ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 77 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມເຈົ້າໜ້າທີ່ອາວຸໂສຄູ່ຮ່ວມແມ່ນໍ້າຂອງ - ສ. ອາເມລິກາ ແລະ ກອງປະຊຸມເຈົ້າໜ້າທີ່ອາວຸໂສເພື່ອນແມ່ນ້ຳຂອງ

 

Mekong US 1Mekong US 2

 

ໃນຕອນເຊົ້າຂອງວັນທີ 05 ມິຖຸນາ 2024, ສປປ ລາວ ແລະ ສ. ອາເມລິກາ ໄດ້ເປັນເຈົ້າພາບຮ່ວມຈັດກອງປະຊຸມເຈົ້າຫນ້າທີ່ອາວຸໂສ ຂອບການຮ່ວມມືຄູ່ຮ່ວມແມ່ນໍ້າຂອງ-ສ. ອາເມລິກາ (Mekong-U.S Partnership Senior Officials’ Meeting) ທີ່ ເມືອງວັງວຽງ, ແຂວງວຽງຈັນ, ໂດຍການເປັນປະທານຮ່ວມລະຫວ່າງ ທ່ານ ສົມບູນ ສີຫານາດ, ຫົວໜ້າກົມເສດຖະກິດ, ຫົວຫນ້າເຈົ້າຫນ້າທີ່ອາວຸໂສ ຂອງ ສປປ ລາວ ແລະ ທ່ານ ນ. Melissa Brown, ຮອງຜູ້ຊ່ວຍລັດຖະມົນຕີ ກະຊວງການຕ່າງປະເທດ ສ. ອາເມລິກາ, ຫົວໜ້າເຈົ້າໜ້າທີ່ອາວຸໂສຂອງ ສ. ອາເມລິກາ ແລະ ມີບັນດາຫົວໜ້າເຈົ້າໜ້າທີ່ອາວຸໂສປະເທດສະມາຊິກແມ່ນໍ້າຂອງ ເຊັ່ນ: ກຳປູເຈຍ, ໄທ, ຫວຽດນາມ ແລະ ມຽນມາ ເຂົ້າຮ່ວມຢ່າງພ້ອມພຽງ.

 

ຈຸດປະສົງຂອງກອງປະຊຸມຄັ້ງນີ້ ແມ່ນສົ່ງເສີມການພົວພັນຮ່ວມມື ລະຫວ່າງ ບັນດາປະເທດສະມາຊິກແມ່ນ້ຳຂອງ ແລະ ສ. ອາເມລິກາ, ເພື່ອທົບທວນຄືນໝາກຜົນຂອງການຮ່ວມມືໃນໄລຍະຜ່ານມາ ກໍຄື ບັນດາແຜນງານ-ໂຄງການ ທີ່ນອນຢູ່ໃນແຜນປະຕິບັດງານຂອບການຮ່ວມມືຄູ່ຮ່ວມແມ່ນໍ້າຂອງ-ສ. ອາເມລິກາ 2024-2026 (Mekong-U.S. Partnership Plan of Action 2024-2026) ແລະ ປຶກສາຫາລື ກ່ຽວກັບ ແຜນການຈັດກອງປະຊຸມລັດຖະມົນຕີຕ່າງປະເທດ ແລະ ແຜນການຮ່ວມມືໃນຕໍ່ໜ້າ ເພື່ອຊຸກຍູ້ຂອບການຮ່ວມມືດັ່ງກ່າວໃຫ້ມີຄວາມຄືບໜ້າ.

 

ພ້ອມກັນນັ້ນ, ໃນຕອນເຊົ້າຂອງວັນທີ 06 ມິຖຸນາ 2024, ສປປ ລາວ ກໍໄດ້ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສເພື່ອນແມ່ນໍ້າຂອງ (Friends of Mekong Senior Officials’ Meeting) ພາຍໃຕ້ການເປັນປະທານຂອງ ທ່ານ ນ. Melissa Brown, ຮອງຜູ້ຊ່ວຍລັດຖະມົນຕີ ກະຊວງການຕ່າງປະເທດ ສ. ອາເມລິກາ, ຫົວໜ້າເຈົ້າໜ້າທີ່ອາວຸໂສຂອງ    ສ. ອາເມລິກາ, ໄດ້ມີຕາງໜ້າຄະນະຜູ້ແທນຈາກປະເທດສະມາຊິກແມ່ນໍ້າຂອງ ແລະ ເພື່ອນແມ່ນໍ້າຂອງ ເປັນຕົ້ນແມ່ນ: ທະນາຄານພັດທະນາອາຊີ, ອົດສະຕາລີ, ສະຫະພາບເອີຣົບ, ຍີ່ປຸ່ນ, ນິວຊີແລນ, ສ. ເກົາຫຼີ, ທະນາຄານໂລກ ແລະ  ຄະນະກຳມະທິການແມ່ນໍ້າຂອງສາກົນ ເຂົ້າຮ່ວມໃນນາມປະເທດສະມາຊິກຢ່າງພ້ອມພຽງ (ກອງເລຂາອາຊຽນ, ອິນເດຍ ແລະ ອັງກິດ ເຂົ້າຮ່ວມໃນນາມສັງເກດການ).

