ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຂ່າວອື່ນໆ

ລັດຖະບານຈີນ ສະໜັບສະໜູນ ພາຫະນະ-ອຸປະກອນຮັບໃຊ້ ໃຫ້ລັດຖະບານລາວ

ລັດຖະບານ​ແຫ່ງ ສປ ຈີນ​ ໄດ້​ສະໜັບສະໜູນ​ ພາຫະ​ນະ ​ແລະ ອຸປະກອນ​ຈໍານວນໜຶ່ງ ​​ໃຫ້​​ແກ່ລັດຖະບານ​ແຫ່ງ ສປປ ລາວ ​ເພື່ອ​ນໍາ​ໃຊ້​ເຂົ້າ ​ໃນ​ການ​ສໍາ​ຫລວດ ​ພົນລະ​ເມືອງ ​ແລະ ທີ່ຢູ່​ອາ​ໄສ​ຄັ້ງ​ທີ IV ປະກອບ​ມີ: ລົດ​ໃຫຍ່ ຈໍານວນ 22 ຄັນ, ລົດຈັກ 306 ຄັນ, ຈັກ​ອັດ​ເອກະສານ 141 ​ເຄື່ອງ, ຄອມ​ພີ​ວ​ເຕີ​ໂນ​ດ ບຸກ 180 ​ເຄື່ອງ, ​ເຄື່ອງພິມ 180 ​ເຄື່ອງ, ​ເຊີ​ເວີ 6 ​ເຄື່ອງ ​ແລະ ​ເຄື່ອງ​ຈົດ​ບັນທຶກ​ພາກ​ສະໜາມ ​ຈໍານວນ 200 ​ເຄື່ອງ, ລວມມູນ​ຄ່າ​ທັງ​ໝົດ 10 ລ້ານ​ຢວນ (ສະກຸນ​ເງິນ​ຈີນ).

ພິທີ​ມອບ​-ຮັບ​ເຄື່ອງດັ່ງກ່າວ ​ໄດ້​ຈັດ​ຂຶ້ນ​ໃນ​ວັນ​ທີ 20 ມີນາ 2015, ຢູ່​ຫ້ອງ​ວ່າການ​ລັດຖະບານ​​ ໃຫ້​ກຽດ​ຕາງ​ໜ້າ​ລັດຖະບານ ສປ ຈີນ​ ມອບ​ໂດຍ​ທ່ານ ກ່ວນ ຮົວ ປິງ, ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອໍານາດ​ເຕັມ ​ແຫ່ງ ສປ ຈີນ ປະ​ຈໍາ ສປປ ລາວ ​ແລະ ​ ​​ໃຫ້​ກຽດຕາງໜ້າ​ລັດຖະບານ​ ສປປ ລາວ ​ຮັບ​ໂດຍ ​ທ່ານ ດຣ. ບຸນ​ປອນ ບຸດ​ຕະນະ​ວົງ, ຮອງ​ນາຍົກລັດຖະມົນຕີ, ຜູ້​ຊີ້​ນໍາ​ວຽກ​ງານ​ເສດຖະກິດ​ມະຫາ​ພາກ ​ແລະ ບໍລິການ ທັງ​ເປັນຫົວໜ້າ​ຄະນະ​ຊີ້​ນໍາ​ການ​​ສໍາ​ຫລວດ​ພົນລະ​ເມືອງ ​ແລະ ທີ່ຢູ່​ອາ​ໄສ​ຄັ້ງ​ທີ IV , ມີ​ບັນດາ​ຫົວໜ້າ​ກົມ ​ແລະ ພະນັກງານ​ທີ່​ກ່ຽວຂ້ອງ​ຂອງ​ທັງ​ສອງ​ຝ່າຍ​ ເຂົ້າ​ຮ່ວມ.

