ນະ​ຄອນຫຼວງວຽງ​ຈັນ,ວັນ​ທີ 15 ສິງຫາ 2018

ພະ​ນ​ະ​ທ່ານໄຮໂກ ມາດ

​ລັດຖະມົນຕີກະຊວງການຕ່າງປະເທດ

ແຫ່ງ ສ​າ​ທາ​ລະ​ນະ​ລັດ ສະຫະພັນ ເຢຍລະມັນ

ທີ່ແບກແລງ

ພະ​ນະ​ທ່ານ,

ໃນນາມຕາງໜ້າໃຫ້ຄອບຄົວຜູ້ປະສົບໄພ ແລະ ໃນນາມສ່ວນຕົວ ຂ້າພະເຈົ້າຂໍສະແດງຄວາມຂອບໃຈຢ່າງຈິງໃຈມາຍັງ ພະນະທ່ານ ທີ່ໄດ້ສະແດງຄວາມເຫັນໃຈ ແລະໂສກເສົ້າສະຫຼົດໃຈ ຕໍ່ເຫດການໄພພິບັດນໍ້າຖ້ວມ ຢູ່ ເມືອງສະໜາມໄຊ, ແຂວງອັດຕະປື ທາງພາກໃຕ້ ຂອງ ສປປ ລາວ.

ຂ້າ​ພະ​ເຈົ້າ​ເຊື່ອໝັ້ນວ່າ ນໍ້າໃຈອັນເຫຼື້ອມໃສ ແລະ ຄວາມເຫັນອົກເຫັນໃຈ ຂອງພະນະທ່ານ ເຊິ່ງສ່ອງແສງເຖິງການພົວພັນຮ່ວມມືອັນດີ ລະຫວ່າງ ສອງປະເທດລາວ-ເຢຍລະມັນ ຈະເປັນກຳລັງໃຈອັນສຳຄັນໃຫ້ປະຊາຊົນລາວພວກເຮົາ ໃນການແກ້ໄຂໄພພິບັດອັນຮ້າຍແຮງດັ່ງກ່າວ ໃຫ້ຜ່ານພົ້ນໄປ ແລະ ຟື້ນຟູຊີວິດການເປັນຢູ່ຂອງປະຊາຊົນທີ່ຖືກຜົນກະທົບຄືນສູ່ສະພາບປົກກະຕິໂດຍໄວເທົ່າທີ່ເປັນໄປໄດ້.

                                                                   ດ້ວຍ​ຄວາມ​ນັບ​ຖື​ຢ່າງ​ສູງ,

                                                                                ສະເຫຼີມໄຊ ກົມມະສິດ

                                                                       ລັດ​ຖະ​​ມົນຕີກະຊວງການຕ່າງປະເທດ​

                                                              ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