ເພື່ອສືບຕໍ່ຮັດແໜ້ນ ແລະ ເສີມຂະຫຍາຍການພົວພັນຮ່ວມມືສອງຝ່າຍທີ່ເປັນມູນເຊື້ອອັນດີງາມມາແຕ່ດົນນານ ລະຫວ່າງ ສປປ ລາວ ແລະ ສະມາພັນທະລັດ ສະວິດ, ພະນະທ່ານ ອິກນາຊີໂອ ກາດສີດສ (Ignazio Cassis), ຮອງປະທານາທິບໍດີ, ລັດຖະມົນຕີກະຊວງການຕ່າງປະເທດ ແຫ່ງ ສະມາພັນທະລັດ ສະວິດ ພ້ອມດ້ວຍຄະນະ ຈະເດີນທາງມາຢ້ຽມຢາມທາງການຢູ່ ສປປ ລາວ ໃນວັນທີ 3-4ສິງຫາ 2021.
ຊີວະປະຫວັດຫຍໍ້
ພະນະທ່ານ ປອ. ອິກນາຊິໂອ ຄາດສິດສ
ຮອງປະທານາທິບໍດີ, ລັດຖະມົນຕີກະຊວງການຕ່າງປະເທດ ສະມາພັນ ທະລັດສະວິດ
ເກີດໃນວັນທີ 13 ເມສາ 1961, ທີ Malcanto
ແຕ່ງງານກັບ ທ່ານ ນາງ Paola Rodoni Cassis
ປະຫວັດການສຶກສາ:
- 1987: ຈົບປະລິນຍາຕີການແພດ ຈາກ ມະຫາວິທະຍາໄລ ຊູລິກ
- 1996: ຈົບປະລິນຍາໂທດ້ານສາທາລະນະສຸກສາດ ຈາກ ມະຫາວິທະຍາໄລ ເຊີແນວ
- 1997: ເປັນ ທ່ານໝໍ ຢູ່ ມະຫາວິທະຍາໄລ ໂລຊານ
- 1998: ເປັນແພດຊ່ຽວຊານພາຍໃນ, ການປ້ອງກັນພະຍາດ ແລະ ດ້ານສາທາລະນະສຸກ.
ການເຄື່ອນໄຫວດ້ານການເມືອງ:
- 2004: ຖືກເລືອກຕັ້ງເປັນຄະນະເຮັດວຽກດ້ານນິຕິກໍາ ຢູ່ເມືອງTicino ຂອງແຂວງ Collina d’Oro.
- 2007: ເປັນສະມາຊິກສະພາແຫ່ງຊາດ ສະວິດ ສັງກັດພັກເສລີປະຊາທິປະໄຕ, ຊຶ່ງໄດ້ຮັບຜິດຊອບຫຼາຍບົດບາດທັງພາຍໃນ ແລະ ຕ່າງປະເທດ ໃນຂົງເຂດລັດຖະສະພາ ເຊັ່ນ:
- 1 ພະຈິກ 2017: ເປັນລັດຖະມົນຕີກະຊວງການຕ່າງປະເທດ ຈົນເຖິງປັດຈຸບັນ.
- 1 ມັງກອນ 2021: ຖືກແຕ່ງຕັ້ງເປັນຮອງປະທານາທິບໍດີ, ລັດຖະມົນຕີກະຊວງການຕ່າງປະເທດ.
(ຫ້ອງການ ຮ່ວມມືສະວິດ ປະຈໍາ ລາວ ແຈ້ງບໍ່ເປັນທາງການວ່າ ທ່ານ ກາດສິດສ ມີແຜນທີ່ຈະຂຶ້ນເປັນປະທານາທິບໍດີສະວິດ ໃນປີ 2022.
ການເຄື່ອນໄຫວໃນ ອາຊີບການແພດ:
- 1988-1996: ປະກອບສ່ວນດ້ານການແພດຜ່າຕັດ ແພດພາຍໃນ ແລະ ການປ້ອງກັນພະຍາດ.
- 1996-2008: ເປັນເຈົ້າໜ້າທີ່ດ້ານສາທາລະນະສຸກສາດ ຢູ່ເຂດປົກຄອງເມືອງ Ticino, ປະເທດ ສະວິດ.
- 2012: ເປັນປະທານສະມາຄົມຮັກສາສຸຂະພາບ CURAVIVA ແລະ ປີ 2013 ເປັນປະທານອົງການ Curafutura (ອົງການປະກັນສຸຂະພາບແຫ່ງຊາດ)
- 2008-2014: ທ່ານ ອິກນາຊິໂອ ກາດສິດສ ຍັງໄດ້ເປັນອາຈານສອນດ້ານວິຊາການແພດ ຢູ່ ມະຫາວິທະຍາໄລ ແຫ່ງ ຕ່າງໆ ຂອງ ສະວິດ.
- 2010-2015: ປະຕິບັດບົດບາດດ້ານສັງຄົມ ດ້ວຍການເປັນຄະນະບໍລິຫານງານ ແລະ ປະທານມູນນິທິຕ່າງໆ.
**********************