ນະຄອນຫຼວງວຽງຈັນ, ວັນທີ 29 ມັງກອນ 2019
ສະຫາຍ ມີເກັນ ດີເອັດສ-ກາແນນ ແບຣມູເດັດສ
ປະທານສະພາແຫ່ງລັດ ແລະ ສະພາລັດຖະມົນຕີ ແຫ່ງ ສາທາລະນະລັດ ກູບາ
ທີ່ ລາຮາວານ
ສະຫາຍທີ່ຮັກແພງ,
ພວກຂ້າພະເຈົ້າ ມີຄວາມໂສກເສົ້າ ແລະ ເສຍໃຈເປັນຢ່າງຍິ່ງ ທີ່ໄດ້ຮັບຂ່າວວ່າ ລົມພາຍຸ ທໍນາໂດ ໄດ້ພັດເຂົ້າສູ່ປະເທດຂອງສະຫາຍເມື່ອບໍ່ດົນມານີ້, ອັນໄດ້ເຮັດໃຫ້ມີປະຊາຊົນເສຍຊີວິດ ແລະ ບາດເຈັບຈໍານວນໜຶ່ງ ແລະ ຊັບສິນຖືກທໍາລາຍຢ່າງໜັກໜ່ວງ.
ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພວກຂ້າພະເຈົ້າ ຂໍສະແດງຄວາມເຫັນໃຈ ແລະ ເສົ້າສະຫຼົດໃຈຢ່າງສຸດຊຶ້ງມາຍັງສະຫາຍ ແລະ ຜ່ານສະຫາຍໄປຍັງລັດຖະບານ ແລະ ປະຊາຊົນກູບາ ໂດຍສະເພາະຄອບຄົວຂອງຜູ້ທີ່ປະສົບເຄາະຮ້າຍຈາກໄພທໍາມະຊາດຄັ້ງນີ້ດ້ວຍ.
ພວກຂ້າພະເຈົ້າ ຫວັງຢ່າງຍິ່ງວ່າ ພາຍໃຕ້ການນໍາພາຂອງສະຫາຍ, ຜົນກະທົບຂອງໂສກນາຕະກໍາໄພພິບັດດັ່ງກ່າວ ຈະໄດ້ຮັບການແກ້ໄຂ ແລະ ຊີວິດການເປັນຢູ່ຂອງປະຊາຊົນທີ່ໄດ້ຮັບຜົນກະທົບທັງຫຼາຍ ຈະໄດ້ຮັບການຟື້ນຟູໃຫ້ກັບຄືນສູ່ຄວາມປົກກະຕິໃນເວລາໄວໆເທົ່າທີ່ຈະເປັນໄດ້.
ດ້ວຍຄວາມນັບຖືຢ່າງສູງ,
ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທອງລຸນ ສີສຸລິດ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