ພະນະທ່ານ ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫລວງວຽງຈັນ
ພະນະທ່ານ,
ຂ້າພະເຈົ້າ ຂໍສະແດງຄວາມຊົມເຊີຍອັນຈິງໃຈ ມາຍັງ ພະນະທ່ານ ເນື່ອງໃນໂອກາດວັນຊາດ, ຊຶ່ງເປັນວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ.
ສາຍພົວພັນ ລະຫວ່າງ ຣັດເຊຍ ແລະ ລາວ ແມ່ນມີມູນເຊື້ອມິດຕະພາບທີ່ມີມາແຕ່ດົນນານ. ພວກຂ້າພະເຈົ້າ ຕີລາຄາສູງຕໍ່ການປະກອບສ່ວນຂອງຝ່າຍລາວ ໃນການເສີມຂະຫຍາຍການເປັນຄູ່ຮ່ວມເຈລະຈາ ລະຫວ່າງ ປະເທດຂອງຂ້າພະເຈົ້າ ແລະ ປະຊາຄົມປະຊາຊາດອາຊີຕາເວັນອອກສຽງໃຕ້.
ຂ້າພະເຈົ້າ ເຊື່ອວ່າ ການພັດທະນາການຮ່ວມມືສອງຝ່າຍຢ່າງສ້າງສັນ ແລະ ການຕອບສະໜອງຢ່າງວ່ອງໄວຕໍ່ການແກ້ໄຂບັນຫາສາກົນ ແມ່ນຈະນຳຜົນປະໂຫຍດລວມມາສູ່ພວກເຮົາ ແລະ ຖືກຕາມເປົ້າໝາຍໃນການເພີ່ມທະວີດ້ານສະຖຽນລະພາບ ແລະ ຄວາມໝັ້ນຄົງ ໃນເຂດພາກພື້ນອາຊີ - ປາຊີຟິກ.
ຂ້າພະເຈົ້າ ຂໍອວຍພອນໄຊໃຫ້ ພະນະທ່ານ ມີສຸຂະພາບເຂັ້ມແຂງ ແລະ ປະສົບຜົນສຳເລັດ, ພ້ອມທັງອວຍພອນໃຫ້ປະຊາຊົນລາວ ຈົ່ງມີຄວາມຜາສຸກ ແລະ ວັດທະນາຖາວອນ.
ດ້ວຍຄວາມນັບຖືຢ່າງສູງ.
ວຼາດີເມຽ ປູຕິນ
ພະນະທ່ານທອງລຸນ ສີສຸລິດ
ນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫລວງວຽງຈັນ
ພະນະທ່ານ,
ຂ້າພະເຈົ້າ ຂໍສະແດງຄວາມຊົມເຊີຍມາຍັງ ພະນະທ່ານ ເນື່ອງໃນໂອກາດວັນຊາດ, ຊຶ່ງເປັນວັນສະຖາປະນາ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ສາຍພົວພັນ ຣັດເຊຍ-ລາວ ມີຂຶ້ນບົນພື້ນຖານຫຼັກການແຫ່ງມິດຕະພາບ, ຄວາມໄວ້ເນື້ອເຊື່ອໃຈຊຶ່ງກັນແລະກັນ ແລະ ການເປັນຄູ່ຮ່ວມມືທີ່ໄດ້ຮັບການພັດທະນາເປັນກ້າວໆມາ. ຂ້າພະເຈົ້າ ເຊື່ອວ່າ ການເສີມຂະຫຍາຍການຮ່ວມມືທາງດ້ານເສດຖະກິດ, ການຄ້າ ແລະ ການລົງທຶນ, ການຈັດຕັ້ງປະຕິບັດບັນດາໂຄງການທີ່ໄດ້ສັນຍາຮ່ວມກັນ ໃນຂະແໜງອຸດສາຫະກຳ, ພື້ນຖານໂຄງລ່າງ, ວິທະຍາສາດ ແລະ ວັດທະນະທຳ ນຳເອົາຜົນປະໂຫຍດຢ່າງຫຼວງຫຼາຍມາສູ່ສອງປະເທດພວກເຮົາ.
ຂ້າພະເຈົ້າຂໍອວຍພອນໄຊໃຫ້ ພະນະທ່ານຈົ່ງມີສຸຂະພາບເຂັ້ມແຂງແລະ ປະສົບຜົນສຳເລັດໃນໜ້າທີ່ຄວາມຮັບຜິດຊອບວຽກງານຂອງພະນະທ່ານ, ພ້ອມທັງອວຍພອນໃຫ້ປະຊາຊົນລາວ ຈົ່ງມີຄວາມຜາສຸກ ແລະ ວັດທະນາຖາວອນ.
ດ້ວຍຄວາມນັບຖືຢ່າງສູງ.
ດີມີຕຼີ ເມດເວດເດັບ