ໃນຕອນເຊົ້າຂອງວັນທີ 27 ກໍລະກົດ 2020, ທ່ານ ໄພລາມ ອຸດົມຄໍາ, ຫົວໜ້າກົມພົວພັນ ຄົນເຊື້ອຊາດລາວຢູ່ຕ່າງປະເທດ, ກະຊວງການຕ່າງປະເທດ ພ້ອມດ້ວຍຄະນະ ໄດ້ຕາງໜ້າໃຫ້ພະນັກງານສະຖານທູດລາວ ທີ່ ວໍຊິງຕັນ ດີຊີ ແລະ ສະຖາບັນແລກປ່ຽນ ສ.ອາເມຣິກາ-ສປປ ລາວ ໄດ້ມອບທຶນຊ່ວຍເຫຼືອໃຫ້ແກ່ໂຮງໝໍມິດຕະພາບ ເພື່ອສະໜັບສະໜູນໃຫ້ແພດໝໍຜູ້ເສຍສະຫຼະຕໍ່ສູ້ ແລະ ເຮັດວຽກປິ່ນປົວຜູ້ຕິດເຊື້ອໂຄວິດ - 19 ຢູ່ໂຮງໝໍມິດຕະພາບ (150 ຕຽງ).
ໃນລະຫວ່າງວັນທີ 18-19 /07/2020,ເນື່ອງໃນໂອກາດເຂົ້າຮ່ວມພິທີໄຕ້ທູບທຽນ ແລະ ເນື່ອງໃນວັນເສຍອົງຄະ-ວິລະຊົນແຫ່ງຊາດຫວຽດນາມ ຄົບຮອບ 73 ປີ (27/07/1949 - 27/07/2020) ຢູ່ສຸສານສາກົນ ຫວຽດ-ລາວ ເມືອງແອງເຊິນ, ແຂວງເຫງະອານ, ທ່ານແສງເພັດຮຸ່ງບຸນຍວງເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະໄດ້ໄປຢ້ຽມຊົມຫ້ອງວາງສະແດງຮູບພາບຊີວິດ ແລະ ການເຄື່ອນໄຫວປະຕິວັດຂອງປະທານໄກສອນ ພົມວິຫານ, ຫໍພິພິຕະພັນ ຂະບວນການປະຕິວັດ ໂຊຫວຽດ ເຫງ້ຕິ່ງ ແລະ ອານຸສອນສະຖານ ທ່ານ ພົນເອກ ຈູຮຸຍເມິນ ທີ່ນະຄອນວິງ.
ຕາມການເຊື້ອເຊີນຂອງສະມາຄົມມິດຕະພາບ ຫວຽດນາມ-ລາວ ໃນລະຫວ່າງວັນທີ 18-19 ກໍລະກົດ 2020, ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ. ຫວຽດນາມ ພ້ອມດ້ວຍຄະນະນຳ ແລະ ພະນັກງານຈຳນວນໜຶ່ງ ໄດ້ເຂົ້າຮ່ວມພິທີໄຕ້ທູບທຽນ ເນື່ອງໃນວັນເສຍອົງຄະ-ວິລະຊົນແຫ່ງຊາດຫວຽດນາມ ຄົບຮອບ 73 ປີ (27/07/1949-27/07/2020) ຢູ່ສຸສານສາກົນ ຫວຽດ-ລາວ, ເມືອງ ແອງເຊິນ, ແຂວງ ເຫງະອານ.