ລາວ-ມຽນມາ ເພີ່ມທະວີການຮ່ວມມື ຄວບຄຸມຢາເສບຕິດ

ສປປ ລາວ ​ແລະ ມຽນມາ ​ໄດ້​ເພີ່ມ​ທະວີ​ການ​ຮ່ວມ​ມື​ ດ້ານ​ການ​ຄວບ​ຄຸມ​ຢາ​ເສບ​ຕິດ ​ໂດຍ​ທັງ​ສອງ​ຝ່າຍ​ ໄດ້​ຖອດ​ຖອນ​ບົດຮຽນ​ຮ່ວມ​ກັນ​ ເພື່ອ​ນຳ​ໄປ​ຈັດຕັ້ງ ປະຕິບັດ ​ເວົ້າສະ​ເພາະ​ ກໍ​ຄື ​ແຜນກາ​ນສະກັດ​ກັ້ນ ​ແລະ ​ແກ້​ໄຂ​ບັນຫາ​ຢາ​ເສບ​ຕິດ​ ຂອງ​ສອງ​ປະ​ເທດ​ຢ່າງ​ຈິງ​ຈັງ ​ໂດຍ​ເນັ້ນ​ໃສ່​ຮ່ວມ​ກັນຊອກ​ຫາ​ວິທີ ​ແລະ ມາດ​ຕະການ​ອັນ​ເໝາະ​ສົມ ​ເຮັດ​ໃຫ້ການ​ຮ່ວມ​ມື​ສະກັດ​ກັ້ນ ​ແລະ ​ແກ້​ໄຂ​ບັນຫາ​ຢາ​ເສບ​ຕິດ​ ລະຫວ່າງ​ ສອງ​ປະ​ເທດ​ໃຫ້​ໄດ້​ຮັບ​ຜົນ​ດີ​ຍິ່ງ​ຂຶ້ນ.

