ພະນະທ່ານ ເດີມີຕຣີ ເມດເວດເດບ,
ນາຍົກລັດຖະມົນຕີ ແຫ່ງ ສະຫະພັນຣັດເຊຍ
ທີ່ ນະຄອນຫຼວງ ມົດສະກູ
ພະນະທ່ານ ທີ່ນັບຖື,
ຂ້າພະເຈົ້າ ໄດ້ຊາບຂ່າວດ້ວຍຄວາມເສົ້າໂສກເປັນຢ່າງຍິ່ງ ກ່ຽວກັບອຸບັດຕິເຫດເຮືອບິນTU-154 ຂອງກອງທັບຣັດເຊຍຕົກຢູ່ເຂດທະເລດໍາ ໃນວັນທີ 25 ທັນວາ 2016, ເຊິ່ງເຮັດໃຫ້ມີການສູນເສຍຊີ ວິດຢ່າງຫລວງຫລາຍ.
ໃນນາມລັດຖະບານ ແຫ່ງ ສປປ ລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເສົ້າໂສກເສຍໃຈຢ່າງສຸດຊຶ້ງ ແລະ ຂໍແບ່ງເບົາຄວາມທຸກໂສກມາຍັງພະນະທ່ານ, ໂດຍຜ່ານພະນະທ່ານ ໄປຍັງລັດຖະບານ ແລະ ບັນດາຍາດຕິພີ່ນ້ອງຂອງຄອບຄົວຜູ້ເສຍຊີວິດຈາກເຫດການອຸປະຕິເຫດຄັ້ງນີ້.
ດ້ວຍຄວາມນັບຖືຢ່າງສູງ,
ທອງລຸນ ສີສຸລິດ
ນາຍົກລັດຖະມົນຕີ ແຫ່ງ ສປປ ລາວ