ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຜູ້ແທນລາວ ເຂົ້າຮ່ວມກອງປະຊຸມສະພາປະຊາຄົມເສດຖະກິດອາຊຽນ ຄັ້ງທີ 17 ທີ່ ສິງກະໂປ

20181113-17AECCmeeting

ໃນວັນທີ 12 ພະຈິກ 2018, ທ່ານ ນາງ ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກຳ ແລະ ການຄ້າ ທັງເປັນລັດຖະມົນຕີສະພາປະຊາຄົມເສດຖະກິດອາຊຽນ ແລະ ລັດຖະມົນຕີເສດຖະກິດອາຊຽນ ຂອງ ສປປ ລາວ ໄດ້ນໍາພາຄະນະຜູແທນຈາກ ສປປ ລາວ ເຂົ້າຮ່ວມກອງປະຊຸມສະພາປະຊາຄົມເສດຖະກິດອາຊຽນ ຄັ້ງທີ 17 ເພື່ອກະກຽມໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 33 ແລະ ກອງປະຊຸມສຸດຍອດທີ່ກ່ຽວຂ້ອງ. ເຂົ້າຮ່ວມກອງປະຊຸມຄັ້ງນີ້ ມີລັດຖະມົນຕີເສດຖະກິດ ຈາກບັນດາປະເທດສະມາຊິກອາຊຽນ ພາຍໃຕ້ການເປັນປະທານຂອງ ທ່ານ ລິມ ອຶງ ກຽງ (Lim Hng Kiang), ລັດຖະມົນຕີກະຊວງການຄ້າ ຂອງ ສິງກະໂປ, ພ້ອມທັງ ທ່ານເລຂາທິການໃຫຍ່ອາຊຽນ ເຂົ້າຮ່ວມ.

ຈຸດປະສົງຂອງກອງປະຊຸມດັ່ງກ່າວ ແມ່ນເພື່ອຮັບຊາບຄວາມຄືບໜ້າ ແລະ ຜົນສໍາເລັດຂອງບັນດາໜ້າວຽກພາຍໃຕ້ເສົາຄໍ້າເສດຖະກິດ ພ້ອມທັງໃຫ້ທິດຊີ້ນໍາຕໍ່ບາງບັນຫາຄົງຄ້າງໃນການຈັດຕັ້ງປະຕິບັດ ເພື່ອໃຫ້ສໍາເລັດຕາມເປົ້າໝາຍທີ່ວາງໄວ້ ໂດຍສະເພາະບັນຫາສໍາຄັນທີ່ຈະເໜີໃນກອງປະຊຸມສຸດຍອດອາຊຽນ ຄັ້ງທີ 33 ແລະ ກອງປະຊຸມສຸດຍອດທີ່ກ່ຽວຂ້ອງ ເພື່ອພິຈາລະນາ ເຊັ່ນ: 1) ບົດລາຍງານຂອງລັດຖະມົນຕີສະພາປະຊາຄົມເສດຖະກິດອາຊຽນ ຕໍ່ກອງປະຊຸມສຸດຍອດອາຊຽນ ຄັ້ງທີ 33; 2) ຖະແຫຼງການຮ່ວມ ລະຫວ່າງ ອາຊຽນ-ຈີນ ວ່າດ້ວຍ ການຮ່ວມມືທາງດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາ; 3) ບົດລາຍງານຄວາມຄືບໜ້າການຈັດຕັ້ງປະຕິບັດຖະແຫຼງການຮ່ວມກ່ຽວກັບການຮ່ວມມືເພື່ອສ້າງຄວາມອາດສາມາດທາງດ້ານການຜະລິດໃນຂອບການຮ່ວມມືຶາຊຽນ-ຈີນ ແລະ ຖະແຫຼງການຮ່ວມອາຊຽນ-ຈີນ ວ່າດ້ວຍ ການເຊື່ອມຈອດໂຄງລ່າງພື້ນຖານ; 4) ບົດບັນທຶກຄວາມເຂົ້າໃຈ ລະຫວ່າງ ອາຊຽນ ແລະ ຄະນະກໍາມາທິການເສດຖະກິດຢູເຣເຊຍ ວ່າດ້ວຍການຮ່ວມມືດ້ານເສດຖະກິດ; 5) ສັນຍາຂອບການຮ່ວມມືດ້ານການຄ້າ ແລະ ການລົງທຶນ ລະຫວ່າງອາຊຽນ ແລະ ສະຫະລັດອາເມລິກາ ສໍາລັບປີ 2018-2019; 6) ບົດສະເໜີໂຄງການເພື່ອເຮັດບົດຄົ້ນຄວ້າຮ່ວມກັນ ກ່ຽວກັບ “ການຮ່ວມມືລະຫວ່າງປະເທດ 10+3 ເພື່ອປັບປຸງການເຊື່ອມຈອດຕ່ອງໂສ້ການສະໜອງ”; 7) ແຜນວຽກການຮ່ວມມືທາງດ້ານເສດຖະກິດ ຂອງອາຊຽນບວກສາມ ສົກປີ 2019-2020; 8) ຖະແຫລງການຮ່ວມຂອງຜູ້ນໍາ ກ່ຽວກັບ ການເຈລະຈາຂອງຄູ່ຮ່ວມມືເສດຖະກິດຮອບດ້ານ ລະດັບພາກພື້ນ ແລະ 9) ບົດລາຍງານການປະເມີນໂດຍລວມ ຂອງລັດຖະມົນຕີຄູ່ຮ່ວມມືເສດຖະກິດຮອບດ້ານລະດັບພາກພື້ນ ກ່ຽວກັບ ສະພາບການເຈລະຈາສັນຍາ ເພື່ອລາຍງານຕໍ່ຜູ້ນໍາ.