ກອງ​ປະຊຸມ​ສອງ​ຝ່າຍ ລ​າວ-ມຽນມາ​ ວ່າ​ດ້ວຍ​ການ​ຮ່ວມ​ມື ເພື່ອ​ຄວບ​ຄຸມ​ຢາ​ເສບ​ຕິດ​ຄັ້ງທີ V ​ໄດ້​ຈັດ​ຂຶ້ນ​ແຕ່​ວັນ​ທີ 11-12 ​ມີນາ 2015 ທີ່​​ນະຄອນຫລວງ​ວຽງ​ຈັນ ​ໂດຍ​ມີ ທ່ານ ກຸ ຈັນ​ສີນາ, ປະທານ​ຄະນະ​ ກຳມະການ​ແຫ່ງ​ຊາດ ​ເພື່ອ​ກວດກາ ​ແລະ​ ຄວບ​ຄຸມ​ຢາ​ເສບ​ຕິດ ​ແລະ ທ່ານ ພົນ​ຈັດຕະວາ ຈໍ ຈໍ ທູນ (Kyaw Kyaw Tun), ລັດຖະມົນຕີ​ຊ່ວຍ​ວ່າການ​ກະຊວງ​ພາຍ​ໃນ​ຂອງ​ ສສ.ມຽນມາ ພ້ອມ​ດ້ວຍ​ຄະນະ​ຜູ້​ແທນທັງ​ສອງ​ຝ່າຍ ​ເຂົ້າຮ່ວມ. ​ໃນ​ໂອ​ກາດ​ນີ້ ທ່ານ ກຸ ຈັນ​ສີນາ ​ໄດ້​ຍົກ​ໃຫ້​ເຫັນ​ຄວາມ​ສຳຄັນ​ຂອງ​ກອງ​ປະຊຸມ​ຄັ້ງນີ້ ທີ່​ໄດ້​ທົບ​ທວນຄືນ​ຜົນສຳ​ເລັດ, ຂໍ້ຄົງຄ້າງ ​ແລະ ບົດຮຽນ​ທີ່​ຖອດ​ຖອນ​ໄດ້​ຈາກ​ການ​ຈັດຕັ້ງ ປະຕິບັດ​ບົດ​ບັນທຶກ​ກອງ​ປະຊຸມ​ຄັ້ງທີ IV ທີ່​ຜ່ານ​ມາ ພ້ອມ​ທັງ​ຮ່ວມ​ກັນ​ວາງ​ທິດ​ທາງ​ແຜນການ​ ເພື່ອ​ເປັນ​ບ່ອນ​ອີງ​ໃຫ້​ແກ່​ການ​ພົວພັນ​ຮ່ວມ​ມື​ ແກ້​ໄຂ​ບັນຫາ​ຢາ​ເສບ​ຕິດ​ໃນຊຸມ​ປີ​ຕໍ່ໜ້າ ​ລະຫວ່າງ ລາວ-ມຽນມາ​ ໃຫ້​ໄດ້​ຮັບ​ຜົນສຳ​ເລັດ​ດີ​ຍິ່ງ​ຂຶ້ນ. ໄລຍະຜ່ານມາ ​ເພື່ອ​ປະກອບສ່ວນ​ເຮັດ​ໃຫ້​ຄາດໝາຍ​ສູ້​ຊົນ “ອາ​ຊຽນປອດ​ຢາ​ເສບ​ຕິດ​ພາຍ​ໃນ​ປີ 2015”​ ໃຫ້​ບັນລຸ​ຜົນ​ເປັນ​ຈິງ​ນັ້ນ, ລັດຖະບານ​ແຫ່ງ ສປປ ລາວ​ ໄດ້​ເອົາ​ໃຈ​ໃສ່​ດ້ວຍ​ຄວາມ​ຮັບຜິດຊອບ​ສູງ​ ​ໃນ​ການ​ຈຳກັດ, ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ພ້ອມ ​ທັງ​ໄດ້​ເນັ້ນ​ໃຫ້​ທ້ອງ​ຖິ່ນ​ຕ່າງໆ​ເພີ່ມ​ຄວາມ​ເອົາ​ໃຈ​ໃສ່​ສະກັດ​ກັ້ນ ​ແລະ ​ແກ້​ໄຂ​ບັນຫາ​ຢາ​ເສບ​ຕິດ​ຢ່າງ​ຈິງ​ຈັງ. ນອກ​ນີ້,​ ຍັງ​ໄດ້​ດຳ​ເນີນ​ການ​ສຶກສາ​ອົບຮົມ ​ແລະ ​ໂຄສະນາ​ເຜີຍ​ແຜ່ ​ເພື່ອ​ປູກ​ຈິດ​ສຳນຶກ​ໃຫ້​ຄົນ​ໃນ​ທົ່ວສັງຄົມ​ໄດ້​ຮັບ​ຮູ້ ​ແລະ ​ເຂົ້າ​ໃຈ​ລະບຽບ​ກົດໝາຍ ​ແລະ ຜົນ​ຮ້າຍ​ຂອງ​ຢາ​ເສບ​ຕິດ​ໃນ​ຫລາຍ​ຮູບ​ການ. ຄຽງ​ຄູ່​ກັນນັ້ນ ກໍ​ໄດ້​ເອົາ​ໃຈ​ໃສ່​ບຳບັດ​ປິ່ນປົວ​ຜູ້​ຕິດ​ຢາ​ເສບ​ຕິດ​ຢູ່​ຕາມ​ສູນ​ຕ່າງໆ ​ແລະ ລົງທຶນ​ຈັດຕັ້ງປະຕິບັດໂຄງການຫັນ​ເອົາ​ປະຊາຊົນ​ໄປ​ປະກອບ​ອາຊີບ​ອື່ນ​ແທນ​ການ​ປູກ​ຝິ່ນ. ສ່ວນ​ເຈົ້າໜ້າ​ທີ່​ຕຳຫລວດ ​ແລະ ພາກສ່ວນ ​ທີ່​ກ່ຽວ​ຂ້ອງ​ກໍໄດ້​ປະຕິບັດ​ໜ້າ​ທີ່​ດ້ວຍ​ຄວາມ​ຮັບຜິດຊອບ​ສູງ ​ເຊິ່ງ​ໄດ້​ສະ​ແດງ​ອອກ​ໃນ​ກາ​ນຢຶດຂອງ​ກາງ​ຢາ​ເສບ​ຕິດ, ການມ້າງ​ຄະດີ ​ແລະ ​ຈັບ​ກຸມ​ຜູ້​ຕ້ອງ​ຫາ​ທີ່​ພົວພັນ​ກັບ​ຢາ​ເສບ​ຕິດ.

