ເພື່ອເປັນການຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ເກົາຫລີ, ພະນະທ່ານ ຈອງ ອຸຍຢອງ(H.E. Mr. Chung Eui-yong), ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ເກົາຫລີ ພ້ອມດ້ວຍຄະນະ ຈະເດີນທາງຢ້ຽມຢາມທາງການ ສາທາລະນະລັດ ປະຊາທິປະໄຕ ປະຊາຊົນລາວ ໃນລະຫວ່າງວັນທີ 28-29 ສິງຫາ 2021.
ນະຄອນຫຼວງວຽງຈັນ, ວັນທີ 24 ສິງຫາ 2021
ກະຊວງການຕ່າງປະເທດ
--------------------------------------------------------------------------------------------------------------------
ປະຫວັດຫຍໍ້
ທ່ານ ຈອງ ອຸຍຢອງ
ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ເກົາຫລີ
* ວັນ ເດືອນ ປີເກີດ: 14 ເມສາ 1946
* ການສຶກສາ:
- ທັນວາ 2010 ປະລິນຍາເອກກິຕິມະສັກ ສາຂາວິທະຍາສາດການເມືອງ, ສະຖາບັນກະສັດແຫ່ງກຳປູເຈຍ, ພະນົມເປນ, ກໍາປູເຈຍ.
- ມິຖຸນາ 1981 ປະລິນຍາໂທ ສາຂາການບໍລິຫານພາກລັດ, ມະຫາວິທະຍາໄລ ຮາເວີດ, ລັດ ມາຊາຕູແຊັດ, ສະຫະລັດອາເມລິກາ.
- ກຸມພາ 1968 ປະລິນຍາຕີ ສາຂາພົວພັນສາກົນ, ມະຫາວິທະຍາໄລເຊອຸນ, ນະຄອນຫລວງເຊອູນ, ສ. ເກົາຫລີ.
* ປະສົບການເຮັດວຽກ:
- ກຸມພາ 2021 ລັດຖະມົນຕີກະຊວງການຕ່າງປະເທດ.
- ກໍລະກົດ 2020 ທີ່ປຶກສາພິເສດປະທານາທິບໍດີວຽກງານການຕ່າງປະເທດ ແລະ ຄວາມໝັ້ນຄົງແຫ່ງຊາດ.
- ພຶດສະພາ 2017 ຫົວໜ້າສະພາຄວາມໝັ້ນຄົງແຫ່ງຊາດ ແລະ ປະທານຄະນະປະຈໍາສະພາຄວາມໝັ້ນຄົງແຫ່ງຊາດ.
- ທັນວາ 2009 ປະທານຮ່ວມຄະນະປະຈຳ ແລະ ເລຂາທິການໃຫຍ່ຂອງກອງປະຊຸມສາກົນຂອງພັກການເມືອງອາຊີ.
- ມິຖຸນາ 2004 ສະມາຊິກສະພາແຫ່ງຊາດ ຊຸດທີ 17.
- ມັງກອນ 2001 ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ.ເກົາຫລີ ປະຈໍາ ກອງເລຂາສະຫະປະຊາຊາດ ແລະ ອົງການຈັດຕັ້ງສາກົນ ທີ່ ນະຄອນເຊີແນວ, ສະວິດເຊີແລນ.
- ເມສາ 1998 ຮອງລັດຖະມົນຕີການຄ້າ, ກະຊວງການຕ່າງປະເທດ ແລະ ການຄ້າ
- ມັງກອນ 1997 ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ.ເກົາຫລີ ປະຈຳ ອິດສະລາແອນ.
- ມັງກອນ 1995 ອັກຄະລັດຖະທູດ, ສະຖານທູດ ສ. ເກົາຫລີ ປະຈຳ ສະຫະລັດອາເມລິກາ.
- ສິງຫາ 1993 ຫົວໜ້າກົມການຄ້າສາກົນ, ກະຊວງການຕ່າງປະເທດ.
- ກໍລະກົດ 1991 ອັກຄະລັດຖະທູດ, ສຳນັກງານຜູ້ຕາງໜ້າຖາວອນ ປະຈໍາ ສະຫະພາບເອີຣົບ, ບຣຸກແຊນ, ແບນຊິກ.
- ທັນວາ 1989 ໂຄສົກກະຊວງການຕ່າງປະເທດ.
- ກຸມພາ 1989 ຮອງຫົວໜ້າກົມວິເຄາະຂໍ້ມູນ, ກະຊວງການຕ່າງປະເທດ.
- ມັງກອນ 1986 ທີ່ປຶກສາ, ສະຖານທູດ ສ.ເກົາຫລີ ປະຈຳ ສະຫະລັດອາເມລິກາ.
- ພຶດສະພາ 1984 ທີ່ປຶກສາ, ສະຖານທູດ ສ.ເກົາຫລີ ປະຈຳ ຣາຊະອານາຈັກໄທ.
- ກໍລະກົດ 1982 ຫົວໜ້າພະແນກນະໂຍບາຍການຄ້າ, ກົມການຄ້າສາກົນ, ກະຊວງການຕ່າງປະເທດ.
- ມິຖຸນາ 1974 ເລຂາຕີ, ສະຖານທູດ ສ.ເກົາຫລີ ປະຈຳ ການາດາ.
- ມີນາ 1972 ເຂົ້າເຮັດວຽກ ຢູ່ ກະຊວງການຕ່າງປະເທດ.
- ພະຈິກ 1971 ຜ່ານການສອບເສັງດ້ານວຽກງານການທູດລະດັບສູງ.
* ຮັບການຍ້ອງຍໍ:
- ມັງກອນ 2006 ຫຼຽນກຽດຕິຍົດ Bernado O’Higgins, ສ.ຊີລີ.
- ພຶດສະພາ 2005 ການຍ້ອງຍໍພິເສດທີ່ໄດ້ປະກອບສ່ວນຕໍ່ວຽກງານການທູດຂອງລັດຖະສະພາ ຈາກ ປະທານສະພາແຫ່ງຊາດ.
- ກັນຍາ 2004 ຫຼຽນກຽດຕິຄຸນ ຂັ້ນ2 (ສາຍສະພາຍສີເຫຼືອງ).