 

ຈຸດປະສົງໃນການຈັດກອງປະຊຸມຄັ້ງນີ້ ແມ່ນເພື່ອທົບທວນຄືນຜົນຂອງກອງປະຊຸມປຶກສາຫາລືທາງດ້ານນະໂຍບາຍ ຂອບການຮ່ວມມືຄູ່ຮ່ວມແມ່ນໍ້າຂອງ-ສ. ອາເມລິກາ ໃນເດືອນມີນາທີ່ຜ່ານມາ, ໂດຍເນັ້ນໃສ່ສົ່ງເສີມການພັດທະນາແບບຍືນຍົງຂອງອະນຸພາກພື້ນແມ່ນ້ຳຂອງ, ການປັບປຸງກົນໄກ ແລະ ວິທີການເຮັດວຽກ ເພື່ອສົ່ງເສີມການຮ່ວມມື ແລະ ການປະສານງານລະຫວ່າງບັນດາປະເທດສະມາຊິກແມ່ນ້ຳຂອງ ແລະ ສ. ອາເມລິກາ ພາຍໃຕ້ຫົວຂໍ້ “ເພີ່ມທະວີການຮ່ວມມືເພື່ອການເຊື່ອມຈອດ ແລະ ຄວາມເຂັ້ມແຂງ ຂອງແມ່ນ້ຳຂອງ (Enhancing Our Partnership for a Connected and Resilient Mekong)”. ກອງປະຊຸມດັ່ງກ່າວ ແມ່ນໄດ້ຮັບຜົນສຳເລັດຢ່າງຈົບງາມ ແລະ ສາມາດຕົກລົງກັນໄດ້ຫລາຍບັນຫາໃນການວາງທິດທາງຂອງການຮ່ວມມືໃນຕໍ່ໜ້າ.

 

ຂ່າວອື່ນໆທີ່ກ່ຽວຂ້ອງ

ແຈ້ງການ

 

* ປະ​ທານ​ປະ​ເທດ ແຫ່ງ ສສ ຫວຽດນາມ ຈະເດີນທາງມາຢ້ຽມລັດຖະກິດ ທີ່ ສປປ ລາວ ແຕ່​ວັນ​ທີ 11-12 ກໍລະກົດ 2024 (08 ກໍລະກົດ 2024)

   

* ແຈ້ງການ ກ່ຽວກັບ ການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນທົ່ວໄປ (22 ກຸມພາ 2024)

  

*ASEAN FOREIGN MINISTERS’ STATEMENT ON THE EARTHQUAKE IN JAPAN (January 4th, 2024)

  

*ເວັບໄຊທາງການ ການເປັນປະທານອາຊຽນ ປີ 2024 ຂອງ ສປປ ລາວ (17 ພະຈິກ 2023)

  

*ຄໍາຂວັນ ແລະ ກາໝາຍ ການເປັນປະທານອາຊຽນ ປີ 2024 ຂອງ ສປປ ລາວ (8 ພະຈິກ 2023)

  

* ຂໍ້ມູນ: ການເປັນປະທານອາຊຽນຂອງ ສປປ ລາວ ໃນປີ 2024

  

* ກົມກົງສຸນ ອອກບົດຖະແຫຼງຂ່າວ ກ່ຽວກັບ ການອອກໜັງສືຜ່ານແດນ

   

* ຖະແຫຼງການ ຂອງກະຊວງການຕ່າງປະເທດ ກ່ຽວກັບ ສະຖານະການຄວາມຮຸນແຮງ ລະຫວ່າງ ອິດສະຣາແອນ ແລະ ປາແລັດສະຕິນ (10 ຕຸລາ 2023)

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ກັບການນຳໃຊ້ລະເບີດລູກຫວ່ານ. (10 ກໍລະກົດ 2023)

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ. (ອັບເດດ 19 ເມສາ 2023)

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia).

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
505409
ມື້ນີ້242
ມື້ວານ262
ອາທິດນີ້155
ເດືອນນີ້3799