ແຈ້ງການຂອງຫ້ອງວ່າການປະທານປະເທດ

ເພື່ອເສີມຂະຫຍາຍການພົວພັນຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ​​ໄອ​ແລນ, ໂດຍຕອບສະໜອງຕາມຄຳເຊີນຂອງ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ,  ພະນະທ່ານ ໄມ​ເຄີນ ດານຽວ ຮິກ​ກິນ (H.E.Mr. Michael Daniel Higgins), ປະທານາທິບໍດີ ແຫ່ງ ໄອ​ແລນ ພ້ອມ​ດ້ວຍພັນ​ລະ​ຍາ ຈະເດີນທາງມາຢ້ຽມຢາມ ສປປ ລາວ ຢ່າງເປັນທາງການ, ໃນລະຫວ່າງວັນທີ 14-16 ພະຈິກ 2016.

***************************************

ຊີວະປະຫວັດຫຍໍ້

ທ່ານMichael D. Higgins

ປະ​ທາ​ນາ​ທິ​ບໍ​ດີແຫ່ງໄອ​ແລນ

ວັນ​ເດືອນ​ປີ​ເກີດ: 18 ເມ​ສາ 1941, ທີ່​ເມືອງ Limerick

ແຕ່ງ​ງານ​ກັບທ່ານນ. Sabina Higgins, ມີ​ລູກ 4 ຄົນ.

-       ສຶກ​ສາ​ຢູ່​ມະ​ຫາ​ວິ​ທະ​ຍາ​ໄລ Galway, Manchester ແລະ Indiana

-       ຕໍ່​ມາ​ເປັນ​ອາ​ຈານ​ສອນ​ ຢູ່​ ຂະ​ແໜງ​ການ​ເສດ​ຖະ​ສາດ​ການ​ເມືອງ ແລະ ສັງ​ຄົມ​ສາດ ຢູ່ ມະ​ຫາ​ວິ​ທະ​ຍາ​ໄລ Galway

ການ​ເຄື່ອນ​ໄຫວ​ດ້ານ​ການ​ເມືອງ

-       ສັງ​ກັດ​ຢູ່​ພັກ​ແຮງ​ງານແຕ່​ປີ 1968 ເຖິງ 2011

-       ເປັນສະມາຊິກສະພາຜູ້ແທນ 25 ປີ

-       ເປັນສະມາຊິກວຸດທິສະພາ 9 ປີ

-       1982-1983 ແລະ 1991-1992     : ຖືກ​ເລືອກ​ເປັນ​ເຈົ້າ​ຄອງ​ນະ​ຄອນ Galway 2 ສະ​ໄໝ

-       1982-1992                               : ເປັນ​ນັກ​ຂຽນ​ ຢູ່​ ສຳ​ນັກ​ພິມ​ຈຳ​ໜ່າຍ Hot Press

-       1993-1997                               : ເປັນ​ລັດ​ຖະ​ມົນ​ຕີ​ວັດ​ທະ​ນະ​ທຳ

-       2011-ປັດ​ຈຸ​ບັນ                            : ເປັນ​ປະ​ທາ​ນາ​ທິ​ບໍ​ດີ ແຫ່ງ ໄອ​ແລນ (ບໍ່ສັງກັດພັກ)

-       ຂຶ້ນ​ສາ​ບານ​ຕົນ​ເປັນ​ປະ​ທາ​ນາ​ທິ​ບໍ​ດີ​ໃນ​ວັນ​ທີ 11 ພະ​ຈິກ 2011

ເປັນນັກຂຽນແລະນັກກະວີ, ໂດຍໄດ້ປະກອບສ່ວນຂຽນບົດຄວາມໃນດ້ານການເມືອງ, ສັງຄົມສາດ, ປະຫວັດສາດ ແລະ ວັດທະນະທໍາຂອງໄອແລນ, ພ້ອມທັງເປັນຜູ້ລິເລີ້ມໃຫ້ມີການສົ່ງເສີມການນໍາໃຊ້ພາສາພື້ນເມືອງໄອຣິສ ໃນສະໄໝດໍາລົງຕໍາແໜ່ງລັດຖະມົນຕີວັດທະນະທໍາ.