ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສານອວຍພອນວັນຊາດ ຍີ່ປຸ່ນ

 

 

ສົມ​ເດັດ ນາຣຸຮິໂຕະ

​ເຈົ້າຈັກກະພັດ ແຫ່ງ ປະເທດຍີ່ປຸ່ນ

ທີ່ ​ນະຄອນຫຼວງໂຕ​ກຽວ

ພະບາດສົມ​ເດັດ,

​ເນື່ອງ​ໃນ​ໂອກາດ​ອັນ​ເປັນ​ສິລິ​ມົງຄຸນ​ແຫ່ງວັນ​ພະຣາຊະ​ສົມ​ພົບ ຄົບຮອບ 60 ພັນ​ສາ ຂອງ​ ສົມເດັດ ກໍຄືວັນຊາດຍີ່ປຸ່ນ, ໃນນາມປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄືໃນນາມສ່ວນຕົວ, ຂ້າພະເຈົ້າ ຂໍ​ສົ່ງ​ຄຳ​ອວຍພອນ​ໄຊ​ອັນ​ປະ​ເສີດ ​ແລະ ຄຳ​ຊົມ​ເຊີຍ​ອັນ​ອົບ​ອຸ່ນມາ​ຍັງສົມເດັດ ​ແລະ ພະ​ບໍລົມ​ວົງສາ​ນຸວົງທຸກພະອົງ ຈົ່ງ​ຊົງ​ພະ​ກະ​ເສມສຳລານ ​ເພື່ອ​ສືບ​ຕໍ່​ເປັນ​ຮົ່ມ​ໂພ​ຮົ່ມ​ໄຊໃຫ້​ແກ່​ ປະຊາຊົນ​ຍີ່ປຸ່ນ​ ຕະຫຼອດ​ໄປ.

        ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ທີ່ເຫັນວ່າສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ຍີ່ປຸ່ນ ໄດ້ຮັບການເພີ່ມທະວີ ແລະ ພັດທະນາຂຶ້ນຢ່າງຕໍ່ເນື່ອງຕະຫຼອດໄລຍະ 65 ປີ ແຫ່ງການສ້າງຕັ້ງສາຍພົວພັນການທູດຮ່ວມກັນຜ່ານມາ, ໂດຍສະເພາະ ພາຍຫຼັງການຍົກລະດັບການພົວພັນເປັນຄູ່ຮ່ວມຍຸດທະສາດນໍາກັນ ໃນປີ 2015 ຜ່ານມາ, ເຊິ່ງໄດ້ປະກອບສ່ວນອັນສໍາຄັນເຮັດໃຫ້ຂອບການຮ່ວມມືທີ່ມີຢູ່ແລ້ວນັ້ນ ໄດ້ຮັບການເສີມຂະຫຍາຂຶ້ນຢ່າງຕໍ່ເນື່ອງ ແລະ ຂອບການຮ່ວມມືໃໝ່ ກໍ່ໄດ້ຮັບການພັດທະນາໃຫ້ນັບມື້ນັບດີຂຶ້ນຢ່າງບໍ່ຢຸດຢັ້ງ.

ຂ້າ​ພະ​ເຈົ້າ​ ຫວັງ​ເປັນຢ່າງ​ຍິ່ງວ່າ ພາຍ​ໃຕ້​ການ​ເປັນ​ຄູ່​ຮ່ວມຍຸດທະສາດ​ດັ່ງ​ກ່າວ ຈະນຳ​ເອົາ​ຜົນ​ປະ​ໂຫຍດຕົວຈິງມາ​ສູ່​ປະ​ຊາ​ຊົນ​ສອງ​ຊາດ ​ລາວ ແລະ ຍີ່​ປຸ່ນ ພ້ອມ​ທັງ​ເປັນ​ການ​ປະກອບສ່ວນ​ໃນ​ການ​ສ້າງ​ສັນຕິພາບ, ສະຖຽນ​ລະ​ພາບ ​ແລະ ການ​ຮ່ວມ​ມື​​ເພື່ອ​ການ​ພັດທະນາ​ຢູ່​ໃນ​ພາກ​ພື້ນ ​ແລະ ​ໃນ​ໂລກ.

ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ຂໍ​ອວຍພອນ​ໄຊ​ໃຫ້ສົມເດັດ ແລະ ພະ​ບໍລົມ​ວົງສາ​ນຸວົງທຸກພະອົງ ຈົ່ງ​ມີ​ພະ​ລາ​ນາ​​ໄມ​ສົມບູນ ​ແລະ ຊົງພະ​ກະ​ເສມສຳລານ ແລະ ມີອາຍຸ​ຍິ່ງ​ຍືນນານຕະຫຼອດໄປ.