ເອດີບີ ຈະສະໜັບສະໜູນ ເງິນກູ້ດອດເບ້ຍຕ່ຳ ໃຫ້ແກ່ລາວ 116 ລ້ານກວ່າ ໂດລາສະຫະລັດ

ທະນາຄານ​ ພັດທະນາ​ອາຊີ ຫລື​ເອດີ​ບີ (ADB) ຈະ​ສະໜັບສະໜູນ ​ເງິນ​ກູ້​ດອກ​ເບ້ຍ​ຕໍ່າ ​ຈາກ​ກອງ​ທຶນ​ພັດທະນາ​ອາຊີ​ ມູນຄ່າ 116,6 ລ້ານ​ໂດ​ລາ​ສະຫະລັດ​ ໃຫ້​ແກ່ ສປປ ລາວ ສຳລັບ​ປີ 2015 ​ແລະ 2016 ​ເຂົ້າ​ໃນ​ການ​ສ້າງ​ຄວາມ​ເຂັ້ມ​ແຂງ​ ໃນຂະ​ແໜງ​ການ​ສຶກສາ, ການ​ພັດທະນາ​ ແລວ​ທາງ​ເສດຖະກິດ, ​ເພີ່ມ​ທະວີ​ການ​ຄຸ້ມ​ຄອງ ຂະ​ແໜງ​ຂົນ​ສົ່ງ ​ແລະ ປັບປຸງ​ຂອດ​ການ​ບໍລິການ​ ດ້ານ​ສາທາລະນະ​ສຸກ ​ໃຫ້​ດີ​ຍິ່ງ​ຂຶ້ນ.

ໃນ​ວັນ​ທີ 12 ມີນາ 2015 ນີ້, ທ່ານ ທາ​ເຄຮີ​ໂກະ ນາ​ກາ​ໂອະ, ປະທານ​ທະນາຄານ ​ພັດທະນາ​ອາຊີ ​ໄດ້​ກ່າວ​ຢືນຢັນ​ຈະ​ສືບ​ຕໍ່ ການ​ສະໜັບສະໜູນ​ແກ່ ສປປ ລາວ​​ ເພື່ອ​ຮັກສາ​ການ​ຂະຫຍາຍຕົວ​ ທາງ​ດ້ານ​ເສດຖະກິດ​ຢ່າງ​​ເຂັ້ມ​ແຂງ ພ້ອມ​ທັງ​ເນັ້ນ​ໃສ່​ການ​ປັບປຸງ​ ສະພາບ​ແວດ​ລ້ອມ​ທາງ​ທຸລະ​ກິດ ຈະ​ຊ່ວຍ​ສະໜັບສະໜູນ​ ການ​ຂະຫຍາຍຕົວ​ ຂອງ​ການ​ມີ​ສ່ວນ​ຮ່ວມ ​ລະຫວ່າງ ​ພາກ​ລັດ ​ແລະ ​ເອກະ​ຊົນ ທີ່​ເປັນ​ປັດ​​ໄຈ​ຫລັກ​ໃນ​ການ​ສະໜອງ​ທຶນ ​ແລະ ຄວາມ​ອາດ​ສາມາດ​ເຂົ້າ​ໃນ​ການ​ພັດທະນາ​ ພື້ນຖານ​ໂຄງ​ລ່າງ​ທີ່​ຈຳ​ເປັນ ​ເປັນຕົ້ນ: ​ເສັ້ນທາງ, ສະໜາມ​ບິນ ​ແລະ ການ​ບໍລິການ​ເທສະບານ. ນອກ​ນີ້​ຍັງ​ໄດ້​ເຫັນ​ຄວາມ​ພະຍາຍາມ​ຂອງ​ລັດຖະບານ ​ໃນ​ການ​ສ້າງຂອບ​ນະ​ໂຍບາຍ ​ແລະ ກົດໝາຍ​ທີ່​ຊັດ​ເຈນ​ສຳລັບ​ການ​ມີ​ສ່ວນ​ຮ່ວມ​ ລະຫວ່າງ ​ພາກ​ລັດ ​ແລະ ​ເອກະ​ຊົນ. ພ້ອມນີ້ ​ເອດີ​ບີ ​ຍັງ​ໄດ້​ສະໜອງ​ທຶນ​ກູ້​ຢືມ​ ມູນ​ຄ່າ 35 ລ້ານ​ໂດ​ລາ​ສະຫະລັດ ​ເພື່ອ​ນຳ​ໃຊ້​ເຂົ້າ​ໃນ​ການ​ປັບປຸງ​ລະບົບ​ຂົນ​ສົ່ງ​ສາທາລະນະ​ໃ ນ​ນະຄອນຫລວງ​ວຽງ​ຈັນ ​ເພື່ອ​ແກ້​ໄຂ​ຄວາມ​ຫຍຸ້ງ​ຍາ​ກທີ່​ເກີດ​ຈາກ​ການ​ຂະຫຍາຍຕົວ​ໄວ​ຂອງ​ຕົວ​ເມືອງ ​ເມື່ອ​ທຽບ​ກັບ​ພື້ນຖານ​ໂຄງ​ລ່າງ ​ແລະ ການບໍ​ລິການສາມາດ​ ແກ້​ໄຂ​ໄດ້​​ໂດຍ​ການ​ສ້າງ​ຜັງ​ເມືອງ ​ແລະ ການ​ບໍລິຫານ​ທີ່​ດິນ​ໃຫ້​ໄດ້​ດີກ​ວ່າ​ເກົ່າ​ ໄປ​ພ້ອມ​ໆກັບ​ການ​ມີ​ສ່ວນ​ຮ່ວມ​ ຂອງ​ພາກ​ເອກະ​ຊົນ​ ໃຫ້​ຫລາຍ​ຂຶ້ນ​ ໃນ​ການ​ສະໜອງ​ພື້ນຖານ​ ໂຄງ​ລ່າງ​ຢູ່ເຂດ​ຕົວ​ເມືອງ.

