ນະ​ຄອນຫຼວງ​ວຽງ​ຈັນ, ວັນ​ທີ 21 ທັນວາ 2018

ສົມ​ເດັດ ອາ​ກິ​ຮິ​ໂຕະ

​ເຈົ້າຈັກກະພັດ ແຫ່ງ ປະເທດຍີ່ປຸ່ນ

ທີ່ ​ນະຄອນຫຼວງໂຕ​ກຽວ

ພະ​ບາດ​ສົມ​ເດັດ,

​ເນື່ອງ​ໃນ​ໂອກາດ​ອັນ​ເປັນ​ສິລິ​ມົງຄຸນ ​ແຫ່ງ ວັນ​ພະຣາຊະ​ສົມ​ພົບ ຄົບຮອບ 85 ພັນ​ສາ ຂອງ​ ພະ​ອົງ, ໃນນາມປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄືໃນນາມສ່ວນຕົວ, ຂ້າພະເຈົ້າ ຂໍ​ສົ່ງ​ຄຳ​ອວຍພອນ​ໄຊ​ອັນ​ປະ​ເສີດ ​ແລະ ຄຳ​ຊົມ​ເຊີຍ​ອັນ​ອົບ​ອຸ່ນມາ​ຍັງ ​ພະ​ອົງ ​ແລະ ພະ​ບໍລົມ​ວົງສາ​ນຸວົງ ຈົ່ງ​ຊົງ​ພະ​ກະ​ເສມສຳລານ ​ເພື່ອ​ສືບ​ຕໍ່​ເປັນ​ຮົ່ມ​ໂພ​ຮົ່ມ​ໄຊໃຫ້​ແກ່​ ປະຊາຊົນ​ຍີ່ປຸ່ນ​ ຕະຫຼອດ​ໄປ.

         ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ທີ່ເຫັນວ່າສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ຍີ່ປຸ່ນ ໄດ້ຮັບການເພີ່ມທະວີ ແລະ ພັດທະນາຢ່າງຕໍ່ເນື່ອງຕະຫຼອດໄລຍະຜ່ານມາ ແລະ ໄດ້ກາຍເປັນ ຄູ່ຮ່ວມຍຸດທະສາດນຳກັນ.

ຂ້າ​ພະ​ເຈົ້າ​ຫວັງ​ຢ່າງ​ຍິ່ງວ່າ ພາຍ​ໃຕ້​ການ​ເປັນ​ຄູ່​ຮ່ວມ​ມື​ດັ່ງ​ກ່າວ ຈະນຳ​ເອົາ​ຜົນ​ປະ​ໂຫຍດຕົວຈິງມາ​ສູ່​ປະ​ຊາ​ຊົນ​ສອງ​ຊາດ ​ລາວ ແລະ ຍີ່​ປຸ່ນ ພ້ອມ​ທັງ​ເປັນ​ການ​ປະກອບສ່ວນ​ໃນ​ການ​ສ້າງ​ສັນຕິພາບ, ສະຖຽນ​ລະ​ພາບ ​ແລະ ການ​ຮ່ວມ​ມື​​ເພື່ອ​ການ​ພັດທະນາ​ຢູ່​ໃນ​ພາກ​ພື້ນ ​ແລະ ​ໃນ​ໂລກ. ຂໍ​ອວຍພອນ​ໄຊ​ໃຫ້​ພະ​ອົງ ຈົ່ງ​ມີ​ພະ​ລາ​ນາ​​ໄມ​ສົມບູນ ​ແລະ ຊົງພະ​ກະ​ເສມສຳລານ​ຍິ່ງ​ຍືນນານ.

     ດ້ວຍ​ຄວາມ​ນັບຖື​ຢ່າງ​ສູງ,

           ບຸນ​ຍັງ ວໍ​ລະ​ຈິດ

           ປະທານ​ປະ​ເທດ

​                                                              ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ພະນະ​ທ່ານ ຊິນ​ໂຊ ອາ​ເບະ,