ດ້ວຍ​ຄວາມ​ນັບຖື​ຢ່າງ​ສູງ,

ບຸນ​ຍັງ ວໍ​ລະ​ຈິດ

ປະທານ​ປະ​ເທດ ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ນະ​ຄອນຫຼວງ​ວຽງ​ຈັນ, ວັນ​ທີ 23 ກຸມພາ 2020

----------------------------------------------

ພະນະ​ທ່ານ ອາ​ເບະ ຊິນ​ໂຊ,

​ນາ​ຍົກ​ລັດຖະມົນຕີ ​ແຫ່ງ ປະເທດຍີ່ປຸ່ນ

ທີ່ ​ນະຄອນຫຼວງໂຕ​ກຽວ

ພະນະ​ທ່ານ,

​ເນື່ອງ​ໃນ​ໂອກາດ​ສະ​ເຫຼີມສະຫຼອງວັນ​ພະຣາຊະ​ສົມ​ພົບ ຂອງ ​ສົມ​ເດັດເຈົ້າຈັກກະພັດ ນາຣຸຮິໂຕະ ຄົບຮອບ 60 ພັນ​ສາ ກໍຄືວັນຊາດຍີ່ປຸ່ນ, ​ໃນ​ນາມລັດຖະບານ ​ແລະ ປະຊາຊົນ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ, ຂ້າພະ​ເຈົ້າຂໍ​ຖື​ເປັນ​ກຽດສົ່ງ​ພອນ​ໄຊ​ອັນ​ປະ​ເສີດ ​ແລະ ຄຳ​ຊົມ​ເຊີຍ​ອັນ​ອົບ​ອຸ່ນ ມາ​ຍັງ​ ພະນະ​ທ່ານ ຈົ່ງມີ​ພະ​ລາ​ນາ​ໄມ​ສົມບູນ, ມີ​ຄວາມ​ຜາ​ສຸກ, ປະສົບ​ຜົນສຳ​ເລັດ​​ໃນ​ໜ້າ​ທີ່​ອັນ​ສູງ​ສົ່ງ​ ຂອງ​ພະນະ​ທ່ານ ​ແລະ ຂໍ​ອວຍພອນ​​ໄຊໂດຍ​ຜ່ານ ​ພະນະ​ທ່ານ​ໄປ​ຍັງ​ປະຊາຊົນ​ຍີ່ປຸ່ນທຸກຖ້ວນໜ້າ ຈົ່ງ​ມີ​ແຕ່​ຄວາມຈະເລີນ​ກ້າວໜ້າ ​ແລະ ສົມ​ບູນພູນ​ສຸກ.

​ພາຍ​ໃຕ້​ການ​ເປັນ​ຄູ່​ຮ່ວມຍຸດ​ທະະ​ສາດ ຂອງ ສ​ອງ​ປະ​ເທດ ສປປ ລາວ ແລະ ຍີ່ປຸ່ນ, ຂ້າພະ​ເຈົ້າ ມີ​ຄວາມ​​ປິຕິຍິນດີ​ເປັນ​ຢ່າງ​ຍິ່ງ ທີ່​ເຫັນ​ວ່າ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື ລະຫວ່າງ ສປປ ລາວ ​ແລະ ຍີ່ປຸ່ນ ໄດ້​ຮັບ​ການ​ຂະ​ຫຍາຍ​ຕົວ ແລະ ຢ່າງຕໍ່ເນື່ອງໃນຫຼາຍ​ຂົງ​ເຂດ, ໂດຍ​ສະ​ເພາະ ການຮ່ວມມືທາງ​ດ້ານ​ເສດ​ຖະ​ກິດ ແລະ ການ​ລົງ​ທຶນ ຂອງ ຍີ່ປຸ່ນ ຢູ່ ສ​ປ​ປ ລາວ ໄດ້ຮັບການ​ຂະຫຍາຍຕົວຂຶ້ນ​ເລື້ອຍໆ. ພ້ອມດຽວກັນນັ້ນ, ຂົງເຂດການຮ່ວມມື ໃໝ່ ກໍໄດ້ຮັບການພັດທະນາຂຶ້ນຢ່າງຕັ້ງໜ້າ. ລັດຖະບານ ແລະ ປະຊາຊົນລາວ ໄດ້ຕີລາຄາສູງ ແລະ ສະແດງຄວາມຮູ້ບຸນຄຸນ ຕໍ່ການຮ່ວມມືຊ່ວຍເຫຼືອ ກໍຄືການສະໜັບສະໜູນ ສປປ ລາວ ຂອງ ລັດຖະບານ ແລະ ປະຊາຊົນຍີ່ປຸ່ນ ຕະຫຼອດໄລຍະທີ່ຜ່ານມາ, ເຊິ່ງໄດ້ປະກອບສ່ວນອັນສໍາຄັນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ໃຫ້ມີຜົນສໍາເລັດຢ່າງຈົບງາມ.

