ສະຫາຍ ບຸ່ຍ ແທັງ ເຊີນ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ສັງຄົມນິຍົມ ຫວຽດນາມ
ທີ່ ນະຄອນຫຼວງຮ່າໂນ້ຍ
ສະຫາຍ ທີ່ນັບຖື,
ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງ ສະຫາຍ ທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງເປັນ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ໃນກອງປະຊຸມ ຄັ້ງທີ XI, ຊຸດທີ XIV ຂອງກອງປະຊຸມສະພາແຫ່ງຊາດຫວຽດນາມ.
ຂ້າພະເຈົ້າ ເຊື່ອຫມັ້ນວ່າ ດ້ວຍຄວາມສາມາດ ແລະ ປະສົບການອັນອຸດົມສົມບູນຂອງ ສະຫາຍ, ສະຫາຍ ຈະສືບຕໍ່ປະກອບສ່ວນອັນໃຫຍ່ຫລວງເຂົ້າໃນພາລະກິດປ່ຽນແປງໃຫມ່ ແລະ ເປີດກວ້າງການຮ່ວມມືກັບສາກົນ, ຍົກຖານະບົດບາດຂອງ ສາທາລະນະລັດ ສັງຄົມນິຍົມ ຫວຽດນາມ ໃຫ້ນັບມືສູງຂຶ້ນຢ່າງບໍ່ຢຸດຢັ້ງ.
ຂ້າພະເຈົ້າ ພ້ອມແລ້ວ ແລະ ຍິນດີຈະເຮັດວຽກຮ່ວມກັບສະຫາຍ ເພື່ອສືບຕໍ່ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ກໍ່ຄືການຮ່ວມມືອັນສະຫນິດສະຫນົມ ແລະ ແຫນ້ນແຟ້ນ ລະຫວ່າງ ສອງກະຊວງການຕ່າງປະເທດ ພວກເຮົາ ໃຫ້ນັບມື້ຂະຫຍາຍຕົວ ແລະ ພັດທະນາຂຶ້ນຢ່າງບໍ່ຢຸດຢັ້ງ ເພື່ອຜົນປະໂຫຍດຂອງປະຊາຊົນສອງຊາດ, ເພື່ອສັນຕິພາບ, ສະຖຽນລະພາບ ແລະ ການຮ່ວມມືພັດທະນາໃນພາກພື້ນ ແລະ ໃນໂລກ.
ອວຍພອນໃຫ້ສະຫາຍພ້ອມຄອບຄົວ ຈົ່ງມີພາລານາໄມສົມບູນເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນຫນ້າທີ່ອັນສູງສົ່ງຂອງຕົນ.
ດ້ວຍຄວາມຮັກແພງຖານອ້າຍນ້ອງ.
ສະເຫຼີມໄຊ ກົມມະສິດ
ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ
ນະຄອນຫຼວງວຽງຈັນ, ວັນທີ 08 ເມສາ 2021