ແຈ້ງການ ຂອງກະຊວງການຕ່າງປະເທດ ແຫ່ງ ສປປ ລາວ

ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພະນະທ່ານ ເສດຖາ ທະວີສິນ, ນາຍົກລັດຖະມົນຕີ ແຫ່ງ ຣາຊະອານາຈັກໄທ ພ້ອມດ້ວຍຄະນະ ຈະເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 30 ຕຸລາ 2023, ເພື່ອສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຖານບ້ານໃກ້ເຮືອນຄຽງທີ່ດີທີ່ມີມາແຕ່ດົນນານ ກໍ່ຄືການເປັນຄູ່ຮ່ວມຍຸດທະສາດ ເພື່ອການຈະເລີນເຕີບໂຕ ແລະ ການພັດທະນາແບບຍືນຍົງ ລະຫວ່າງ ສອງຊາດ ລາວ ແລະ ໄທ.

ໂດຍຕອບສະໜອງຕາມຄໍາເຊີນ ຂອງ ສົມເດັດ ຊາລມານ ບິນ ອັບດຸນລາຊິດສ ອາລ ຊາດ ເຈົ້າຊີວິດ ແຫ່ງ ຣາຊະອານາຈັກ ອາຣັບບີ ຊາອຸດິດ, ທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ ຈະເດີນທາງ ເຂົ້າຮ່ວມກອງປະຊຸມສຸດຍອດອາຊຽນ-ສະພາຮ່ວມມືເຂດອ່າວ (ຈີຊີຊີ) ຊຶ່ງຈະຈັດຂຶ້ນໃນວັນທີ 20 ຕຸລາ 2023 ທີ່ ຣີຢັດ, ອາຣັບບີ ຊາອຸດິດ.

ແຈ້ງ​ການຂອງ​ກະຊວງການຕ່າງປະທດ

ໂດຍ​ຕອບ​ສະ​ໜອງ​ຕາມ​ການ​ເຊື້ອ​ເຊີນ​ຂອງ ພະນະທ່ານ ສີ ຈິ້ນ​ຜີງ, ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ຊົນ​ຈີນ, ພະນະທ່ານ​ ທອງ​ລຸນ ​ສີ​ສຸ​ລິດ, ປະ​ທານ​ປະ​ເທດ ແຫ່ງ ສາ​ທາ​ລະ​ນະ​ລັດ​ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ຈະໄດ້ນຳພາຄະ​ນ​ະ​ຜູ້​ແທນ​ຂັ້ນ​ສູງ ຂອງ ສາ​ທາ​ລະ​ນະ​ລັດ​ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ​ເດີນ​ທາງ​ໄປ​ເຂົ້າ​ຮ່ວມ ກອງ​ປະ​ຊຸມ ໜຶ່ງ​ແລວ ໜຶ່ງ​ເສັ້ນ​ທາງ ເພື່ອ​ການ​ຮ່ວມ​ມື​ສາ​ກົນ ​ຄັ້ງ​ທີ່ 3 ພາຍໃຕ້ຫົວຂໍ້ “ການຮ່ວມມືໜຶ່ງແລວ ໜຶ່ງເສັ້ນທາງ ທີ່ມີຄຸນນະພາບສູງ: ຮ່ວມກັນພັດທະນາ ແລະ ຄວາມຈະເລີນຮຸ່ງເຮືອງຮ່ວມກັນ (High-Quality Belt and Road Cooperation: Together for Common Development and Prosperity)” ໃນລະຫວ່າງວັນທີ 17-18 ຕຸລາ 2023, ທີ່ ນະຄອນຫຼວງປັກກິ່ງ, ສປ ຈີນ.