ຂ້າພະ​ເຈົ້າ ຫວັງ​ຢ່າງ​ຍິ່ງ​ວ່າ ການ​ພົວພັນ ແລະ ​ການຮ່ວມ​ມືທີ່ດີງາມ ລະຫວ່າງ ສອງປະເທດ ລາວ ແລະ ຍີ່ປຸ່ນ ຈະ​​ສືບຕໍ່ໄດ້ຮັບ​ການເພີ່ມທະວີ ແລະ ຂະຫຍາຍຕົວຢ່າງຕໍ່ເນື່ອງ ເພື່ອ​​ນຳ​ເອົ​າ​ຜົນ​ປະ​ໂຫຍດ​ຕົວຈິງມາ​ສູ່​ປະ​ຊາ​ຊົນ​ສອງ​ຊາດພວກເຮົາ​ ກໍຄື​ການປະກອບສ່ວນ​ເຂົ້າໃນ​ການ​ສ້າງ​ສັນຕິພາບ, ສະຖຽນ​ລະ​ພາບ ​ແລະ ການ​ຮ່ວມ​ມື​​ເພື່ອ​ການ​ພັດທະນາ​ຢູ່ໃນ​ພາກ​ພື້ນ ​ແລະ ​ໃນ​ໂລກ.

ດ້ວຍ​ຄວາມ​ນັບຖື​ຢ່າງ​ສູງ,

ທອງ​ລຸນ ສີ​ສຸ​ລິດ

ນາຍົກລັດຖະມົນຕີ ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ນະ​ຄອນ​ຫຼວງ​ວຽງ​ຈັນ, ວັນ​ທີ 23 ກຸມພາ 2020

----------------------------------------------

 

ພະນະ​ທ່ານ ໂມເຕງິ ໂທສິມິດຊຶ,

​ລັ​ດ​ຖະ​ມົນ​ຕີ​ຕ່າງປະ​ເທດຍີ່ປຸ່ນ

ທີ່ ນະຄອນຫຼວງ​ໂຕ​ກຽວ

ພະນະ​ທ່ານ,

​ເນື່ອງ​ໃນ​ໂອກາດ​ວັນ​ພະຣາຊະ​ສົມ​ພົບ ຂອງ ​ສົມ​ເດັດ ເຈົ້າຈັກກະພັດ ນາຣຸຮິໂຕະ ຄົບຮອບ 60 ພັນ​ສາ ກໍຄືວັນຊາດຍີ່ປຸ່ນ,​ຂ້າພະ​ເຈົ້າ ຂໍ​ຖື​ເປັນ​ກຽດສົ່ງ​ພອນ​ໄຊ​ອັນ​ປະ​ເສີດມາ​ຍັງ ​ພະນະ​ທ່ານ ແລະ ໂດຍຜ່ານພະນະທ່ານໄປຍັງ ບັນ​ດາ​ການ​ນຳ ແລະ ພະ​ນັກ​ງານກະ​ຊວງ​​ຕ່າງ​ປະ​ເທດ​ຍີ່​ປຸ່ນ ຈົ່ງມີ​ສຸຂະພາບແຂງແຮງ, ມີ​ຄວາມ​ຜາ​ສຸກ ແລະ ປະສົບ​ຜົນສຳ​ເລັດ​​ໃນ​ໜ້າ​ທີ່​ອັນ​ສູງ​ສົ່ງ​ຂອງ​ຕົນ. ​