ກອງປະຊຸມ ໄດ້ສະແດງຄວາມຊົມເຊີຍຕໍ່ ການສະຫຼຸບການເຈລະຈາສັນຍາການຄ້າດ້ານບໍລິການອາຊຽນ ແລະ ອະນຸສັນຍາສະບັບທີ 4 ເພື່ອປັບປຸງສັນຍາການລົງທຶນຮອບດ້ານອາຊຽນ ແລະ ການລົງນາມໃນສັນຍາການຄ້າທາງເອເລັກໂຕຣນິກອາຊຽນ ໃນວັນທີ 12 ພະຈິກ 2018 ຊຶ່ງສັນຍາດັ່ງກ່າວ ແມ່ນເພື່ອອໍານວຍຄວາມສະດວກໃຫ້ແກ່ການຄ້າຜ່ານແດນທາງເອເລັກໂຕຣນິກໃນອາຊຽນ ແລະ ເພີ່ມທະວີການຮ່ວມມືໃນຂົງເຂດດັ່ງກ່າວໃນພາກພື້ນອາຊຽນ ເພື່ອສ້າງຄວາມໜ້າເຊື່ອຖື ແລະ ຄວາມໝັ້ນໃຈໃນການນໍາໃຊ້ການການຄ້າທາງເອເລັກໂຕຣນິກ. ພ້ອມກັນນັ້ນ, ກໍໄດ້ຮັບຮອງເອົາຂອບວຽກການເຊື່ອມໂຍງດ້ານດິຈິຕອນອາຊຽນ ທີ່ກໍານົດນະໂຍບາຍກ່ຽວກັບການເຊື່ອມຈອດດ້ານດິຈິຕອນ ເພື່ອອໍານວຍຄວາມສະດວກໃຫ້ແກ່ການຄ້າ ຊຶ່ງບັນດາເອກະສານດັ່ງກ່າວ ແມ່ນນອນຢູ່ໃນບັນດາແຜນວຽກບຸລິມະສິດ ພາຍໃຕ້ເສົາຄໍ້າເສດຖະກິດໃນການເປັນປະທານອາຊຽນປີ 2018 ຂອງສິງກະໂປ.

ແຈ້ງການ

* ນາຍົກລັດຖະມົນຕີ ແຫ່ງ ຣາຊະອານາຈັກ ກຳປູເຈຍ ຈະເດີນທາງມາຢ້ຽມຢາມ ສປປ ລາວ ຢ່າງເປັນທາງການ (21 ມີນາ 2024)

 

* ເຊີນເຂົ້າຮ່ວມ ການແຂ່ງຂັນອອກແບບໂລໂກແອັກແມັກ (ACMECS) (28 ກຸມພາ 2024)

   

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (ວັນທີ 22 ກຸມພາ 2024)

  

* ກະຊວງການຕ່າງປະເທດ ເປີດຮັບສະໝັກລັດຖະກອນໃໝ່ ປະຈໍາປີ 2024(January 29th, 2024)

  

 *ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
480270
ມື້ນີ້100
ມື້ວານ157
ອາທິດນີ້668
ເດືອນນີ້6501