ນອນຄອນຫລວງວຽງຈັນ, ວັນທີ         ສິງຫາ 2018

ພະນະທ່ານ

        ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້າສະຫລົດໃຈຢ່າງສຸດຊື້ງຕໍ່ເຫດການແຜ່ນດິນໄຫວຢ່າງຕໍ່ເນື່ອງ ຢູ່ພາກກາງ ແລະ ພາກໃຕ້ຂອງເກາະລົມບົກ, ປະເທດອິນໂດເນເຊຍ ໃນວັນທີ 29 ກໍລະກົດ ແລະ ວັນທີ 5 ສິງຫາ 2018 (ຕາມລຳດັບ) ທີ່ຜ່ານມາ, ເຊິ່ງໄດ້ສ້າງຄວາມເສຍຫາຍທາງດ້ານຊີວິດ ແລະ ຊັບສິນ ແກ່ ປະຊາຊົນ ອິນໂດເນເຊຍ ທີ່ດຳລົງຊີວິດ ຢູ່ໃນເຂດດັ່ງກ່າວ.

        ໃນນາມ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນໃຈ ແລະ ເສົ້າສະຫຼົດໃຈຢ່າງຍິ່ງ ມາຍັງພະນະທ່ານ, ລັດຖະບານອິນໂດເນເຊຍ, ແລະ ຜູ້ປະສົບເຄາະຮ້າຍ.

        ຂ້າພະເຈົ້າ ເຊື່ອໝັ້ນວ່າ ດ້ວຍຄວາມເອົາໃຈໃສ່ຂອງພະນະທ່ານ ແລະ ລັດຖະບານ ອິນໂດເນເຊຍ, ລັດຖະບານ ແລະ ປະຊາຊົນ ອິນໂດເນເຊຍ ຈະສາມາດຜ່ານຜ່າຄວາມຫຍຸ້ງຍາກທີ່ເກີດຂື້ນຈາກໄພພິບັດທາງທຳມະຊາດ ແລະ ຟື້ນຟູເຂດດັ່ງກ່າວນີ້ ໃຫ້ກັບຄືນສູ່ສະພາບປົກກະຕິໂດຍໄວ.

        ດ້ວຍຄວາມເຄົາລົບ ແລະ ນັບຖືຢ່າງສູງ

                                                                                                ທອງລຸນ ສີສຸລິດ

ພະນະທ່ານ ໂຈ​ໂກວີ​ໂດ​ໂດ

ປະ​ທາ​ນາ​ທິ​ບໍ​ດີ ແຫ່ງ ສາທາລະນະລັດ ອິນໂດເນເຊຍ

ຈາກາຕາ