ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຜູ້ແທນລາວ ເຂົ້າຮ່ວມເວທີປະຊາທິປະໄຕບາຫຼີ ຄັ້ງທີ 10

10thBALI

 

ໃນລະຫວ່າງວັນທີີ 7-8 ທັນວາ 2017, ຄະນະຜູ້ແທນ ສປປ ລາວ ນໍາໂດຍ ທ່ານ ພົງສະຫວັດ ບຸບຜາ, ອາດີດລັດຖະມົນຕີ, ຫົວໜ້າຫ້ອງວ່າການປະທານປະເທດ, ໄດ້ເຂົ້າຮ່ວມເວທີປະຊາທິປະໄຕບາຫຼີ ຄັ້ງທີ 10, ທີ່ ບານເຕັນ, ຈາກາຕາ, ສາທາລະນະລັດອິນໂດເນເຊຍ. ກອງປະຊຸມຄັ້ງນີ້ ໄດ້ດໍາເນີນພາຍໃຕ້ຫົວຂໍ້ “ປະຊາທິປະໄຕໄດ້ຖືກຈັດຕັ້ງປະຕິບັດ ຫຼື ບໍ?.” ເຂົ້າຮ່ວມກອງປະຊຸມ ມີຄະນະຜູ້ແທນມາຈາກ 97 ປະເທດ ແລະ 7 ອົງການຈັດຕັ້ງສາກົນ ໃນພາກພື້ນອາຊີ-ປາຊີຟິກ, ເອີຣົບ, ອາເມລິກາລາຕິນ ແລະ ອາຟຣິກກາ ເພື່ອພ້ອມກັນແລກປ່ຽນຄວາມຄິດເຫັນ, ປະສົບການ ແລະ ທົບທວນຄືນກ່ຽວກັບການຈັດຕັ້ງປະຕິບັດ ແລະ ພັດທະນາປະຊາທິປະໄຕໃນພາກພື້ນ ແລະ ໃນປະເທດຕົນ.

 

ທ່ານ ພົງສະຫວັດ ບຸບຜາ, ຫົວໜ້າຄະນະຜູ້ແທນລາວ, ໄດ້ຂຶ້ນປະກອບຄໍາເຫັນໃນພາກອະຟິປາຍທົ່ວໄປ, ໂດຍທ່ານໄດ້ເນັ້ນຢໍ້າຄວາມມຸ້ງໝັ້ນ ແລະ ຄວາມເຊື່ອໃນຄ່ານິຍົມປະຊາທິປະໄຕ ຂອງ ສປປ ລາວ, ເຊິ່ງບໍ່ມີຕົວແບບປະຊາທິປະໄຕໃດທີ່ສົມບູບແບບໃນໂລກ, ລວມທັງໃນອາຊີ-ປາຊິຟິກ. ການປົກຄອງແບບປະຊາທິປະໄຕນັ້ນ ມີຫຼາຍຮູບແບບທີ່ແຕກຕ່າງກັນໃນແຕ່ລະປະເທດ ໂດຍຂຶ້ນກັບເງື່ອນໄຂ ແລະ ຈຸດພິເສດສະເພາະຂອງແຕ່ລະປະເທດ ແລະ ຄວາມມຸ້ງມາດປາຖະໜາຂອງປະຊາຊົນ.

 

ທ່ານຍັງໄດ້ຍົກໃຫ້ເຫັນວ່າ ໃນຫຼາຍປີທີ່ຜ່ານມາສະພາແຫ່ງຊາດ ແລະ ລັດຖະບານລາວ ໃນຖານະເປັນສະຖາບັນຫຼັກໃນລະບົບປະຊາທິປະໄຕ ໄດ້ມີບົດບາດສໍາຄັນໃນການພັດທະນາປະຊາທິປະໄຕ ຢູ່ ສປປ ລາວ ໂດຍໄດ້ມີການປັບປຸງດັດແກ້ລັດຖະທໍາມະນູນຕາມສະພາບຄວາມເປັນຈິງ ເຊັ່ນຄັ້ງລ້າສຸດແມ່ນໃນປີ 2015 ເຊິ່ງແນໃສ່ປັບປຸງລະບົບການປົກຄອງລັດ, ລວມມີ ອໍານາດນິຕິບັນຍັດ, ບໍລິຫານ, ຕຸລາການ ແລະ ການປົກຄອງທ້ອງຖິ່ນ. ໃນນັ້ນພົ້ນເດັ່ນກວ່າໝູ່ ແມ່ນໄດ້ມີການສ້າງຕັ້ງສະພາປະຊາຊົນທ້ອງຖິ່ນ ເພື່ອກະຈາຍອໍານາດໃຫ້ປະຊາຊົນມີສ່ວນຮ່ວມ.