 ​ນາ​ຍົກ​ລັດຖະມົນຕີ ​ແຫ່ງ ປະເທດຍີ່ປຸ່ນ

 ທີ່ ​ນະຄອນຫຼວງໂຕ​ກຽວ

ພະນະ​ທ່ານ,

​ເນື່ອງ​ໃນ​ໂອກາດ​ສະ​ເຫຼີມສະຫລອງວັນ​ພະຣາຊະ​ສົມ​ພົບຂອງ ​ສົມ​ເດັດ ອາ​ກິ​ຮິ​ໂຕະ ຄົບຮອບ 85 ພັນ​ສາ, ​ໃນ​ນາມລັດຖະບານ ​ແລະ ປະຊາຊົນ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ, ຂ້າພະ​ເຈົ້າຂໍ​ຖື​ເປັນ​ກຽດສົ່ງ​ພອນ​ໄຊ​ອັນ​ປະ​ເສີດ ​ແລະ ຄຳ​ຊົມ​ເຊີຍ​ອັນ​ອົບ​ອຸ່ນ ມາ​ຍັງ​ພະນະ​ທ່ານ ຈົ່ງມີ​ພະ​ລາ​ນາ​ໄມ​ສົມບູນ, ມີ​ຄວາມ​ຜາ​ສຸກ, ປະສົບ​ຜົນສຳ​ເລັດ​​ໃນ​ໜ້າ​ທີ່​ອັນ​ສູງ​ສົ່ງ​ຂອງ​ພະນະ​ທ່ານ ​ແລະ ຂໍ​ອວຍພອນ​​ໄຊ ​ໂດຍ​ຜ່ານ​ພະນະ​ທ່ານ​ໄປ​ຍັງ​ປະຊາຊົນ​ຍີ່ປຸ່ນ ຈົ່ງ​ມີ​ແຕ່​ຄວາມຈະເລີນ​ກ້າວໜ້າ ​ແລະ ສົມ​ບູນພູນ​ສຸກ.

​ພາຍ​ໃຕ້​ການ​ເປັນ​ຄູ່​ຮ່ວມ​ມືຍຸດ​ທະະ​ສາດ ຂອງ ສ​ອງ​ປະ​ເທດ ລາວ ແລະ ຍີ່ປຸ່ນ, ຂ້າພະ​ເຈົ້າມີ​ຄວາມ​​ປິຕິຍິນ​ເປັນ​ຢ່າງ​ຍິ່ງ ທີ່​ເຫັນ​ວ່າ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື ລະຫວ່າງ ສປປ ລາວ ​ແລະ ຍີ່ປຸ່ນ ໄດ້​ຮັບ​ການ​ຂະ​ຫຍາຍ​ຕົວ​ໃນຫຼາຍ​ຂົງ​ເຂດ​ການ​ຮ່ວມ​ມື, ໂດຍ​ສະ​ເພາະ ທາງ​ດ້ານ​ເສດ​ຖະ​ກິດ ແລະ ການ​ລົງ​ທຶນ ຂອງ ຍີ່ປຸ່ນ ທີ່​ກຳລັງ​ຂະຫຍາຍຕົວຂຶ້ນ​ເລື້ອຍໆ ຢູ່ ສ​ປ​ປ ລາວ. ລັດຖະບານ ແລະ ປະຊາຊົນລາວ ໄດ້ຕີລາຄາສູງ ແລະ ຮູ້ບຸນຄຸນ ຕໍ່ການຮ່ວມມືຊ່ວຍເຫຼືອ ແລະ ການສະໜັບສະໜູນ ສປປ ລາວ ຂອງ ລັດຖະບານ ແລະ ປະຊາຊົນຍີ່ປຸ່ນ ຕະຫຼອດໄລຍະທີ່ຜ່ານມາ, ຊຶ່ງໄດ້ປະກອບສ່ວນອັນສໍາຄັນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ.

ຂ້າພະ​ເຈົ້າຫວັງ​ຢ່າງ​ຍິ່ງ​ວ່າ ການ​ພົວພັນ​ຮ່ວມ​ມືຂອງສອງປະເທດ ລາວ ແລະ ຍີ່ປຸ່ນ ຈະ​​ສືບຕໍ່ໄດ້ຮັບ​ການເພີ່ມທະວີ ເພື່ອ​​ນຳ​ເອົ​າ​ຜົນ​ປະ​ໂຫຍດ​ຕົວຈິງມາ​ສູ່​ປະ​ຊາ​ຊົນ​ສອງ​ຊາດພວກເຮົາ​ ພ້ອມ​ທັງ​ເປັນ​ການປະກອບສ່ວນ​ໃນ​ການ​ສ້າງ​ສັນຕິພາບ, ສະຖຽນ​ລະ​ພາບ ​ແລະ ການ​ຮ່ວມ​ມື​​ເພື່ອ​ການ​ພັດທະນາ​ຢູ່ໃນ​ພາກ​ພື້ນ ​ແລະ ​ໃນ​ໂລກ.

   ດ້ວຍ​ຄວາມ​ນັບຖື​ຢ່າງ​ສູງ,

          ທອງ​ລຸນ ສີ​ສຸ​ລິດ

        ນາຍົກລັດຖະມົນຕີ

 ​                                                                        ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ພະນະ​ທ່ານ ທະໂຣ ໂຄໂນະ,

