ຮອງນາຍົກລັດຖະມົນຕີ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ແຊກບີ
ເບລເກຣດ, ວັນທີ 26 ກໍລະກົດ 2018
ພະນະທ່ານ,
ຕາງໜ້າກະຊວງການຕ່າງປະເທດແຫ່ງ ສາທາລະນະລັດ ແຊກບີ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເສຍໃຈຢ່າງສຸດຊຶ້ງ ຕໍ່ໂສກນາດຕະກໍາທີ່ເຮັດໃຫ້ມີຜູ້ຄົນສູນເສຍຊີວິດ ແລະ ຊັບສິນຈຳນວນຫລາຍ ຍ້ອນເກີດຈາກເຂື່ອນໄຟຟ້າ ເຊປຽນ - ເຊນ້ຳນ້ອຍແຕກ ເຮັດໃຫ້ເກີດໄພພິບັດນໍ້າຖ້ວມຢູ່ແຂວງອັດຕະປຶ ພາກໃຕ້ຂອງລາວ.
ຂ້າພະເຈົ້າຂໍສົ່ງຄວາມເຫັນອົກເຫັນໃຈຢ່າງຍິ່ງຂອງປະຊາຊົນແຊກບີ ມາຍັງບັນດາຄອບຄົວຂອງຜູ້ຖືກເຄາະຮ້າຍ ແລະ ຫວັງວ່າສະພາບຈະຄືນສູ່ປົກກະຕິໂດຍໄວ.
ເຖິງແມ່ນວ່າສອງປະເທດເຮົາມີທີ່ຕັ້ງພູມສາດຫ່າງໄກກັນກໍ່ຕາມ, ຂໍໃຫ້ ພະນະທ່ານ ເຊື່ອໝັ້ນວ່າ ແຊກບີ ເປັນເພື່ອນມິດທີ່ແທ້ຈິງ ແລະ ເປັນຄູ່ຮ່ວມມືທີ່ເຊື່ອຖືໄດ້.
ອີວິກາ ດາຊິກ
ພະນະທ່ານ ສະເຫຼີມໄຊ ກົມມະສິດ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