 

ຫົວໜ້າຄະນະຜູ້ແທນລາວ ຍັງໄດ້ຊີ້ໃຫ້ເຫັນວ່າ ລັດຖະບານໄດ້ເອົາໃຈໃສ່ໃນການສ້າງຄວາມເປັນເອກະພາບແຫ່ງຊາດ, ຮັບປະກັນສິດ ແລະ ຜົນປະໂຫຍດທີ່ຖືກຕ້ອງຕາມກົດໝາຍຂອງປະຊາຊົນບັນດາເຜົ່າ, ໃນນັ້ນລວມທັງອິດສະຫຼະພາບທາງດ້ານສາດສະໜາ ຫຼື ຄວາມເຊື່ອຖື ເຊິ່ງປະຊາຊົນລາວບັນດາເຜົ່າມີສິດຢ່າງເຕັມສ່ວນໃນການນັບຖື ຫຼື ບໍ່ນັບຖືສາດສະໜາໃດໜຶ່ງ ບົນພື້ນຖານຄວາມຕ້ອງການຂອງເຂົາເຈົ້າ. ລັດຖະບານ ຍັງໄດ້ວາງວິໄສທັດຫັນປະເທດເປັນລັດແຫ່ງກົດໝາຍ ໃນປີ 2020 ເພື່ອຮັບປະກັນສິດສະເໝີພາບຂອງປະຊາຊົນຕໍ່ໜ້າກົດໝາຍ, ປາບປາມການສໍ້ລາດບັງຫຼວງ, ສົ່ງເສີມການມີສ່ວນຮ່ວມຂອງປະຊົນຕໍ່ວຽກງານລວມຂອງຊາດ, ສົ່ງເສີມບົດບາດ ແລະ ຄວາມສະເໝີພາບລະຫວ່າງ ຍິງ-ຊາຍ.      

 

ເວທີປະຊາທິປະໄຕບາຫຼີ ໄດ້ເລີ່ມຕົ້ນມາແຕ່ ປີ 2008 ໂດຍມີຈຸດປະສົງເພື່ອສົ່ງເສີມຄວາມຮ່ວມມືໃນພາກພື້ນອາຊີ-ປາຊີຟິກ ກ່ຽວກັບ ການພັດທະນາປະຊາທິປະໄຕ ແລະ ການເມືອງ, ເນັ້ນໃສ່ການປຶກສາຫາລືແບບເປີດກວ້າງ, ສ້າງສັນ ແລະ ຮຽນຮູ້ຈາກການແລກປ່ຽນປະສົບການຂອງແຕ່ລະປະເທດ. ເວທີປຶກສາຫາລືດັ່ງກ່າວຈັດຂຶ້ນທຸກໆປີ ເຊິ່ງປີນີ້ ກໍຄົບຮອບ 10 ປີພໍດີ, ມາຮອດປະຈຸບັນ ປະເທດເຈົ້າພາບອິນໂດເນເຊຍ ໄດ້ເປີດກວ້າງເຊີນປະເທດໃນພາກພື້ນອື່ນໆ ເຂົ້າຮ່ວມນໍາ. ພິເສດໃນປີນີ້ ຍັງໄດ້ຈັດໃຫ້ມີກອງປະຊຸມນັກສຶກສາປະຊາທິປະໄຕບາຫຼີຂຶ້ນເປັນຄັ້ງທໍາອິດ ເພື່ອຊຸກຍູ້ ແລະ ສົ່ງເສີມໄວໜຸ່ມໃນການຮຽນຮູ້ ແລະ ເຂົ້າໃຈໃຫ້ຖືກຕ້ອງ ກ່ຽວກັບ ບັນຫາປະຊາທິປະໄຕ.

a
ແຈ້ງການ

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

*ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ເລື່ອນກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 3, ກອງປະຊຸມສຸດຍອດ ACMECS ຄັ້ງທີ 9, ກອງປະຊຸມສຸດຍອດ CLMV ຄັ້ງທີ 10 ແລະ ກອງປະຊຸມສຸດຍອດ CLV ຄັ້ງທີ 11

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
200300
ມື້ນີ້901
ມື້ວານ246
ອາທິດນີ້1249
ເດືອນນີ້901
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710