​ລັ​ດ​ຖະ​ມົນ​ຕີ​ກະ​ຊວງກ​ານ​ຕ່າງ​ປະ​ເທດ ແຫ່ງ ປະເທດຍີ່ປຸ່ນ

ທີ່ ນະຄອນຫຼວງ​ໂຕ​ກຽວ

ພະນະ​ທ່ານ,

 ​ເນື່ອງ​ໃນ​ໂອກາດ​ສະ​ເຫຼີມສະຫຼອງວັນ​ພະຣາຊະ​ສົມ​ພົບ ຂອງ ​ສົມ​ເດັດ ອາ​ກິ​ຮິ​ໂຕະ ຄົບຮອບ 85 ພັນ​ສາ,​ຂ້າພະ​ເຈົ້າ ຂໍ​ຖື​ເປັນ​ກຽດສົ່ງ​ພອນ​ໄຊ​ອັນ​ປະ​ເສີດມາ​ຍັງ ​ພະນະ​ທ່ານ ແລະໂດຍຜ່ານພະນະທ່ານໄປຍັງ ບັນ​ດາ​ການ​ນຳ ແລະ ພະ​ນັກ​ງານ ກະ​ຊວງ​ການ​ຕ່າງ​ປະ​ເທດ​ຍີ່​ປຸ່ນ ຈົ່ງມີ​ສຸຂະພາບແຂງແຮງ, ມີ​ຄວາມ​ຜາ​ສຸກ ແລະ ປະສົບ​ຜົນສຳ​ເລັດ​​ໃນ​ໜ້າ​ທີ່​ອັນ​ສູງ​ສົ່ງ​ຂອງ​ຕົນ. ​

 ​ຂ້າພະ​ເຈົ້າ ມີ​ຄວາມ​​ປິຕິຍິນ​ດີ​ເປັນ​ຢ່າງ​ຍິ່ງ ທີ່​ເຫັນ​ວ່າ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື ລະຫວ່າງ ສປປ ລາວ ​ແລະ ຍີ່ປຸ່ນ ໄດ້​ຮັບ​ການ​ຂະ​ຫຍາຍ​ຕົວ ​ຕ​ະ​ຫຼ​ອດ​ໄລ​ຍະ 63 ປີ ຜ່ານ​ມາ, ເຊິ່ງເຫັນ​ໄດ້​ຈາກ​ການ​ແລກ​ປ່ຽນການ​ຢ້ຽມ​ຢາມ​ການ​ນຳ​ຂັ້ນ​ສູງ​ຂອງ​ສອງ​ປະ​ເທດ ເປັນປະຈໍາ, ການຮ່ວມມືສະໜັບສະໜູນເຊິ່ງກັນແລະກັນ ໃນເວທີພາກພື້ນ ແລະ ສາກົນ ລວມ​ເຖິງ​ການ​ຊ່ວຍ​ເຫຼືອເພື່ອການພັດທະນາຊັບພະຍາກອນມະນຸດ ແລະ ​ບັນ​ດາ​ໂຄງ​ການຕ່າງໆ​ ທີ່​ລັດ​ຖະ​ບານ​ຍີ່​ປຸ່ນ​ໃຫ້​ການ​ຊ່ວຍ​ເຫຼືອ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ ​ຂອງ ສ​ປ​ປ ລາວ.

ຂ້າພະ​ເຈົ້າ ຫວັງ​ຢ່າງ​ຍິ່ງ​ວ່າ ການ​ເປັນ​ຄູ່​ຮ່ວມ​ມື​ຍຸດ​ທະ​ສາດ ລາວ ແລະ ຍີ່ປຸ່ນ ຈະ​​​ສືບ​ຕໍ່​ເສີມ​ຂະ​ຫຍາຍ​ຍິ່ງໆ​ຂຶ້ນ ເພື່ອ​​ນຳ​ເອົ​າ​ຜົນ​ປະ​ໂຫຍດ​ມາ​ສູ່​ປະ​ຊາ​ຊົນ​ສອງ​ຊາດ ​ລາວ ແລະ ຍີ່ປຸ່ນ ກໍ​ຄື​ການ​ຮ່ວມ​ມື​ອັນ​ສະ​ໜິດ​ແໜ້ນ ລະ​ຫວ່າງ ສອງ​ກະ​ຊ​ວງ​ການ​ຕ່າງ​ປະ​ເທດ​ພ​ວກ​ເຮົາ.

ໃນວາລະປີໃໝ່ສາກົນ 2019 ໝູນວຽນມາເຖິງນີ້, ຂໍອວຍພອນໃຫ້ ພະນະທ່ານ ແລະ ພະນັກງານກະຊວງການຕ່າງປະເທດ ທຸກຖ້ວນໜ້າ ຈົ່ງມີແຕ່ຄວາມສຸກໃນຊີວິດສ່ວນຕົວ ແລະ ປະສົບຜົນສໍາເລັດສູງໃນໜ້າທີ່ວຽກງານການຕ່າງປະເທດຂອງ ຍີ່ປຸ່ນ.

  ດ້ວຍ​ຄວາມ​ນັບຖື​ຢ່າງ​ສູງ,

      ​ສະ​ເຫຼີມໄຊ ກົມ​ມະ​ສິດ                            

ລັດຖະມົນຕີ​ກະ​ຊວງ​ການຕ່າງ​ປະ​ເທດ

​                                                                       ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