ໃນວັນທີ 12 ມັງກອນ 2018, ສະຖານເອກອັກຄະລັດຖະທູດ ນຳໂດຍທ່ານ ຄອນເພັງ ທຳມະວົງ, ເອກອັກຄະລັດຖະທູດ ແຫ່ງ ສປປ ລາວ ປະຈຳ ສິງກະໂປ ໄດ້ນຳພາພະນັກງານສະຖານທູດ ເຂົ້າຮ່ວມພິທີເປີດການເປັນປະທານອາຊຽນຂອງ ສິງກະໂປ ປະຈຳປີ 2018 ຮ່ວມກັບບັນດເອກອັກຄະລັດຖະທູດ ຂອງ ສະຖານເອກອັກຄະລັດຖະທູດ ປະເທດສະມາຊິກອາຊຽນ, ເຊິ່ງຈັດໂດຍກະຊວງການຕ່າງປະເທດສິງກະໂປ, ແຕ່ວັນທີ 12 – 14 ມັງກອນ 2018 ຂຶ້ນທີ່ສວນສາທາລະນະ Bishan, ໂດຍການເປັນປະທານ ແລະ ໃຫ້ກຽດເຂົ້າຮ່ວມຂອງ ທ່ານ Lee Hsien Loong, ນາຍົກລັດຖະມົນຕີ ແລະ ຄະນະລັດຖະບານສິກະໂປ.
ໃນງານດັ່ງກ່າວ, ສະຖານທູດປະເທດສະມາຊິກອາຊຽນ, ໄດ້ເປີດຮ້ານວາງສະແດງເຄື່ອງຫັດຖະກຳ, ໂຄສະນາສິນຄ້າ, ວັດທະນະທຳການທ່ອງທ່ຽວ ແລະ ອາຫານປະຈຳຊາດຂອງຕົນ ໃຫ້ປະຊາຊົນສິງກະໂປ ເຂົ້າຊົມ, ຊີມອາຫານ ແລະ ອື່ນໆ ເພື່ອສ້າງຄວາມເຂົ້າໃຈ ສາມັກຄີ ແລະ ແລກປ່ຽນວັດທະນະທຳ ແລະ ຄວາມພ້ອມການເປັນເຈົ້າພາບປະທານອາຊຽນຂອງສິງກະໂປ ປະຈຳປີ 2018.
ໃນງານວາງສະແດງ, ສະຖານທູດ ສປປ ລາວ ໄດ້ປະກອບສ່ວນນຳເອົາເຄື່ອງຫັດຖະກຳລາວ, ອາຫານລາວ, ຜະລິດຕະພັນກາເຟລາວ ແລະ ເອກະສານການທ່ອງທ່ຽວ ໄປຈັດວາງສະແດງຢູ່ໃນງານດັ່ງກ່າວ.