ນະຄອນຫຼວງວຽງຈັນ, ວັນທີ 10 ສິງຫາ 2020
ພະນະທ່ານ,
ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້້າສະຫຼົດໃຈ ຕໍ່ອຸບັດຕິເຫດເຮືອບິນ ຂອງສາຍການບິນຖ້ຽວບິນ IX-1334 ມື່ນໄຫຼອອກທາງແລ່ນ ຢູ່ ເມືອງໂກຊິໂກເດ ຂອງອິນເດຍ ໃນວັນທີ 07 ສິງຫາ 2020 ທີ່ຜ່ານມາ, ເຊິ່ງໄດ້ເຮັດໃຫ້ຜູ້ໂດຍສານເສຍຊີວິດ ແລະ ບາດເຈັບເປັນຈຳນວນຫຼາຍ.
ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນອົກເຫັນໃຈ ມາຍັງພະນະທ່ານ, ລັດຖະບານ ແລະ ປະຊາຊົນອິນເດຍ, ໂດຍສະເພາະ ຕໍ່ຄອບຄົວຂອງຜູ້ທີ່ໄດ້ຮັບເຄາະຮ້າຍ ຈາກອຸບັດຕິເຫດໃນຄັ້ງນີ້.
ຂ້າພະເຈົ້າ ເຊື່ອໝັ້ນວ່າ, ລັດຖະບານ ແລະ ປະຊາຊົນອິນເດຍ, ໂດຍສະເພາະ ຄອບຄົວຂອງຜູ້ປະສົບເຄາະຮ້າຍ ຈະສາມາດຜ່ານຜ່າເວລາແຫ່ງຄວາມຫຍຸ້ງຍາກໃນຄັ້ງນີ້.
ດ້ວຍຄວາມນັບຖືຢ່າງສູງ,
ສະເຫຼີມໄຊ ກົມມະສິດ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ ດຣ. ສຸບຣາມານຍາມ ຈາຍຊັງເກີ
ລັດຖະມົນຕີຕ່າງປະເທດ ແຫ່ງ ສາທາລະນະລັດ ອິນເດຍ
ທີ່ ນິວແດນລີ