ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ງານລ້ຽງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທີ່ ນະຄອນຫຼວງ ມົດສະກູ, ສ. ຣັດເຊຍ

ໃນຕອນເເລງຂອງວັນທີ 17 ມັງກອນ 2019 ສະຖານເອກອັກຄະລັດຖະທູດ ເເຫ່ງ ສປປ ລາວ ປະຈໍາ ມົດສະກູ, ສ. ຣັດເຊຍ ໄດ້ຈັດງານລ້ຽງຮັບຮອງຂື້ນ ທີ່ ສູນວັດທະນະທໍາ ຂອງກະຊວງການຕ່າງປະເທດ ເເຫ່ງ ສ. ຣັດເຊຍ ເພື່ອເປັນການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ. ໄດ້ມີຜູ້ເຂົ້າຮ່ວມຫຼາຍກວ່າ 250 ຄົນ ທີ່ມາຈາກກະຊວງປ້ອງກັນປະເທດຣັດເຊຍ, ທູດ, ທຸຕານຸທູດ, ທີ່ປຶກສາທູດຝ່າຍປ້ອງກັນຊາດຂອງຕ່າງປະເທດ ປະຈໍາ ສ. ຣັດເຊຍ, ອົງການຂອງລັດຕ່າງໆ ເເລະ ບັນດາບໍລິສັດຣັດເຊຍທີ່ພົວພັນກັບ ສປປ ລາວ ເຂົ້າຮ່ວມ.

ໃນພິທີດັ່ງກ່າວ ທ່ານ ພັນເອກ ບຸນຍົງ ພັນດານຸວົງ, ທີ່ປຶກສາທູດຝ່າຍປ້ອງກັນຊາດ ປະຈໍາ ສະຖານເອກອັກຄະລັດຖະທູດ ເເຫ່ງ ສປປ ລາວ ທີ່ ນະຄອນຫຼວງມົດສະກູ ໄດ້ຂື້ນກ່າວຄໍາປາໄສ, ຊຶ່ງທ່ານໄດ້ຍົກໃຫ້ເຫັນເຖິງໜ້າທີ່, ພາລະກິດ ເເລະ ການປະຕິບັດໜ້າທີ່ ຂອງກອງທັບປະຊາຊົນລາວ ນັບເເຕ່ມື້ສ້າງຕັ້ງກອງທັບປະຊາຊົນລາວ ມາເຖິງປະຈຸບັນ, ຍົກໃຫ້ເຫັນເຖິງບົດບາດກອງທັບປະຊາຊົນລາວໃນເວທີສາກົນ ເເລະ ຍັງໄດ້ເວົ້າເຖິງການຮ່ວມມືສອງຝ່າຍ ລະຫວ່າງ ສປປ ລາວ ເເລະ ສ. ຣັດເຊຍ ເວົ້າລວມ, ເວົ້າສະເພາະ ກໍ່ຄື ລະຫວ່າງສອງກອງທັບ ລາວ-ຣັດເຊຍ ທີ່ໄດ້ມີການພົວພັນຮ່ວມມືກັນຢ່າງເເໜ້ນເເຟ້ນ ເເລະ ກ້າວສູ່ລວງເລິກ, ຫຼັງຈາກນັ້ນ ທ່ານ ພົນຈັດຕະວາ ຊິນເຈັນໂກ ອາເລັກຊານເດີ, ຮອງຫົວໜ້າກົມໃຫຍ່ຮ່ວມມືສາກົນ ດ້ານການທະຫານ, ກະຊວງປ້ອງກັນປະເທດ ເເຫ່ງ ສ. ຣັດເຊຍ ຕາງໜ້າກະຊວງປ້ອງກັນປະເທດ ເເຫ່ງ ສ. ຣັດເຊຍ ກໍ່ໄດ້ຂື້ນກ່າວຄໍາປາໄສ, ຊຶ່ງທ່ານ ໄດ້ຍົກໃຫ້ເຫັນເຖິງສາຍພົວພັນມິດຕະພາບ ເເລະ ມູນເຊື້ອການພົວພັນອັນດີງາມ ຂອງສອງຊາດ ສອງກໍາລັງ ທີ່ມີມາເເຕ່ດົນນານເເລ້ວນັ້ນ ເເລະ ທ່ານ ຍັງໄດ້ກ່າວອີກວ່າ: ສ. ຣັດເຊຍ ໄດ້ເອົາໃຈໃສ່ເປັນພິເສດ ຕໍ່ການຮ່ວມມືກັບ ສປປ ລາວ ເເລະ ໄດ້ອວຍພອນໃຫ້ຄະນະນໍາພັກ-ລັດ ກໍ່ຄືຄະນະນໍາກໍາລັງປະກອບອາວຸດ ໃຫ້ນໍາພາກອງທັບປະຊາຊົນລາວ ກ້າວເຂົ້າສູ່ການພັດທະນາໃຫ້ເຂັ້ມເເຂງ ເເລະ ກ້າວຂື້ນໄປເລື້ອຍໆ.

          ຫຼັງຈາກນັ້ນ ທ່ານ ພັນເອກ ບຸນຍົງ ພັນດານຸວົງ ກໍ່ໄດ້ສະເເດງຄວາມຂອບໃຈຢ່າງສູງ ມາຍັງຜູ້ຕາງໜ້າກະຊວງປ້ອງກັນປະເທດ ເເຫ່ງ ສ. ຣັດເຊຍ ເເລະ ເເຂກຜູ້ມີກຽດ ທີ່ໄດ້ມາຮ່ວມງານໃນມື້ດັ່ງກ່າວ.

          ໃນພິທີ ຍັງໄດ້ມີການວາງສະເເດງຮູບພາບ ເເລະ ເຄື່ອງຫັດຖະກໍາລາວ, ພ້ອມທັງມີການສະເເດງສິນລະປະພ້ອນລໍາລາວ ຈາກນັກສຶກສາ ທີ່ກໍາລັງສຶກສາຮໍ່າຮຽນ ຢູ່ ສ. ຣັດເຊຍ ນໍາຕື່ມອີກ.

ພິທີດັ່ງກ່າວ ໄດ້ດໍາເນີນໄປດ້ວຍບັນຍາກາດອັນດີ, ມີຄວາມໝາຍ ເເລະ ສ້າງໄດ້ຈຸດປະສົງຄາດໝາຍ ທີ່ຄະນະຈັດຕັ້ງວາງອອກ, ເຮັດໃຫ້ພາລະບົດບາດຂອງຊາດລາວ ກໍ່ຄື ຂອງກອງທັບປະຊາຊົນລາວ ມີໃບໜ້າອັນໃໝ່ ເເລະ ມີຊື່ສຽງໃນເວທີສາກົນຂື້ນຕື່ມອີກ.

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
182880
ມື້ນີ້21
ມື້ວານ95
ອາທິດນີ້278
ເດືອນນີ້1662
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710