ທ່ານ ໄມທອງ ທຳມະວົງສາ, ຮອງລັດຖະມົນຕີກະຊວງການຕ່າງປະເທດ, ມີຄະນະກົມ, ຄະນະພະແນກ ແລະ ພະນັກງານ-ລັດຖະກອນ ຕາງໜ້າຈາກຫ້ອງການ ແລະ ບັນດາກົມ ຂອງກະຊວງການຕ່າງປະເທດ ເຂົ້າຮ່ວມ.
ອ່ານເພີ່ມ
ພິທີມອບ-ຮັບ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ
23/02/2026
ຕອນເຊົ້າເວລາ 10:00 ໂມງ ຂອງວັນທີ 23 ກຸມພາ 2026, ທີ່ສະໜາມບິນສາກົນປາກເຊ, ນະຄອນປາກເຊ, ແຂວງຈໍາປາສັກ, ໄດ້ມີການຈັດພິທີ ມອບ-ຮັບ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ ພາຍຫຼັງທີ່ຄະນະວິຊາການຮ່ວມລາວ-ອາເມຣິກາ ສໍາເລັດການປະຕິບັດງານຮ່ວມຢູ່ພາກສະໜາມ ຄັ້ງທີ 2 ປະຈໍາສົກປີ 2025 -2026 ກໍລະນີ 2052 ຢູ່ພູຜາຖີ່, ເຂດບ້ານພູທອງ, ເມືອງຊຳເໜືອ, ແຂວງຫົວພັນ ແລະ ກໍລະນີ 1743 ເຂດບ້ານວັກໄຕ, ກໍລະນີ 1384 ເຂດບ້ານຕະລາງໃໝ່, ເມືອງກະລຶມ, ແຂວງເຊກອງ. ຜ່ານການປະຕິບັດງານດັ່ງກ່າວແມ່ນມີພຽງແຕ່ກໍລະນີດຽວຄື ກໍລະນີ 2052 ທີ່ໄດ້ຖືກຄົ້ນພົບສິ່ງເສດເຫຼືອຂອງທະຫານອາເມຣິກາ.
ອ່ານເພີ່ມ
ການເຄື່ອນໄຫວວຽກງານຊາຍແດນຂອງ ທ່ານຮອງລັດຖະມົນຕີກະຊວງການຕ່າງປະເທດ ຢູ່ ແຂວງໄຊຍະບູລີ
12/02/2026
ໃນລະຫວ່າງວັນທີ 09-11 ກຸມພາ 2026, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີ ກະຊວງການຕ່າງປະເທດ, ປະທານຄະນະເຈົ້າໜ້າທີ່ອາວຸໂສພາຍໃຕ້ຄະນະກຳມາທິການຊາຍແດນຮ່ວມ (JBC) ລາວ-ໄທ ໄດ້ລົງເຄື່ອນໄຫວເຮັດວຽກ ຢູ່ເມືອງທົ່ງມີໄຊ, ເມືອງບໍ່ແຕນ ແລະ ເມືອງແກ່ນທ້າວ ແຂວງໄຊຍະບູລີ.
