ນະຄອນຫຼວງວຽງຈັນ, ວັນທີ 27 ຕຸລາ 2018
ພະນະທ່ານ ເຣີເຊັບ ໄຕຢິບ ແອໂດກັນ
ປະທານາທິບໍດີ ແຫ່ງ ສາທາລະນະລັດ ຕວັກກີ
ທີ່ ອັງກາຣາ
ພະນະທ່ານ,
ເນື່ອງໃນໂອກາດວັນຊາດ ແຫ່ງ ສາທາລະນະລັດ ຕວັກກີ, ຕາງໜ້າໃຫ້ປະຊາຊົນແຫ່ງສປປລາວແລະໃນນາມສ່ວນຕົວ, ຂ້າພະເຈົ້າຮູ້ສຶກເປັນກຽດ ແລະ ປິຕິຍິນດີສົ່ງຄຳຊົມເຊີຍຢ່າງຈິງໃຈ ແລະພອນໄຊອັນປະເສີດມາຍັງພະນະທ່ານແລະປະຊາຊົນຕວັກກີທຸກຖ້ວນໜ້າ.
ຂ້າພະເຈົ້າ ເຊື່ອໝັ້ນວ່າດ້ວຍຄວາມພະຍາຍາມຮ່ວມກັນ ສາຍພົວພັນມິດຕະພາບ ແລະ ການຮ່ວມມືອັນດີທີ່ມີມາ ລະຫວ່າງສອງປະເທດພວກເຮົາ ຈະໄດ້ຮັບການສືບຕໍ່ຮັດແໜ້ນ ແລະ ເສີມຂະຫຍາຍຢ່າງບໍ່ຢຸດຢັ້ງໃນຊຸມປີຕໍ່ໜ້າ ເພື່ອຜົນປະໂຫຍດຂອງປະຊາຊົນສອງປະເທດພວກເຮົາ ກໍ່ຄືເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາຢູ່ໃນພາກພື້ນ ແລະ ໃນທົ່ວໂລກ.
ດ້ວຍຄວາມນັບຖືຢ່າງສູງ,
ບຸນຍັງ ວໍລະຈິດ
ປະທານປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ ເມລັດ ຄາວູໂຊລູ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ຕວັກກີ
ທີ່ ອັງກາຣາ
ພະນະທ່ານ,
ເນື່ອງໃນໂອກາດວັນຊາດແຫ່ງສາທາລະນະລັດ ຕວັກກີ, ຂ້າພະເຈົ້າ ຂໍຖືເປັນກຽດສົ່ງຄຳຊົມເຊີຍ ຢ່າງຈິງໃຈມາຍັງພະນະທ່ານ ແລະ ອວຍພອນໃຫ້ພະນະທ່ານ ຈົ່ງມີພະລານາໄມສົມບູນ ແລະ ປະສົບຜົນ ສຳເລັດທີ່ຍິ່ງໃຫຍ່ກວ່າເກົ່າໃນໜ້າທີ່ວຽກງານອັນສູງສົ່ງຂອງຕົນ.
ຂ້າພະເຈົ້າ ມີຄວາມປິຕິຍິນດີທີ່ເຫັນວ່າ ປີ 2018 ນີ້ ເປັນນິມິດໝາຍແຫ່ງການສ້າງຕັ້ງສາຍພົວພັນ ການທູດ ລະຫວ່າງ ສປປ ລາວ ແລະ ສາທາລະນະລັດ ຕວັກກີ ຄົບຮອບ 60 ປີ, ພິເສດແມ່ນສາທາລະນະລັດ ຕວັກກີ ໄດ້ສ້າງຕັ້ງສະຖານເອກອັກຄະລັດຖະທູດຂອງຕົນ ປະຈຳ ສປປ ລາວ ຢູ່ ນະຄອນຫຼວງວຽງຈັນ. ຂ້າພະເຈົ້າ ເຊື່ອໝັ້ນວ່າ ດ້ວຍຄວາມພະຍາຍາມຮ່ວມກັນເພີ່ມຂຶ້ນ ສາຍພົວພັນມິດຕະພາບ ແລະ ການຮ່ວມມື ອັນດີ, ທັງສອງຝ່າຍ ແລະ ຫຼາຍຝ່າຍ, ທີ່ມີມາແຕ່ຍາວນານລະຫວ່າງສອງປະເທດ ກໍ່ຄືລະຫວ່າງສອງ ກະຊວງພວກເຮົາ ຈະໄດ້ຮັບການສືບຕໍ່ຮັດແໜ້ນ ແລະ ແຕກດອກອອກຜົນຍິ່ງໆຂຶ້ນໃນຊຸມປີຕໍ່ໜ້າ ເພື່ອຜົນ ປະໂຫຍດຂອງປະຊາຊົນສອງຊາດພວກເຮົາ ກໍ່ຄືເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອ ການພັດທະນາແບບຍືນຍົງໃນພາກພື້ນ ແລະ ໃນໂລກ.
ດ້ວຍຄວາມນັບຖືຢ່າງສູງ,
ສະເຫຼີມໄຊ ກົມມະະສິດ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