ການ​ຊ່ວຍ​ເຫລືອ​ຂອງ​ເອດີ​ບີ ​ໃຫ້​ແກ່ ສປປ ລາວ ​ໄລຍະ​ຜ່ານ​ມາ ​ແມ່ນ​ໄດ້​ສຸມ​ໃສ່​ຂະ​ແໜງ​ພະລັງງານ ​ໂດຍ​ຜ່ານ​ການ​ສະໜອງ​ທຶນ​ ໃຫ້​ແກ່​ບັນດາ​ໂຄງການ ​ພະລັງງານ​ໄຟຟ້າ​ຂະໜາດ​ໃຫຍ່ ​ໂດຍ​ສະ​ເພາະ​ ໂຄງການ​ພະລັງງານ​ໄຟຟ້າ​ ນ້ຳ​ເທີນ 2 ​ແລະ ນ້ຳງຽບ 1 ສຳລັບ​ຂະ​ແໜງການ​ບຸລິມະສິດ​ອື່ນໆ​ທີ່​ ເອດີ​ບີ ໃຫ້ການ ​ຊ່ວຍ​ເຫລືອ​ລວມມີ​ໂຄງການ​ປັບປຸງ​ຄຸນ​ນະພາ​ບພື້ນ​ຖານ​ໂຄງ​ລ່າງ​ກະສິກຳ ​ແລະ ​ເສັ້ນທາງ​ຊົນນະບົດ, ປັບປຸງ​ພື້ນຖານ​ໂຄງ​ລ່າງ​ທີ່​ຕິດ​ພັນ​ກັບ​ການທ່ອງທ່ຽວ ​ແລະ ການ​ຄຸ້ມ​ຄອງ, ການ​ຂະຫຍາຍ​ການ​ເຂົ້າ​ເຖິງ​ນ້ຳສະອາດ, ​ພື້ນຖານ​ໂຄງ​ລ່າງ ​ແລະ ການ​ບໍລິການ​ໃນ​ຕົວ​ເມືອງ, ການ​ຍົກ​ລະດັບ​ການ​ເ​ຂົ້າ​ເຖິງ ການ​ບໍລິການ​ດ້ານ​ສາທາລະນະ​ສຸກ ​ໂດຍ​ການ​ສ້າງ ​ແລະ ບູູລະນະ​ໂຮງໝໍ​ເມືອງ, ​ໂຮງໝໍ ​ແຂວງ ​ແລະ ​ໃຫ້ການ​ຊ່ວຍ​ເຫລືອ ​ແກ່​ບັນດາ​ທຸລະ​ກິດ​ຂະໜາດ​ນ້ອຍ.

ແຈ້ງການ

 

* ປະ​ທານ​ປະ​ເທດ ແຫ່ງ ສສ ຫວຽດນາມ ຈະເດີນທາງມາຢ້ຽມລັດຖະກິດ ທີ່ ສປປ ລາວ ແຕ່​ວັນ​ທີ 11-12 ກໍລະກົດ 2024 (08 ກໍລະກົດ 2024)

   

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (22 ກຸມພາ 2024)

  

*ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
505401
ມື້ນີ້234
ມື້ວານ262
ອາທິດນີ້147
ເດືອນນີ້3791