ອ່ານເພີ່ມ
ພິທີພົບປະ ຜູ້ລົງສະໝັກຮັບເລືອກຕັ້ງ ສະມາຊິກສະພາແຫ່ງຊາດ ຊຸດທີ X ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ
11/02/2026
ໃນຕອນເຊົ້າຂອງວັນທີ 10 ກຸມພາ 2026, ທີ່ ກະຊວງການຕ່າງປະເທດ, ທ່ານ ທະນົງໄຊ ຄຸດໄພທູນ, ກໍາມະການສໍາຮອງສູນກາງພັກ, ກໍາມະການປະຈໍາພັກນະຄອນຫຼວງວຽງຈັນ, ເລຂາໜ່ວຍພັກຮາກຖານ, ຫົວໜ້າຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ນະຄອນຫຼວງວຽງຈັນ, ຫົວໜ້າຄະນະຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ X ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ ພ້ອມດ້ວຍຄະນະ ຈຳນວນ 5 ທ່ານ ປະກອບມີ: ທ່ານ ວິແກ້ວ ບຸບຜາວັນ, ກໍາມະການປະຈໍາພັກ, ປະທານກວດກາພັກ, ຮອງລັດຖະມົນຕີ, ຮອງຫົວໜ້າຫ້ອງວ່າການ ສໍານັກງານນາຍົກລັດຖະມົນຕີ; ທ່ານ ສີວຽງທອງ ສໍຜາບມີໄຊ, ກໍາມະການພັກ ນະຄອນຫຼວງວຽງຈັນ, ຫົວໜ້າພະແນກຍຸຕິທໍາ ນະຄອນຫຼວງວຽງຈັນ; ທ່ານ ສົມບັດ ຈັນທະມາດ, ກໍາມະການໜ່ວຍພັກ, ຄະນະປະຈໍາສະພາປະຊາຊົນ, ປະທານຄະນະກໍາມະການເສດຖະກິດ, ແຜນການ ແລະ ການເງິນ ສະພາປະຊາຊົນ ນະຄອນຫຼວງວຽງຈັນ; ແລະ ທ່ານ ນາງ ຈໍາປາທອງ ທະລົງແສງຈັນ, ກໍາມະການຄະນະບໍລິຫານງານສູນກາງສະຫະພັນແມ່ຍິງລາວ, ຮອງປະທານສະມາຄົມນັກທຸລະກິດຍິງ, ໄດ້ລົງມາໂຄສະນາເຜີຍແຜ່ຫາສຽງ ແລະ ແນະນໍາຕົວເອງ, ແຈ້ງຈຸດປະສົງ, ວິໄສທັດໃນການພັດທະນາ ແລະ ລະດັບຄາດໝາຍໃນການລົງສະໝັກເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ X ໃນຄັ້ງນີ້, ໂດຍການຕ້ອນຮັບ ຂອງ ທ່ານ ໄມທອງ ທໍາມະວົງສາ, ຮອງເລຂາຄະນະບໍລິຫານພັກກະຊວງການຕ່າງປະເທດ, ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະພັກ, ຄະນະກົມ, ຄະນະພະແນກ ແລະ ພະນັກງານກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ
ອ່ານເພີ່ມ
ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ເຂົ້າອວຍພອນປີໃໝ່ຫວຽດນາມ ປະຈຳປີ 2026
05/02/2026
ໃນຕອນບ່າຍຂອງວັນທີ 02 ກຸມພາ 2026, ທີ່ ສະຖານເອກອັກຄະລັດຖະທູດ ແຫ່ງ ສສ ຫວຽດນາມ ປະຈຳ ສປປ ລາວ, ສະຫາຍ ນາງ ຟອງສະໝຸດ ອັ່ນລາວັນ, ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ, ໄດ້ຕາງໜ້າໃຫ້ຄະນະພັກ-ຄະນະນຳ ແລະ ພະນັກງານກະຊວງການຕ່າງປະເທດ ແຫ່ງ ສປປ ລາວ ເຂົ້າອວຍພອນ ສະຫາຍ ຫງວຽນ ມິ່ງ ເຕິມ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ, ເນື່ອງໃນໂອກາດປີໃໝ່ ຫວຽດນາມ ປີມະເມຍ “ເຕັດບິງເຫງາະ” ທີ່ຈະໝູນວຽນມາເຖິງອີກວາລະໜຶ່ງ, ວັນສ້າງຕັ້ງພັກກອມມູນິດຫວຽດນາມ ຄົບຮອບ 96 ປີ (3/2/1930-3/2/2025).
ອ່ານເພີ່ມ
ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ທີ່ ເຊບູ, ຟີລິບປີນ.
28/01/2026
ໃນວັນທີ 28 ມັງກອນ 2026 ທີ່ ເຊບູ, ປະເທດ ຟີລິບປີນ, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ນໍາພາຄະນະ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ. ເຂົ້າຮ່ວມໃນກອງປະຊຸມຄັ້ງນີ້ ມີບັນດາຫົວໜ້າເຈົ້າໜ້າທີ່ອາວຸໂສອາຊຽນ ແລະ ຮອງເລຂາທິການໃຫຍ່ອາຊຽນ ພ້ອມດ້ວຍຄະນະ.
ອ່ານເພີ່ມ
