ພະນະທ່ານ ບຸນຍັງ ວໍລະຈິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ໃນນາມປະຊາຊົນສິງກະໂປ, ຂ້າພະເຈົ້າ ຂໍສົ່ງຄຳ​ຊົມ​ເຊີຍອັນອົບອຸ່ນ ເນື່ອງໃນໂອກາດ ວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ​.

ສິງກະໂປ ແລະ ລາວ ໄດ້ແບ່ງປັນນຳໃຈມິດຕະພາບອັນຍາວນານ ແລະ ອົບອຸ່ນ. ການຢ້ຽມຢາມທາງລັດຖະກິດທີ່ ສິງກະໂປ ຂອງ ພະນະທ່ານ ໃນເດືອນພຶດສະພາ 2018 ໄດ້ກາຍເປັນຫຼັກຖານໃນການຮ່ວມມືສອງຝ່າຍອັນແໜ້ນແຟ້ນຂອງ ສອງປະເທດພວກເຮົາ. ຂ້າພະເຈົ້າເຊື່ອໝັ້ນວ່າ ສາຍພົວພັນທີ່ດີງາມຂອງສອງປະເທດເຮົາ ຈະສືບຕໍ່ຂະຫຍາຍຕົວໃນຊຸມປີຕໍ່ໜ້າ. ພ້ອມກັນນັ້ນ, ຂ້າພະເຈົ້າຂໍສະແດງຄວາມຂອບໃຈ ທີ່ ລາວ ໄດ້ໃຫ້ການສະໜັບສະໜູນ ການເປັນປະທານ ອາຊຽນຂອງ ສິງກະໂປ ໃນປີນີ້. ສິງກະໂປ ໃຫ້ຄຳໝັ້ນສັນຍາວ່າ ຈະສືບຕໍ່ ເພີ່ມທະວີການເປັນຄູ່ຮ່ວມມືລະຫວ່າງ ສອງປະເທດທີ່ໃກ້ຊິດໃນຂອບສອງຝ່າຍ ແລະ ອາຊຽນເພື່ອຜົນປະໂຫຍດ ຂອງ ປະຊາຊົນ ທັງສອງຊາດ.

ຂ້າພະເຈົ້າຂໍອວຍພອນໄຊອັນປະເສີດມາຍັງ ພະນະທ່ານ ແລະ ຄອບຄົວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ.

ດ້ວຍ​ຄວາມເຄົາລົບ ແລະ ​ນັບ​ຖື​ຢ່າງ​ສູງ,

ຮາລິມາສ ຢາຄອບ

-----------------------------------------------------------------------------

ພະນະທ່ານ ທອງລຸນ ສີສຸລິດ,

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າ ຂໍສະແດງຄຳຊົມເຊີຍອັນອົບອຸ່ນມາຍັງ ພະນະທ່ານ    ແລະ ລັດຖະບານ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ​.

ໃນທ່າມກາງຄວາມຍິນດີຕໍ່ສາຍພົວພັນທີ່ອົບອຸ່ນ ແລະ ຍາວນານຂອງ ສິງກະໂປ ແລະ ສປປ ລາວ, ການພົວພັນສອງຝ່າຍໄດ້ຮັບການຂະຫຍາຍຕົວໃນຫຼາຍປີຜ່ານມາ ໂດຍສະເພາະແມ່ນໃນຂົງເຂດການຮ່ວມມືດ້ານວິຊາການ, ການພົວພັນຂອງພາກທຸລະກິດ ແລະ ການໄປມາຫາສູ່ກັນຂອງ ປະຊາຊົນສອງປະເທດ.

ຂ້າພະເຈົ້າຂໍຂອບໃຈອີກເທື່ອໜຶ່ງ ຕໍ່ການໃຫ້ການສະໜັບສະໜູນ ຢ່າງແຂງຂັນຂອງ ພະນະທ່ານໃຫ້ແກ່ການເປັນປະທານ ອາຊຽນ ຂອງ ສິງກະໂປ. ຂ້າພະເຈົ້າມີຄວາມຍິນດີທີ່ໄດ້ພົບກັບພະນະທ່ານໃນກອງປະຊຸມສຸດຍອດ ອາຊຽນ ຄັ້ງທີ 33 ບ່ອນທີ່ພວກເຮົາໄດ້ປຶກສາຫາລື ເພື່ອເຮັດແນວໃດ ໃຫ້ອາຊຽນກ້າວໄປໜ້າ ທ່າມກາງສະພາບມີການປ່ຽນແປງຢ່າງໄວວາ ແລະ ຢືນຢັນຄືນຄຳໝັ້ນໝາຍຂອງພວກເຮົາຕໍ່ການຈັດຕັ້ງປະຕິບັດ ວິໄສທັດ ປະຊາຄົມອາຊຽນ 2025.

