ສປປ ລາວ ສະແດງຄວາມຍິນດີ ຕໍ່ຜົນສໍາເລັດ ຂອງ ການພົບປະສຸດຍອດ ຄັ້ງປະຫວັດສາດ ລະຫວ່າງ ຜູ້ນຳ ສປປ ເກົາຫລີ ແລະ ສ. ເກົາຫລີ ໃນວັນທີ 27 ເມສາ 2018. ສປປ ລາວ ເຫັນວ່າ ຜົນຂອງການພົບປະຄັ້ງນີ້ ຈະປະກອບສ່ວນສຳຄັນເຂົ້າໃນການສົ່ງເສີມການພົວພັນຮ່ວມມື ລະຫວ່າງ ສປປ ເກົາຫລີ ແລະ ສ. ເກົາຫລີ, ການປົກປັກຮັກສາສັນຕິພາບ ແລະ ສະຖຽນລະພາບ ໃນແຫລມເກົາຫລີ ແລະ ໃນໂລກ ກໍຄື ການສ້າງແຫລມເກົາຫລີ ໃຫ້ປອດອາວຸດນິວເຄລຍ.