ນະ​ຄອ​ນ​ຫຼວງວຽງ​ຈັນ, ວັນ​ທີ 04 ກັນຍາ 2018

ພະ​ນະ​ທ່ານ,

​​ຂ້າ​ພະ​ເຈົ້າ ເສຍໃຈເປັນຢ່າງຍິ່ງ ທີ່​​ຊາບ​ຂ່າວ​ເຫດເຂື່ອນເກັບນ້ຳຊົນລະປະທານ ສະວາຈອງ ແຕກພັງຢູ່ເມືອງແຢດາເຊ, ແຄ້ວນບາໂກ ຂອງມຽນມາ ໃນວັນທີ 29 ສິງຫາ 2018, ຊຶ່ງເປັນເຫດໃຫ້ເກີດນ້ຳຖ້ວມຢ່າງກະທັນຫັນ ແລະ ໄດ້ສ້າງຄວາມເສຍຫາຍໃນວົງກວ້າງ ຕໍ່ຊັບສິນ ແລະ ພື້ນທີ່ກະສິກຳ ຂອງປະຊາຊົນເປັນຈຳນວນຫຼວງຫຼາຍ. ປະຊາຊົນຫຼາຍສິບພັນຄົນ ຕ້ອງຍົກຍ້າຍຈາກຂົງເຂດດັ່ງກ່າວ.

ໃນ​ນາມ​ລັດ​ຖະ​ບານ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ ຂໍ​ສະ​ແດງ​ຄວາມເຫັນ​ໃຈ​ຢ່າງ​ສຸດ​ຊຶ້ງ​ມາ​ຍັງ ພະ​ນະ​ທ່ານ ແລະ ລັດ​ຖະ​ບານ ແຫ່ງ ສາ​ທາ​ລະ​ນະ​ລັດ ສະ​ຫະ​ພາບ ມຽນ​ມາ ກໍ​ຄື​ປະຊາຊົນ ​ຜູ້ທີ່ຖືກຜົນກະທົບຈາກ​ໄພພິບັດ​ທຳ​ມະ​ຊາດໃນຄັ້ງນີ້.

ພວກຂ້າ​ພະ​ເຈົ້າ ເຊື່ອ​ໝັ້ນ​ວ່າ ພາຍ​ໃຕ້​ການ​ນຳ​ພາ​ຂອງ ພະ​ນະ​ທ່ານ ສາທາລະນະລັດ ສະຫະພາບ ມຽນ​ມາ ​ຈະ​ສາ​ມາດ​ຜ່ານ​ຜ່າ​ຄວາມ​ຫ​ຍຸ້ງ​ຍາກ​ ແລະ ສິ່ງຖ້າທາຍໃນຄັ້ງນີ້ ແລະ ຟື້ນຟູ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ທີ່ຖືກຜົນກະທົບ ໃຫ້ກັບ​ຄືນ​ສູ່​ຄວາມ​ເປັນ​ປົກ​ກະ​ຕິ​ໂດຍ​ໄວ.

ດ້ວຍ​ຄວາມ​ນັບ​ຖື​ຢ່າງ​ສູງ,

ທອງ​ລຸນ ສີສຸລິດ

ພະນະ​ທ່ານ ນາງ ອອງ ຊານ ຊູ ຈີ

ທີ່ປຶກສາແຫ່ງລັດ

ແຫ່ງ ສາທາ​ລະນະ​ລັດ ສະຫະພາບ ມຽນມາ

ທີ່ ນະຄອນຫຼວງເນປິດໍ.