ຂ້າພະເຈົ້າ ຫວັງຢ່າງຍິ່ງວ່າ ຈະສືບຕໍ່ຮ່ວມເຮັດວຽກກັບ ພະນະທ່ານເພື່ອການພົວພັນສອງຝ່າຍຂອງພວກເຮົາກ້າວເຂົ້າສູ່ລວງເລິກ ແລະ ເພື່ອສ້າງໃຫ້ ອາຊຽນມີຄວາມເປັນໜຶ່ງດຽວ, ເຂັ້ມແຂງ ແລະ ທັນສະໄໝຫຼາຍຂື້ນ.

ຂ້າພະເຈົ້າ ພ້ອມດ້ວຍພັນລະຍາ ຂໍອວຍພອນໄຊອັນປະເສີດມາຍັງ ພະນະທ່ານ ແລະ ພັນລະຍາ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ.

ດ້ວຍຄວາມເຄົາລົບ ແລະ ນັບຖືຢ່າງສູງ,

ລີ ຊຽນ ລຸງ

-----------------------------------------------------------------------------

ພະນະທ່ານ ສະເຫລີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະເຈົ້າ ຂໍສະແດງຄຳຊົມເຊີຍອັນອົບອຸ່ນເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ!

ລາວ ແລະ ສິງກະໂປເປັນປະເທດເພື່ອນມິດທີ່ເກົ່າແກ່ ແລະ ເປັນເພື່ອນບ້ານທີ່ໃກ້ຄຽງ. ການພົວພັນສອງຝ່າຍຂອງພວກເຮົາ ແມ່ນນັບມື້ນັບແຂງແກ່ນ ໃນຫລາຍປີທີ່ຜ່ານມາ. ການຢ້ຽມຢາມທາງລັດຖະກິດຢ່າງເປັນທາງການຂອງ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ ສິງກະໂປ ໃນເດືອນ ພຶດສະພາ 2018 ສະທ້ອນເຖິງສາຍພົວພັນອັນອົບອຸ່ນຂອງພວກເຮົາ. ຂ້າພະເຈົ້າຮູ້ສຶກພູມໃຈທີ່ໄດ້ພົບກັບ ພະນະທ່ານອີກຄັ້ງໜຶ່ງ ຢູ່ກອງປະຊຸມສຸດຍອດອາຊຽນ ຄັ້ງທີ 33 ແລະ ກອງປະຊຸມທີ່ກ່ຽວຂ້ອງອື່ນໆທີ່ຜ່ານມາ ຢູ່ ສິງກະໂປ. ຂອບໃຈຂອງ ພະນະທ່ານ ສຳລັບການສະໜັບສະໜູນຕໍ່ການເປັນປະທານອາຊຽນ ຂອງ ສິງກະໂປ ແລະ ຂໍ້ລິເລີ່ມຂອງພວກຂ້າພະເຈົ້າ ທີ່ຈະສ້າງໃຫ້ອາຊຽນເຂັ້ມແຂງ ແລະ ທັນສະໄໝ. ຂ້າພະເຈົ້າໝັ້ນໃຈວ່າ ສິງກະໂປ ແລະ ລາວ ຈະສືບຕໍ່ເຮັດວຽກຮ່ວມກັນຢ່າງໃກ້ຊິດນຳກັນ ເພື່ອຮັກສາຄວາມເປັນອັນໜຶ່ງດຽວ, ສັນຕິພາບ ແລະ ສະຖຽນລະພາບໃນພາກພື້ນ ແລະ ຄວາມກ້າວໜ້າຂອງ ປະຊາຊົນພວກເຮົາ.

ຂ້າພະເຈົ້າ ພ້ອມດ້ວຍພັນລະຍາ ຂໍອວຍພອນໄຊອັນປະເສີດມາຍັງ ພະນະທ່ານ ແລະ ພັນລະຍາ ຈົ່ງສືບຕໍ່ມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ.

ດ້ວຍຄວາມລົບ ແລະ ນັບຖືເປັນຢ່າງສູງ,

ດຣ. ວິວຽນ ບາລາກຣີສນານ