ພະນະທ່ານ ຮາສຊານ ຣູຮານີ
ປະທານາທິບໍດີ ແຫ່ງ ສາທາລະນະລັດ ອິດສະລາມ ອິຣານ
ທີ່ ເຕຮາຣານ
ພະນະທ່ານ,
ໃນນາມປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງ ພະນະທ່ານ, ເນື່ອງໃນໂອກາດທີ່ ພະນະທ່ານ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງ ປະທານາທິບໍດີ ແຫ່ງ ສາທາລະນະລັດ ອິດສະລາມ ອີຣານ ອີກຄັ້ງ.
ສົມເດັດ ຄາລ໌ ກຸດສຕັຟ
ເຈົ້າຊີວິດ ແຫ່ງ ຣາຊະອານາຈັກ ສະວີເດັນ
ສະຕ໋ອກໂຮມ
ສົມເດັດ,
ເນື່ອງໃນໂອກາດວັນຊາດ ແຫ່ງ ຣາຊະອານາຈັກ ສະວີເດັນ, ຕາງໜ້າໃຫ້ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງ ພະອົງ ແລະ ຜ່ານພະອົງ ໄປຍັງປະຊາຊົນສະວີເດັນທຸກຖ້ວນໜ້າ ຈົ່ງມີພະລານາໄມສົມບູນ ແລະ ມີຄວາມຈະເລີນວັດທະນາ.
ພະນະທ່ານ ມາເຣຍ ເຟີນານດາ ເອັສປີໂນສາ ກາຣເຊສ
ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ເອກົວດໍ
ທີ່ ກີໂຕ
ພະນະທ່ານ,
ເນື່ອງໃນໂອກາດທີ່ ພະນະທ່ານ ຖືກແຕ່ງຕັ້ງໃຫ້ດໍາລົງຕໍາແໜ່ງເປັນ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ເອກົວດໍ ຄົນໃໝ່, ຂ້າພະເຈົ້າຂໍຖືເປັນກຽດສະແດງຄວາມຍິນດີ ແລະ ສົ່ງຄໍາຊົມເຊີຍອັນອົບອຸ່ນ ມາຍັງພະນະທ່ານ.