ພະນະທ່ານ ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ
ໃນນາມສະພາປົກຄອງສະມາພັນທະລັດສະວິດ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ມາຍັງ ພະນະທ່ານ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ພ້ອມກັນນັ້ນ, ຂ້າພະເຈົ້າ ກໍ່ຂໍສົ່ງຄຳອວຍພອນຈິງໃຈທີ່ສຸດ ມາຍັງພະນະທ່ານ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດທຸກປະການ ພ້ອມດ້ວຍປະເທດຂອງພະນະທ່ານ ຈົ່ງມີຄວາມຜາສຸກ ແລະ ຈະເລີນຮຸ່ງເຮືອງ.
ຍ້ອນມີການພັງທະລາຍອັນຫາຍານະ ຂອງ ເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍ ທີ່ແຂວງອັດຕະປື, ປະເທດ ຂອງ ພະນະທ່ານ ໄດ້ປະສົບກັບໄພພິບັດອັນໜ້າເສົ້າສະຫຼົດໃຈ. ຂ້າພະເຈົ້າ ເຊື່ອໝັ້ນວ່າ ປະເທດລາວ ຈະສາມາດຜ່ານຜ່າສິ່ງທ້າທາຍຕ່າງໆທີ່ຕາມມາ ແລະ ຫຼຸດພົ້ນອອກຈາກໄພພິບັດຄັ້ງນີ້ ກາຍເປັນຊາດທີ່ເຂັ້ມແຂງກວ່າເກົ່າ. ຂ້າພະເຈົ້າ ມີຄວາມຍິນດີ ທີ່ ປະເທດສະວິດ ໄດ້ໃຫ້ການຊ່ວຍເຫຼືອແກ່ ປະຊາຊົນລາວ ໃນເວລາທີ່ມີຄວາມຕ້ອງການ ໂດຍມີການປະກອບສ່ວນຜ່ານ ສະຫະພັນກາແດງສາກົນ ແລະ ສະມາຄົມສຽ້ວວົງເດືອນ.
ຂໍໃຫ້ພະນະທ່ານ ເຊື່ອໝັ້ນວ່າ ປະເທດສະວິດ ຈະສືບຕໍ່ຄວາມມຸ່ງໝັ້ນທີ່ຈະເສີມຂະຫຍາຍມິດຕະພາບ ແລະ ຄວາມໄວ້ເນື້ອເຊື່ອໃຈ ຊຶ່ງກັນ ແລະ ກັນ ກັບ ສປປ ລາວ ແລະ ຫວັງວ່າ ສາຍພົວພັນດັ່ງກ່າວນີ້ຈະສືບຕໍ່ແຕກດອກອອກຜົນ ໃນຊຸມປີຕໍ່ໜ້າ.
ດ້ວຍຄວາມນັບຖື,
ພະນະທ່ານ ອາແລງ ແບກເຊ
ປະທານາທິບໍດີ ແຫ່ງ ສະມາພັນທະລັດສະວິດ
ທີ່ ເບີນ, ວັນທີ 30 ພະຈິກ 2018