ນະຄອນຫຼວງວຽງຈັນ, ວັນທີ           ສິງຫາ 2018

ພະນະທ່ານ,

ໃນ​ນາມ​ປະຊາຊົນລາວທັງຊາດ ​ແລະ ໃນ​ນາມ​ສ່ວນ​ຕົວ, ຂ້າພະ​ເຈົ້າ​ ຂໍສະແດງຄວາມຊົມ​ເຊີຍ​ອັນ​ອົບ​ອຸ່ນແລະ ພອນ​ໄຊ​ອັນ​ປະ​ເສີດ​ມາ​ຍັງ ພະນະ​ທ່ານ ​ແລະ ​ປະຊາຊົນ​ສິງກະ​ໂປ ​ເພື່ອນ​ມິດທຸກ​ຖ້ວນໜ້າເນື່ອງ​ໃນ​ໂອກາດ​ວັນຊາດ ​ແຫ່ງ ສາທາລະນະ​ລັດ ສິງກະ​ໂປ ຄົບຮອບ 53 ປີ.

ຂ້າພະ​ເຈົ້າ ​ມີຄວາມປິຕິຍິນດີເປັນຢ່າງຍິ່ງ ທີ່ເຫັນວ່າສາຍ​ພົວພັນມິດຕະພາບ ທີ່ ຍາວນານແລະ ການ​ຮ່ວມມື​ຢ່າງໃກ້ຊິດ ລະຫວ່າງ ສອງ​ປະ​ເທດ​ພວກ​ເຮົາ ໄດ້ຮັບການເສີມຂະຫຍາຍໃຫ້ກວ້າງຂວາງຍິ່ງຂື້ນ ໃນຫຼາຍຂົງເຂດ, ເຫັນໄດ້ຈາກມີການແລກປ່ຽນການຢ້ຽມຢາມ ຄະນະຜູ້ແທນຂັ້ນສູງ ໃນລະດັບຕ່າງໆລວມທັງການຢ້ຽມຢາມລັດຖະກິດ ຂອງຂ້າພະເຈົ້າ ໃນຕົ້ນເດືອນ ພຶດສະພາ 2018 ຜ່ານມາ. ຂ້າພະເຈົ້າ ເຊື່ອໝັ້ນວ່າສາຍພົວພັນ ແລະ ການຮ່ວມມືທີ່ດີງາມດັ່ງກ່າວ ລະຫວ່າງ ສອງປະເທດພວກເຮົາ ຈະສືບຕໍ່ໄດ້ຮັບການຂະຫຍາຍຕົວຍິ່ງໆຂຶ້ນ ໃນຊຸມປີຕໍ່ໜ້າ.

          ຂ້າພະເຈົ້າ ຂໍຖືໂອກາດນີ້ ສະແດງຄວາມຂອບໃຈເປັນຢ່າງສູງ ມາຍັງ ພະນະທ່ານ, ລັດຖະບານກໍ່ຄື ປະຊາຊົນສິງກະໂປ ທີ່ໄດ້ໃຫ້ການຊ່ວຍເຫລືອອັນລ້ຳຄ່າແກ່ປະຊາຊົນລາວ ໂດຍສະເພາະແມ່ນຜູ້ປະສົບເຄາະຮ້າຍ ຈາກໄພທຳມະຊາດ ທີ່ ເມືອງສະໜາມໄຊ, ແຂວງອັດຕະປື.

ຂໍອວຍພອນໄຊອັນປະເສີດມາຍັງພະນະທ່ານ ຈົ່ງມີພະລານາໄມສົມບູນ ແລະ ປະສົບຜົນສຳເລັດໃນໜ້າທີ່ວຽກງານອັນມີກຽດສູງສົ່ງ ຂອງ ພະນະທ່ານ.

          ດ້ວຍຄວາມ​ເຄົາລົບ ​ແລະ ນັບຖືເປັນຢ່າງສູງ,

       ບຸນຍັງ ວໍລະຈິດ

ພະນະທ່ານ ນາງ ຮາລິມາສ ຢາຄອບ

ປະທານາທິບໍດີ ແຫ່ງ ສາທາລະນະລັດ ສິງກະໂປ

ທີ່ ສິງກະໂປ