ພະນະທ່ານ ດີມິຕຼີ ເມດເວດແດບ

ນາຍົກລັດຖະມົນຕີແຫ່ງ ສະຫະພັນ ຣັດເຊຍ

ທີ່ ນະຄອນຫລວງ ມົດສະກູ

ພະນະທ່ານ,

ຂ້າພະເຈົ້າ ໄດ້ຮັບຊາບຂ່າວດ້ວຍຄວາມເສົ້າສະຫຼົດໃຈເປັນຢ່າງຍິ່ງ ກ່ຽວກັບ ອຸບັດຕິເຫດທີ່ເກີດຂຶ້ນກັບຍົນໂດຍສານຖ້ຽວບິນ SU1492 ໃນວັນທີ 5 ພຶດສະພາ 2019 ຊຶ່ງເຮັດໃຫ້ມີຜູ້ເສຍຊີວິດ ແລະ ໄດ້ຮັບບາດເຈັບຈຳນວນຫຼວງຫຼາຍ.

ໃນນາມລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເສົ້າໂສກເສຍໃຈຢ່າງສຸດຊຶ້ງ ແລະ ຂໍແບ່ງເບົາຄວາມທຸກໂສກກັບ ພະນະທ່ານ ແລະ ໂດຍຜ່ານ ພະນະທ່ານ ໄປຍັງລັດຖະບານ ແລະ ບັນດາຍາດຕິພີ່ນ້ອງຂອງຄອບຄົວຜູ້ເສຍຊີວິດຈາກອຸບັດຕິເຫດຄັ້ງນີ້.

                                                                     ດ້ວຍຄວາມນັບຖືຢ່າງສູງ,

ທອງລຸນ ສີສຸລິດ

ນາຍົກລັດຖະມົນຕີ

ພະນະ​ທ່ານ ​ເຊຣເກ ລາວາຣົບ,

ລັດຖະມົນຕີກະຊວງການຕ່າງປະເທດ ​ແຫ່ງ​ ສະຫະພັນຣັດ​ເຊຍ

​ທີ່ ນະຄອນຫຼວງ ມົດສະກູ

ພະນະທ່ານ ທີ່ນັບຖື,

ຂ້າພະເຈົ້າ ໄດ້ຮັບຊາບຂ່າວດ້ວຍຄວາມເສົ້າສະຫຼົດໃຈເປັນຢ່າງຍິ່ງ ກ່ຽວກັບ ການເກີດອຸບັດຕິເຫດຂອງຍົນໂດຍສານຖ້ຽວບິນ SU1492 ໃນວັນທີ 5 ພຶດສະພາ 2019 ຊຶ່ງເຮັດໃຫ້ມີຜູ້ເສຍຊີວິດ ແລະ ໄດ້ຮັບບາດເຈັບຈຳນວນຫຼວງຫຼາຍ.

        ​ ຂ້າພະ​ເຈົ້າ​ ຂໍສະ​ແດງ​ຄວາມ​ເສົ້າ​ໂສກ​ເສຍ​ໃຈ​ຢ່າງ​ສຸດ​ຊຶ້ງ ​ແລະ ຂໍ​ແບ່ງ​ເບົາ​ຄວາມທຸກ​ໂສກ​ກັບ ພະນະ​ທ່ານ ແລະ ​ໂດຍ​ຜ່ານ​ພະນະ​ທ່ານ ​ໄປ​ຍັງ​ ບັນດາຍາດຕິ​ພີ່ນ້ອງ​ຂອງ​ຄອບຄົວຜູ້​ເສຍ​ຊີວິດ​ຈາກ​ເຫດການ​ອຸປະຕິ​ເຫດ​ຄັ້ງ​ນີ້ດ້ວຍ.

        ດ້ວຍ​ຄວາມ​ນັບຖື​ຢ່າງ​ສູງ,

                                                        ສະເຫຼີມໄຊ ກົມມະສິດ

                                       ລັດຖະມົນຕີກະຊວງການຕ່າງປະເທດ ​ແຫ່ງ ສປປ ລາວ