ພະນະທ່ານ ມາເຊນ ອາມອນ ຕາໂນ

ລັດຖະມົນຕີຕ່າງປະເທດ ແຫ່ງ ສາທາລະນະລັດ ກົດດີວົວ

ອາບິດຈານ

ພະນະທ່ານ,

ໃນ​ນາມ​ລັດຖະບານ ແຫ່ງ ​ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າພະ​ເຈົ້າ ມີ​ຄວາມ​ຍິນດີ​ເປັນ​ຢ່າງ​ຍິ່ງ ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ​ແລະ ພອນໄຊອັນປະເສີດ ມາ​ຍັງ ພະນະ​ທ່ານ, ລັດຖະບານ ​ແລະ ປະຊາຊົນ ກົດ​ດີ​ວົວ ​ເນື່ອງໃນໂອກາດວັນຊາດ ແຫ່ງ ສາທາລະນະລັດ ກົດດີວົວ ຄົບຮອບ 57 ປີ.

ຂ້າພະ​ເຈົ້າ​ເຊື່ອ​ໝັ້ນວ່າ ສາຍ​ພົວພັນອັນ​ດີ ລະຫວ່າງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ​ແລະ ສາທາລະນະ​ລັດ ກົດ​ດີ​ວົວ ຈະ​ສືບ​ຕໍ່​ໄດ້​ຮັບ​ການພັດທະນາໃຫ້ກ້າວຂຶ້ນສູ່ລະດັບໃໝ່ ເພື່ອຜົນປະໂຫຍດຂອງສອງປະ ເທດພວກເຮົາ.

ຂ້າພະ​ເຈົ້າຂໍ​ຖື​ໂອກາດ​ນີ້​ ອວຍພອນມາຍັງ ພະນະ​ທ່ານ ຈົ່ງ​ມີ​ສຸຂະພາບ​ເຂັ້ມ​ແຂງ, ມີ​ຄວາມສຸກ ​ແລະ ປະສົບ​ຜົນສຳ​ເລັດ​​ໃນ​ໜ້າ​ທີ່​ອັນ​ມີ​ກຽດ​ຂອງພະນະ​ທ່ານ.

ດ້ວຍຄວາມ​ນັບຖືຢ່າງສູງ,

ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ, ວັນທີ 5 ສິງຫາ 2017