​ຂ້າພະ​ເຈົ້າ ມີ​ຄວາມ​​ປິຕິຍິນ​ດີ​ເປັນ​ຢ່າງ​ຍິ່ງ ທີ່​ເຫັນ​ວ່າ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມືອັນດີງາມທີ່ມີມາແຕ່ດົນນານ ລະຫວ່າງ ສປປ ລາວ ​ແລະ ຍີ່ປຸ່ນ ໄດ້​ຮັບ​ການເສີມ​ຂະ​ຫຍາຍໃຫ້ເຂັ້ມແຂງ ​ຕ​ະ​ຫຼ​ອດ​ໄລ​ຍະ 65 ປີ ຜ່ານ​ມາ, ເຊິ່ງເຫັນ​ໄດ້​ຈາກ​ການ​ແລກ​ປ່ຽນການ​ຢ້ຽມ​ຢາມ​ເຊິ່ງກັນ ແລະ ກັນ ຂອງການ​ນຳ​ຂັ້ນ​ສູງ ​ຂອງ​ສອງ​ປະ​ເທດເປັນປະຈໍາ, ການຮ່ວມມື ແລະ ສະໜັບສະໜູນເຊິ່ງກັນ ແລະ ກັນ ທັງໃນຂອບສອງຝ່າຍ, ໃນເວທີພາກພື້ນ ແລະ ສາກົນ, ລວມ​ເຖິງ​ການ​ຊ່ວຍ​ເຫຼືອເພື່ອການພັດທະນາດ້ານຊັບພະຍາກອນມະນຸດ, ໂຄງລ່າງພື້ນຖານ, ສາທາລະນະສຸກ, ກະສິກໍາ ແລະ ປ່າໄມ້ ກໍຄື​ບັນ​ດາ​ໂຄງ​ການຕ່າງໆ​ ທີ່​ລັດ​ຖະ​ບານ​ຍີ່​ປຸ່ນ​ໄດ້ໃຫ້​ການຊ່ວຍ​ເຫຼືອ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ​ຂອງ ສ​ປ​ປ ລາວ ໃຫ້ມີຜົນສໍາເລັດຢ່າງຈົບງາມ.

ຂ້າພະ​ເຈົ້າ ຫວັງ​ຢ່າງ​ຍິ່ງ​ວ່າ ການ​ເປັນ​ຄູ່​ຮ່ວມ​ຍຸດ​ທະ​ສາດ ລາວ ແລະ ຍີ່ປຸ່ນ ຈະ​​​ສືບ​ຕໍ່​ເສີມ​ຂະ​ຫຍາຍ​ຍິ່ງໆ​ຂຶ້ນ ເພື່ອ​​ນຳ​ເອົ​າ​ຜົນ​ປະ​ໂຫຍດ​ຕົວຈິງມາ​ສູ່​ປະ​ຊາ​ຊົນ​ສອງ​ຊາດ ລາວ ແລະ ຍີ່ປຸ່ນ ກໍ​ຄື​ການ​ຮ່ວມ​ມື​ອັນ​ສະ​ໜິດ​ແໜ້ນ ລະ​ຫວ່າງ ສອງ​ກະ​ຊ​ວງ​ການ​ຕ່າງ​ປະ​ເທດ​ພ​ວກ​ເຮົາ.

ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດມາຍັງ ພະນະທ່ານ ແລະ ພະນັກງານກະຊວງການຕ່າງປະເທດທຸກໆທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສໍາເລັດໃນໜ້າທີ່ວຽກງານການຕ່າງປະເທດຂອງຍີ່ປຸ່ນ.

ດ້ວຍ​ຄວາມ​ນັບຖື​ຢ່າງ​ສູງ,

​ສະ​ເຫຼີມໄຊ ກົມ​ມະ​ສິດ                            

ລັດຖະມົນຕີ​ກະ​ຊວງ​ການຕ່າງ​ປະ​ເທດ ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ນະ​ຄອນຫຼວງ​ວຽງ​ຈັນ, ວັນ​ທີ 23 ກຸມພາ 2020

a
ແຈ້ງການ

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ວັນທີ 01 ມິຖຸນາ 2020

*ສືບຕໍ່ປະຕິບັດບັນດາມາດຕະການຜ້ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ COVID-19 ໃນໄລຍະແຕ່ວວັນທີ 02-30 ມິຖຸນາ 2020

*ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ຮ່າງກົດໝາຍ ວ່າດ້ວຍ ການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍຕ່າງໆ ຂອງເຂດປົກຄອງພິເສດຮົງກົງ ເພື່ອຮັກສາຄວາມໝັ້ນຄົງແຫ່ງຊາດ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

ຄຳແນະນຳສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 (COVID-19)

* ປະກາດໂຄສະນາ ກ່ຽວກັບ ການຄັດເລືອກບຸກຄົນ ຫຼື ອົການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

* ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
211966
ມື້ນີ້25
ມື້ວານ102
ອາທິດນີ້417
ເດືອນນີ້452
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710