ໃນວັນທີ 04 ສິງຫາ 2017 ທີ່ຜ່ານມາ, ຊາວໜຸ່ມ ກົມການຂ່າວ ແລະ ຊາວໜຸ່ມ ສະຖາບັນການຕ່າງປະເທດ, ກະຊວງການຕ່າງປະເທດ, ໄດ້ສ້າງກິດຈະກຳກິລາບານເຕະມິດຕະພາບຮ່ວມກັນຂຶ້ນ,​ ທີ່ ເດີ່ນເຕະບານ ໂຮງຮຽນ ວຽງຈັນ-ຮ່າໂນ້ຍ, ນະຄອນຫລວງວຽງຈັນ, ເພື່ອສ້າງຄວາມສາມັກຄີພາຍໃນ ລະຫວ່າງ ບັນດາອ້າຍນ້ອງຊາວໜຸ່ມຈາກ ກົມການຂ່າວ ແລະ ສະຖາບັນການຕ່າງປະເທດ ກໍຄື ຊາວໜຸ່ມກະຊວງການຕ່າງປະເທດ ໃຫ້ແໜ້ນແຟ້ນຍິ່ງຂຶ້ນກວ່າເກົ່າ ແລະ ກໍເປັນການອອກກຳລັງກາຍເພື່ອສຸຂະພາບ ອີກດ້ວຍ.

ການແຂ່ງຂັນດັ່ງກ່າວ ແມ່ນເຕັມໄປດ້ວຍບັນຍາກາດອັນຝົດຟື້ນມ່ວນຊື່ນ, ຊຶ່ງຜົນການແຂ່ງຂັນປະກົດວ່າ ຊາວໜຸ່ມ ກົມການຂ່າວ ສາມາດເອົາຊະນະ ຊາວໜຸ່ມ ສະຖາບັນການຕ່າງປະເທດ ໄດ້ 10-8 ປະຕູ.