ນະ​ຄອນ​ຫຼວງວຽງ​ຈັນ, ວັນ​ທີ 11 ກັນຍາ 2018

ພະ​ນະ​ທ່ານ ຊິນໂຊ ອາເບະ

ນາຍົກລັດຖະມົນຕີ ແຫ່ງ ຍີ່​ປຸ່ນ

ທີ່ ນະ​ຄອນ​ຫຼວງໂຕ​ກຽວ

ພະ​ນະ​ທ່ານ,

ຂ້າ​ພະ​ເຈົ້າ ມີຄວາມ​ເສົ້າ​ສະ​ຫລົດ​ໃຈທີ່​ໄດ້​ຮັບ​ຊາບ​ຂ່າວ ເຫດການແຜ່ນດິນໄຫວ 6,7 ຣິກເຕີ ຢູ່ ແຂວງຮັອກໄກໂດ ພາກເໜືອຂອງ ຍີ່ປຸ່ນ ໃນ​ວັນ​ທີ 6 ກັນຍາ 2018, ເຊິ່ງໄດ້ສ້າງຄວາມເສຍຫາຍທາງດ້ານ​ຊີ​ວິດ, ຊັບ​ສິນ ແລະ ລະ​ບົບ​ພື້ນ​ຖານ​ໂຄງ​ລ່າງຢູ່​ເຂດ​ດັ່ງ​ກ່າວຢ່າງ​ໜັກ​ໜ່ວງ.

ຂ້າພະເຈົ້າ ໃນນາມສ່ວນຕົວ ກໍຄືລັດ​ຖະ​ບານແລະປະ​ຊາ​ຊົນ ແຫ່ງ ສ​າ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ສະ​ແດງ​ຄວາມ​ເຫັນ​ໃຈ ແລະ ຂໍແບ່ງ​ເບົາ​ຄວາມ​ທຸກ​ໂສກມາ​ຍັງ​ ພະ​ນະ​ທ່ານ ແລະ ຜ່ານ​ພະ​ນະ​ທ່ານໄປ​ຍັງ ​ລັດ​ຖະ​ບານ ກໍ​ຄືປະ​ຊາ​ຊົນ​ຍີ່​ປຸ່ນ ໂດຍ​ສະ​ເພາະ​ຜູ້​ທີ່ຖືກ​ເຄາະ​ຮ້າຍ ແລະ ຄອບ​ຄົວ​ຂອງ​ເຂົາ​ເຈົ້າຈາກ​ເຫດ​ການ​ໄພ​ພິ​ບັດ​ທາງ​ທຳ​ມະ​ຊາດ​ໃນ​ຄັ້ງ​ນີ້.

ຂ້າ​ພະ​ເຈົ້າ ​ເຊື່ອ​ໝັ້ນວ່າ, ພາຍ​ໃຕ້​ການຊີ້ນໍາຂອງພະນະທ່ານ ແລະ ດ້ວຍ​ມູນ​ເຊື້ອ​ແຫ່ງ​ຄວາມ​ສາ​ມັກ​ຄີເປັນຈິດໜຶ່ງໃຈດຽວກັນຂອງ​ປະ​ຊາ​ຊົນ​ຍີ່​ປຸ່ນ, ສະ​ພາບ​ຄວາມເສຍຫາຍຈາກໄພພິບັດດັ່ງ​ກ່າວ ​ຈະ​ໄດ້​ຮັບ​ການ​ຟື້ນ​ຟູ​ກັບ​ຄືນ​ສູ່​ສະ​ພາບ​ປົກ​ກະ​ຕິ​ໂດຍ​ໄວ.

ດ້ວຍ​ຄວາມ​ນັບ​ຖື​ຢ່າງ​ສູງ,

ທອງລຸນ ສີສຸລິດ

ນາຍົກລັດຖະມົນຕີ

ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