ພະນະທ່ານ ເດີມີຕຼີ ເມດເວຍເດບ,

ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ

ທີ່ ນະຄອນຫຼວງມົດສະກູ

ພະນະທ່ານ,

​ຂ້າພະ​ເຈົ້າ ​ໄດ້​ຮັບ​ຊາບ​ຂ່າວ​ດ້ວຍ​ຄວາມ​ໂສກເສົ້າຢ່າງໃຫຍ່ຫຼວງ ຕໍ່ເຫດການລົມ​ພະຍຸ ທີ່ໄດ້ພັດຜ່ານນະຄອນຫຼວງມົດສະກູ​, ໃນຕອນ​ແລງ ວັນ​ທີ 29 ພຶດສະພາ 2017, ອັນ​ໄດ້ເຮັດ​ໃຫ້​ປະ​ຊາ​ຊົນ​ຈຳນວນ​ໜຶ່ງສູນເສຍຊີວິດ ແລະ ໄດ້​ຮັບບາດ​ເຈັບ​​ຈຳນວນ​ຫລວງຫລາຍ.

​ໃນ​ນາມ​ລັດຖະບານ ​ແລະ ປະຊາຊົນ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ, ຂ້າພະ​ເຈົ້າ ຂໍ​ສະ​ແດງ​ຄວາມ​ເຫັນ​ໃຈ​ຢ່າງ​ສຸດ​ຊື້​ງ ແລະ ເສົ້າສະຫຼົດໃຈເປັນຢ່າງຍິ່ງ ມາ​ຍັງ ​ພະນາທ່ານ ແລະ ຜ່ານພະນະທ່ານ ໄປຍັງ ລັດຖະບານ ​ແລະ ປະຊາຊົນ ແຫ່ງ ສະຫະພັນ ຣັດເຊຍ, ໂດຍສະເພາະຕໍ່ຄອບຄົວ​ຜູ້​ທີ່​ປະສົບ​ເຄາະ​ຮ້າຍຈາກ​ໄພພິບັດທາງທໍາມະຊາດ​ ໃນ​ຄັ້ງ​ນີ້. ຂ້າພະເຈົ້າເຊື່ອຫມັ້ນວ່າ ພາຍໃຕ້ການນໍາພາຂອງ ພະນະທ່ານ ສະຖານະການດັ່ງກ່າວໃນຄັ້ງນີ້ ຈະກັບຄືນສູ່ສະພາບປົກກະຕິໂດຍໄວ.

ທອງລຸນ ສີສຸລິດ,

              ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